أعد ل3 يا احمد لو اللعب مالميتهم وانا اللي لميتها ستتعاقب وتنحرم من هذه اللعب، لو لميتها بعد ما قلت واحد ستنحرم منها يوم واحد، لو لميتها بعد ما قلت 2 ستنحرم من اللعب يومين، لو قلت 3 ومالميتها ستنحرم من اللعب 3 ايام، إنت حُر .. واحد.. بكذا إنت محروم يوم واحد..ها أكمل...اثنين.. بكذا إنت محروم من اللعب يومين بالكامل، ولو قلت 3 يصبحوا 3 ايام بدون لعب انت حر، هااا...؟ أكمل...ثلاثة.وتقومين تركضين من مكانك تلمين اللعب فورًا قبل ما يفكر لأنك أعطيتيه فرصته كاملة. وتدخلين بوكس اللعب في غرفتك، ولو اتشقلب احمد ووقف على أظافر إيدينه ورجلينه سيتعاقب ال3 ايام ومافي لعب حتى لو اعتذر اعتذارات الدنيا والآخرة العقاب مستمر. كبيرك تسامحينه وتتكلمين معاه عادي ماتكونين مخاصمته ولا تقاطعينه ابداً بالعكس عادي جدا وهذا ماله علاقة أبداً بالعقاب، ليش عاد؟!! عشان احمد ماراح يفهم الصح من الغلط إلا بالعقاب وعشان كلمتك ماتكون مرتين ولا تتعصبين وتوجعين قلبك، يتعاقب عشان يحس بطعم العقاب فيفكر قبل ما يقول لأ أو يستفزك.وعشان مايسفهك او تبقين بتهددين على الفاضي..وعشان يفهم معنى الإلتزام ويسمع الكلام..وعشان يفهم إنه لازم يعتمد على نفسه.. وعشان الحب والدلع والقلب الضعيف مايربون...وعشان معني الإلتزام بيتعلمونه مننا..وعشان الحزم والكلمة الوحدة أساس التربية..وعشان احبه لازم أربيه، ماينفع أحبه ويطلع ولد مدلل أو يتعود يستخف بكلامي وهو صغير فلما يكون رجل شبيسوي ؟!! طيب من سن كم الكلام هذا؟!من وقت ما الطفل يدرك، يعني من أول ما يبدأ يتكلم ويفهم كل الكلام وينفذه ويرد، وبتختلف من طفل لطفل اكيد.. أسأل الله أن يربي لنا أولادنا ويقر أعيننا بصلاحهم!منقول
