جم مره "جذبتي بالمنتدى" جذبة بيضه للعضوات

[OM-aB0Di]

شلونكم صديقاتي

موضوعي هالمره غير :eh_s(15):

نبي كل عضوة متزوجه تقول وتصارح من غير جذب لانه حبل الجذب صغير :eh_s(7):

يعني كل عضوة تقول جم مره جذبت جذبة بيضه ونصحت عضوة بس هالشي ماصار معاها
وتمنت يصير معاها بس ماصار فبينت حق العضوة انه صار معاها عساس تفيدها وتنصحها
او قلتي موضوع تمنيتيه يكون صاير حقيقة معاج بس تخيلتيه وكتبتيه للعضوات من باب
انه ودج يصير فيج هالشي

نبي الكل يشارك وتكون صريحه ومو مشكله يشاركونا الغير متزوجات

بس بليز بليز بليز مانبي بنات يدخلون وسوون روحم بريئات

وقولون احنه ماعمرنا دخلنه المنتدى وجذبنه جذبه بيضه :bbbiu:

إلي مالها جرأة تتكلم وتكون صريحه لاتدخل ولي صريحة تدخل وتتكلم :eh_s(15):

من ناحيتي

6 مرات جذبت ونصحت عضوات طبعا جذبة بيضه

ولكم المايك
​

 

[@ام ضاري@]

آحم آحم

يا قلبي كثير امور مانقدر نحلها حق انفسنا واذا قلنا الحل للعضوات
سبحان الله يمشي معاها
مابي اقول جذبه بيضه لا اعطي حل للكل وصعب حل مشكلتي

 

[بخـــارى]

هههههههههههههه
لكن اعرف عضوه جذت عالعضوات ومادرت اني عارفتها

لكن ربي فضحها

 

[CheeSeCaKe]

الحمد الله ولا مره جذبت بالمنتدى لأني مو مضطره ولا ارغب في كسب إعجاب الاشخاص لمجرد ذكري سالفه غير حقيقيه ممكن يتهافت الكل عليها بدون هدف !!

.. وآنا اكثر انسانه ممكن تنتقد نفسها ..

وعندي قاعده اني اتحمل عواقب فعلتي ولا اجذب فيها .... وأنا من الأشخاص اللذين يطمحون للكمالية فلا احب تصيد الاخطاء علي ..

وأعووووووذ بالله من كلمة آنــــــــا

بالحياة العامة اكيد جذبت لظرف معين ... مو لرغبتي وحبي للجذب لأني اكره الجذابين بشكل مو طبيعي ... واصيدهم على طول وانغث منهم لأني من الاشخاص اللي ما ينسوون ..

وللأسف غالبا الجذاب تلقينه ينسى ان جذب فراح يرد يسرد عليج سالفه او قصه معينه ويرد يحرف فيها ويغلط بالارقام والأماكن ....!!

تحياتي ،،،

 

[غـرامـي أنـت]

والله ولامره كذبت بالمنتدى

 

[seedo]

الحمدلله و لامره ..


انا مستغربه من هالموضوع اذا عضوه اتهايط و تجذب عشان تكسب اعجاب او او ؟؟ طيب بالاخير شنو استفادت؟؟؟؟؟؟

صراحه قمة التخلف و تضييع وقت وممكن تحس بالنقص فتبي اتعوضه بأي طريقه!

 

[ماني من الناس]

ooooooooooooo

انا بالنسبه لي قايله كل شي لبنات المنتدى ويعرفون شخصيتي وسوالفي وهبالي

واضحه وصريحه واحب السوالف

 

[عطر الدوحه]

حلووو

وكل وحده تكتب جذباتها خخخخخخخخخخ


يلا يا صاحبه الموضوع كتبي بشنو جذبتي

 

[Beauty is Me]

ولا مرة جذبت بس احس وايد اتحلطم لوووول واندمج بالرد

 

[Miss McDonald]

• ما اقولج ما اجذب لأني مثالية وووو ...
• بس الكل يعرف اسمي فـ ليش الجذب والحقيقة امام اعينهم

 

[حلوه ولمآحه]

مآعمري جذبت ،،
بس بعض المرات يوم اكتب مشكله عني >> بعض الاشياء ماقولها عشان مابي حمولتي يعرفووني،،
وفيه شي خاص بحريم عايلتنا >>ومره عضوه طلبت نفس الطلب
وارسلته لها ع الخاص وحلفتها اني ابي اساعدها بس ماتكتبه ع العام لانهم ع طول بيعرفوني،،

 

[معلمة شيسمونه]

ما اذكر اني جذبت

شحقه اجذب محد يعرفني اصلا هني

بس خواتــــــــــي

اتصرف بطبيعتي اصلا

 

[انثى عاشقة]

ولا مرة كذبت
لا كذبة بيضة ولا فوشي ماله داعي اكذب محد عارفني هنا
ومافي شي يحوجني اكذب

 

[ام زاكي]

ماعمري جذبت ليش اجذب وانا محد يعرفني بالعكس ماخذه راحتي كل شي اقوله

 

[زوجة عزيز]

ليش بعد في الجذب الوان الجذب جذب ماله الوان كله حرام في حرام والحمدلله اعرف ان ربي يشوفني قبل لا اجذب

 

[OM-aB0Di]

شي تمام لحد الحين مافي وحده جذبت جذبه بيضه شي جميل

اهلين حبيبتي عطر الدوحه

ليش ارفع حق روحي قاعده اصارح وقول الصج اي جذبت جذبه بيضه ومايحتاي اذكر شنو الجذبه قالت كفايه اني اعترفت

والاعتراف بالحق فضيله

زوجة عزيز اهلين حبيبتي

فهمي الموضوع واقريه عدل بعدين قولي حلال وحرام ولا صارت الفتاوي هالايام ببلاش كل من يحرم وكل من يحلل

ولكم المايك

 

[ابدا يالغالي مانساك]

اهلا حبيبتي جذبت بالمنتدي
مااااااذكر تدررررررين
خخخخخخخخخخخخ

لاكن ايه صح ذكرت مرررره

ويمكن لي رده بموضوعج
لاذكرررررررت

الاعتراف بالحق فضيله

 

[ملح الدنيآ.]

الحمدالله ولا مره وان شاء الله ما اضطر اني اجذب

مشكوره على الموضوع ..~

 

[G!RLooNa]

لول ليش اجذب عاد !!

و اصلا في بنات يعرفوني معرفه شخصيه و في بنات من اهلي و لو ابي اجذب بقعد اتخشش و ادش بالف نك نيم عشان ما انصاد

قبل فتره صارت سالفه قويه حق عضوه معروفه و جذبت جذبه شكبرها الله يهداها و مسجله بيوزرين و كل واحد تحط موضوع ترد عاليوزر الثاني و لانها معروفه كلنا صدقناها و صراحه كانت صدمه لما المشرفه قالت ترا هالنك و هالنك حق نفس العضوه و من عقبها اختفت ما اعتقد لها ويه ترد تشارك و يمكن سوت يوزر يديد من لابتوب ثاني عشان ما تنصاد الله و اعلم بس انا من عقب هالسالفه قلت اذا كبار الشخصيات و معروفه و هذي سوالفها بعد ماراح اصدق اي شي ينقال لو من منو كانت :/

 

[عطر الدوحه]

مو معقوله محد جذب فيكم خخخخخخخخخخخخ