جم يبيلي راس مال اذا فتح صالون؟

[سكارف.فوشي]

بنات قاعده افكر افتح صالون
بس مو عارفه اي شي
واهم شي جم يبيلا راس مال ؟؟؟؟؟؟؟؟؟؟؟؟؟؟

 

[كل شي فيني اكتمل]

حتى انا ودي اعرف ياليت الي عندها صالون تفيدنا

 

[مـ سهله ـو]

والله هذا مشروعي مستقبلا وياااليت وحده تفيدنا :>

 

[afraa81uk]

حبيباتى انا صاحبة صالون وابى اقولكم رايي .... انا عموما طالبة شريكة تدخل معاى بالصالون شريكة بالنص للظروف القاهره مثل ما يقولون اولا لانى تزوجت من جم يوم وهم زوجى يبينى اسافر معاه شهر عسل ومانى قادره وثانيه لانى هم عندى صالوون ثاني فمحتاجه شريكه معاى بصالون حولي تشاركنى عشان تساعدنى بإدارة المكان حته لو ما عندها فكره انا اساعدها مو مشكله المهم انى اعتمد عليها لو بغيت اسافر صالونى حلووو ومرتب وتعبانه عليه والعماله اللى عندى 4 بنات وكله ممتازين وشاطرين وحتى الكوافيره اللى عندى حيا شاطره بالصبغات لعبتها وبعد شسوارها عجيب وحته تسريحاتها وتركيب الشعر ف اللى تشوف تفسها حابه حل ادق على عشان تيي تشوف المكان ونتفاهم وحياها الله واذا ماص ار نصيب للشراكه نكسبها زبونه ... وفكرة ادارة صالون حلوه ترى تمر عليج ناس اشكال والوان وتسولفين مع هاذى وم هذيج وتقضين وقت ممتع والله يوفق الجميع عموما هذا رقمى للى حابه تشاركنى xxxxxxxxx

 

[سكارف.فوشي]

مشكورين يا بنات
بس مادري مو ببالي جذي ابي افتح الصالون وابي انا احط فيه وحده تديره هم لان ماعندي وقت اقابلهم واقعد بالصالون 24 ساعه

 

[bint_looda]

جم راس المال تقريبا ؟

 

[yam_yam]

مادري حياتي ماعندي فكرة
و لا تنسين على حسب المكان و الفرش و الديكور هذا كله يلعب دور

فيه صالونات ماتكلف وايد و فيه حيل متعوب عليها


و عندج حل ثاني اكو وايد صالونات للبيع بعدم التفرغ روحي شوفيها



اكو صالون بنات على البحر مو صج خياااااااااااااااااااااااااااااااااااااااااااال صراحة
تدخلين ريسبشن و حيل حلو و لا كأنج داخله صالون

و بعدها تنطرين و حاطين لج خدمه انترنت كافيه تنطرين
و قهوة بعد

عقبها كل وحده تدخل غرفة بروحها تسوي كل شي تبيه
غسيل حف شسوار مكياج كله بالغرفة مالتج
يعني قمة الخصوصية و لا احد يطالعج و لا له شغل فيج
تخلصين و تطلعين


صراحة روعة


القصد حبيبتي اذا تبين تسوين صالون سويه لكن بفكره جديدة نفس هالبنت
عرفتي

 

[slsbeel]

افراح رفيجتى اللى عنده صالون وطالبه شريكه قاطه على صالونها 15 الف مبلغ مو صغير ادرى

 

[زهقاانه]

شوفي يااقلبي بنسبه لفتح الصاالون

انا موظف بوزارة التجاره المطلوب لفتح الصالون يكون الرصيد 2000 ديناار وطبعا تكونين مأجره محل

وبأسمج وعااد اورااق ثاانيه مطلوبه بعد بس بنسبه المبلغ المطلوب لفتح الصالون هو 2000 دينااار

واي استفساار ثاني انا حااظره

 

[ogany]

زهقانة : شلون أطلعلي رخصة صالون نسائي و شنو الشروط أبي أطلعها بأسرع وقت دزيلي عالخاص بليييييييييييييز

 

[meme23_80]

شوفي يااقلبي بنسبه لفتح الصاالون

انا موظف بوزارة التجاره المطلوب لفتح الصالون يكون الرصيد 2000 ديناار وطبعا تكونين مأجره محل

وبأسمج وعااد اورااق ثاانيه مطلوبه بعد بس بنسبه المبلغ المطلوب لفتح الصالون هو 2000 دينااار

واي استفساار ثاني انا حااظره

لوسمحتي ممكن اعرف شنو اجراءات الكامله لفتح صالون ماعليج امر

 

[صابونه_]

نصيحه اخت لج
وراح احاسب اذا ما قلتها لج
لا تفتحين صالون
تحري الحلال بالرزق
لان في اشياء حرام اتسوينها بالصالون وتاخذين عليها فلوس فتصير حرام مثل النمص ووصل الشعر والتبرج حق اللي بتمكيج واتفرفر بالسوق والا المطاعم

شوفي لج مشروع ثاني الله يبارك لج فيه ان شاء الله


حتى انا قاعده ادور مشروع ادش فيه

 

[سميتك غلاي R]

و الله الوالده عندها صالوه بس مدري بكم كلفها خلاص اني بسالها وبعطيج ارد كم اوك

 

[mona77]

انا بعد اقول لج شوفيلج شي ثاني غير الصالون وبعدي عن اللي في شي حرام والله يرزقج رزق حلال انشاءالله

 

[ام مشعل المطيري]

حبيبتي انا عندي رخصة صالون اذا تبين كلميني عالخاص

 

[=>بــدون نــك<=]

اقوولك غااالي يبيله المكان والبناء ومنغير الاثاث ومنغير الشغالااات ومن غير الادوات والاغراض المستخدمه اليوميه

تقريببااا

فوق 40 الف على الاقل يعني

 

[نجلاء العالم]

بليز الاخت الي كانت تبي شراكه بالصالون انا ممكن اشاركها بالمجهود اذا تبي وعل فكه انا احط مكياج وااايد حلو ما ابالغ اذا قلت ايديني ذهبيه احط كل انواع المكياج ثقيل خفيف راقي ومرتب يعني ادير الصالون وامكيج ممكن تلفونج ونتفاهم

 

[alhnan]

ااااب

 

[كتالونيه]

حبيبتي أنا سالت صالونه وفادتني حيل
اولا قالتلي لا تفتحين صالون لان الحين الناس يبون خدمة منازل
قلتلها شلون أنا ماقدر أجيب صالونات شلون أحط اقامه قالت أنا إقامتي ع زوجي هي هنديه
وصاحبة الصالون هنديه تدور الهنديات وتعلمهم
وحاطتلهم شقه ومعاشهم 80 وهم يحصلون يالشهر500
وبرمضان اليوم 500 قالتلي اشتغل عندج
لانها متضايقه من الهنديه لانها دايما تهاوشها
وقالتلي انتي ارتاحي وعطينا الأغراض واني ردي عالزباين ودقي علي واروحلهم
واخليج تربحين

 

[رتبه دبلوماسيه]

اب اب