جنطة الاستحمام للسفر

[بلسم2002]

السلام عليكم ورحمة الله وبركاته
بنات من وين اقدر احصل جنطة الاستحمام الخاصة بالرحلات والسفر ابيها تكون عملية وخفيفة مو كبيرة وتاخذ حيز وهم تشيل الاغراض بنفس الوقت يعني عدة الشاور والتنظيف كاملة
عفيه تردون علي يسرعة لأن عندي سفرة قريبة جدا​

 

[أم عبداللطيف]

هلا والله

نفس الحالة ابي اعرف

بس همن من تجربتي الخاصه اذا عندي شئ جيس نايلون يكون يتسكر بسحاب سواء من شئ شاريتة تكون جذي علبتة استغله ومايضرة الماي لانه اصلا نايلون

وبالنسبة للشامبو افرغة باللعب الصغار عشان يكون حق استعمال بالكثير 10 مرات وينقط

وجذي ي
تكون جنطة للاستحمام صغيره وخفيفة ومرتبة بنفس الوقت

وان شاء الله اكون افدتج

 

[al-zabarjad]

الصرااحة هالجنطة عندي اياها صج صج مو طبيعة مقسمة
شي للفرشاه والمعجون
وشي لأدوات الاستحمام وشي للعطورات وشي للأدوية ولما تصفطينها تصير صغيررة وذربة

ومصنوعة من نايلون مستحيل شي يسرب منها

ولما تفتحينها فيها علاقة تعلقينها بأي مكان بالحماام وتصير كبت متكامل من الاغراض


شوقتكم صح؟؟

بس للأسف مو من الكويت رفيجتي شاريتها لي من لبنان ومالقيت نفسها بالكويت

 

[لمسة حنان]

من وين بلبنان ممكن تقوليلي؟

 

[أم وهااابي]

بو 100 ياكثر الجناط البلاستك العجيبه الخفيفه ........

 

[فيلجاويه_عسل]

روحي بادي شووووووووووووووووب

 

[fat]

في بجمعية الروضة شفت جنطة نايلون وايد حلوة تصلح حق المنظفات الشخصية

 

[زيـنـه]

شريت وحده من ماركس اند سبنسر .
و عندي وحده طلبيه من النت

 

[spring]

من يومين شريت وحدة من محل زهور الريف اللي بالفروانية (بالعربيد - فوق) ماغيره محل العطور اللي الكل هاب فيها..... المهم عندهم كذا شكل ومقسمين. واللي اخذتها لما تفتحينها فيها علاق ممكن تعلقينها وانت بالحمام ولما تخلصين تسكرينها وتشيلينها.... وممكن تستخدمينها للمكياج تعلقينها جدامج ولما تخلصين مكياج سكريها وشيليها... تضمنين ان اغراضج ماتطيح او تضيع وانتي بالسفر... اللي اخذتها سعرها 4 دنانير ....
وعلى فكرة البدي شوب ودبنهامز كان عندهم شيء مشابه بس الحين مولاقيتهم....
ان شاء الله أكون أفدتج.... تروحين وتردين بالسلامة

 

[al-zabarjad]

والله للأسف ماعرف لأنها يابتها لي هدية وهالحجي صارله أكثر من 4 سنين وماشاءالله خووش جنطة
كد ومد

 

[ياعشيري جعلك السلال]

ماركس سبنسر فيه شغلات حلوة

وروحي دايسوو فيه الغراش الصغار اذا تبين تعبين شغلات