جنطة السفر

[omm aljawa]

:68_asmilies-com: ابي اسلكم ياحلووين شنو تحطوون اب جنطة السفر ؟؟
او شنو الاشياء اللي لالالالازم تكون موجودة معاي ؟؟
بلييز فيدوني يمكن في اشياء اكون غافلة عنها :0bee2e8d89:

 

[ام الدرر]

اولا حبيبتي يعتمد على سفرتج طويلة ولا قصيرة اذا طويلة مدة السفر بالطيارة او السيارة خلي معاج جنطة صغيرة هاند باق فيها غيارات وملابس طقم وفرشه ومعجون صغار وكريم ترطيب والاشياء اللي تحتاجينها ضروري

وبالجنطة الرئيسية
اهم شي غيارات داخلية شنو متعودة تلبسين للبيت وللطلعة حطي لج زايد
عشان اذا مافي مجال تغسلين وخليهم باكياس بروحهم عشان تميزينهم
عقب ملابس نوم وللبيت
وملابس للطلعة
ومكرمة الجواتي او الصنادل واختاري المريح وهم خليهم باكياس عشان النظافة
وعقب جنطة صغيرة تنحط داخل الكبيرة للشامبو والكريمات وفرش الاسنان وغيره من مسلتزمات الحمام
وجنطة للميك اب وكريماتج
وحطي شوي ككاو على قرمشات للتسالي
بالسلامة وهالله هالله بالصوغة الزينه عاد

 

[ضماي هو وهناي]

لا تنسين جنطه ديسكفري ( انا مسميتها جذيه ) هالجنطه زااااااااااهبه طوال العام لاي طارئ سفري ....
وتحتوي على اغراض بس ارجع ابدلهم مباشره اذا يبون تبديل مثل اغراض الحمام او اضيف عليها النواقص
الجنطه من جناط المكياجات وهي متوسطه الحجم ومربعه وماتكون صلبه او ثقيله عشان تنحط مع باقي الاغارض وسهله بالحمل ..
وفيها ...
مشط نوعين بروش واسنان وعلبه بدكير صغيره وضروري تحتوي على مقص صالح لكل الاستعمالات بس صغير .
علبه صغيره فيها ابره ناعمه وبكره خيط صغيره ابيض وثانيه خيط اسود ودبابيس النوعين الابره والدبوس اللي يتسكر بعضهم يسميه شنقال او جلاب ... بس حجم صغير ومن كل نوع اربعه او 5 احتياط بالعلبه ومسكره ماتنفتح الا عمدا .يعني محكمه بسحاب انا حاطتهم بعلبه من ابو 100 وعباره عن بوك مال الفلوس بس فيه نوع صلابه شوي .
ضروري ضمادات علبه صغيره بعد بمختلف الاحجام انا اخذت ماركه بيبي جونسن لانها بعد محكمه الغلق موكارتونه ممكن تنشق .تقدرين تبدلين الكارتون بنفس موصفات علبه الابر والخياطه .
كيس تعليق مجزء فيه علاقه للحمام وهالكيس موجود بقسم تجهيز المطابخ بالجمعيات شكله علاقه مثل علاقه حامله الريمونت كنترول اللي تنحط بطرف الغنفه .
الكيس هذا احط فيه ادوات الحمام مثل فرشه الاسنان والمعجون والشامبو والبلسم بحجم صغير طبعا للسفر وشور جل لاتنسينه والكريم المرطب كلهم احجام صغيره كبر كف اليد تقريبا او اكبر شوي او اصغر ...
لاتنسين هالادوات بروحهم بكيس عشان لو انفكوا لا سمح الله مايلعوزون باجي الاغارض وضيفي عده حلاقه ريلج الفرشه الموس الجل والصابون بعد نسيته .... مااحب استعمل صوابين الفنادق ابد كلها تجاريه ومتصلح ..
حطي ورق تلميع الجواتي الحين منفصلين كل ورقه بكيسها الله يعز الحضاره وبعد ورق تعقيم المرحاض وورق الملطف بريحه مميزه تحبينها وموجوده بركن الكلينكسات بالجمعيات ....
ليفه وفرشه الجسم وهذي اروح فيها بس ماارجع لاني بيوم ردتي للكويت عزكم الله اقطهم بالزباله هم مع فرش الاسنان والمعجون لانه صغير اكيد بيخلص بالسفر .
كل ادوات النظافه باحجام صغيره واذا مالقيت الا العود اصبهم باقراش بلاستيكيه صغيره وهالشي ما عمري جربته لكني فكرت لو مالقيت من نفس نوع الشامبو الا الكبير شبسوي وخشيت لي قرشتين بالمطبخ احتياط .
مبخر صغير مع ولاعه بخور وفحم سريع الاشتعال بس من 3 الى 5 حبات مرات اذا انا مطوله ازيد العدد
اخوي بمره سافر معاي وقال لي ماشاء الله والله كأني بالديره ولا عنا بقالات ولا سوبر ماركات ولا شي ...
نسيت اقولج الاوتي الصغير مانفعني لانه ياخذ وقت بالكوي فاخذت معاي خحم عادي بس خفيف الوزن ونوعه اللي يتعبى ماي ..
وهذا بروحه بجنطه مع ثوب الصلاة والسجاده .
هالجنطه مع جنطه الاوتي الاثنين من اهم الاغارض واولهم معاي وين مارحت طبعا الاوتي اذا سفرتي اكثر من ثلاث ايام لني باحتاجه اما باقي الاغارض لا مااستغنى عنهم واخاف انسى شي عشان جذيه زاااهبه ....
نسيت فيه بلاستر احطه معاي بالسفرات اخاف احتاجه واكياس الرول سبحان الله احتاجهم هم هذيل دااخل دسكفري ... لا تقولين دسكفري ماتكفي لا ماشاالله راهي المكان لان الاحجام صغيره وكل على حاله بكيس معزول والله الجنطه تقريبا 30 سم يمكن 20 سم وكاااااااااااااافيه بعد لان الاوتي مو فيها بروحه مع السجاده والثوب ...مرات احط غلايه ماي صغيره لريلي اسويله قهوه الصبح واكواب بلاستيكيه بس هول مالهم علاقه بدسكفري
نسيت لا اقولج دسكفري احط فيها شاحن تلفون ومحول كهرباء من اصبعين لثلاث لان بعض اديار نافيهم الا بو اصبعين ومرات القاهم الضعاف فعامله احتياطاتي
امي راحت معاي الحج وشافت طريقتي وماخلت مره من حريم اخواني الا وقالت لهم بنتي وبنتي ولا خلتني احتاج لشي ولا اهي احتاجت ...
اتمنى انج استفدتي من هذرتي ....

 

[omm aljawa]

ام الدرر ,,, مشكورة على الافاده
روحي الكويت .... مشكوووووورة واااايد على ا(لهذرة) لاني اموووووت على الهذره او واااااااايد استفدت منج الله يعطييج العافيه

 

[ثلاثينية]

تعتمد على حسب السفره ..
وما شاء الله روحي الكويت كفت ووفت