اي والله انا ما احب اكرر ملابسي احب اتميز على طول
يعني اوديلي كذا بدله بس مو كل يوم بدله ... اودي بدلات وقطع اقدر اغير فيهم يعني اركب هذا على هذا وهذا على هذاك واودي ترينق 2 واودي بيجامات حلوه وغريبه (( اغير ستايلي هناك عاد)) 4
ولفاتي اودي على كل بدله لفه واودي الللفات الي يلبقون على الاغلبيه
اما بالنسبه للجواتي كرمكم الله اودي واحد سبورت واوديلي 3 الوانهم راكبه على الكللان راح تشترين هناك اكيد
والميكب اودي حمايه وفكس باودر وماسكرا و كحل وآيلنر وبلشر بس لان هناك منتي رايحه سهرات الا الي بتروح سهرات هذا شي ثاني
كلونيات 2 وحده قويه وحده خفيفه ورشوش السرير
واغراض الحمام كلهم طبعا بس كل شي ميني والفوط
ديتول رش .... مناديل ديتول ومناديل بيبي حق الطلعه ويمكن استخدمهم بالفندق
اوراق تكرمون مراحيض للطلعات وابريق للوضوء للي بتروح دول مافيها شطاف
واكو مطاطير ملوت قواري الياهال انوديهم عشان حق الطعه نترسهم ماي حق الحمام تكرمون
وبس تقريبا هذا واذا طرالي استنتاج عملي بقولكم
