جنوب افريقيا

[قلبي عبدالله]

السلام عليكم صبايا وصباحكم احلى من العسل:nbptr:


انا بكره الساعه ست المغرب راح اسافر
والوجهه جنوب افريقيا الرحله راح تكون من الدمام الى دبي وراح نبات ليله وبعدها الى جنوب افريقيا

اتمنى من كل وحده زارت جنوب افريقيا تدخل وتعرض تجربتها

والاماكن الي زارتها وشنو الحلو فيها وعيوبها بعد:yaaaaaarb:

 

[جوري الكويت]

ما عندي فكره انشالله البنات يفيدونج

 

[غديران]

تروحين وتردين بالسلامة

ماعندي فكرة عن اللي طلبتيه

 

[من حقي أغير]

اب اب

 

[<<المها>>]

اب لعيونج ..

بس المفروض نزلتي موضوعج قبل فتره من الحين ..

عشان يمدي البنات يساعدونج ويمديج تجمعين معلومات عنها

 

[أميرة الماس]

تروحين وتردين بالسلااامه
شووفي مووضوع بنت عبدالغني شربت عن رحلتها لجنوب افريقيا راااح تستفدين من رحلتها

 

[دكتوره دلال]

اهليين اختي


انا رايحتلها 2006 الدييييره موو طبيعيه يعني طبيعه خيااااااااال ,, بس يعني سوقها مو وايد في اشياء تبّرد الجبد

اهم شي الترفيه فيها وايد حلوو ,,

اهم الاماكن :
جوهانسبيرغ - جدا عاديه وتكثر فيها الجرايم وعقب المغرب كل شي يسكر " هالشي عموما بكل مكان بجنوب افريقيا "
انصحج بس يوم واحد ترتاحون فيها

صن سيتي - روووووووووعه شوي عليها اهيا نفس منتجع وداخل كذا منتجع

ان شالله فهمتيني ,, بس واايد حلوه صن سيتي الترفيه فيها حلوو


واحنا بالغلط رحنا ديربن :eh_s(16): لو مورايحين وايد احسن تلووووووووووووع الجبد كلش كلش مو حلوه ما انصحكم ,,

كيب تاون : أحلــــــــــــــــــــى مكان بعد صن سيتي قعدوا فيها 10 ايام اتيييييييييننن اتييننن مو طبيعيه
والاماكن اللي انصحكم فيها : روحوا جبل الطاوله , رأس الرجاء الصالح " ملتقى المحيطين الهندي والاطلسي روووعه سبحان الله " لا يطوفكم هالمكان ,, روحوا جزيره مانديلا ,,
حديقه الزهوور جنــــــــــــه سبحان الله ,, والمنطقه الحيويه بكيب تاون او اللي يسمونها " الدوان تاون حق المدينه " مكان
اسمه "ووتر فرونت " كله اسوقه وقهاوي ومطاعم وبحر شي حلو بتستانسون

ولاتنسون رحله السفاري بكيب تاون ,, وترووحون حق قبايل الزولو " اكلي لحوم البشر " :082502bye_prv:

وبالنسبه للجو : ترا بببببببببببرررررررد لانه عندهم اشتا الحين ,, بس ديربن مو حاره رطوبه

وبعدين بالفندق اكو البروشورات ادليكم وين تروحون


وعليكم بالعافيه

اي استفسار لا يردج الا لسانج ​

 

[دكتوره دلال]

والحين بعد ديروا بالكم كاس العالم والبوووق زااايد عندهم ,, حاولي تمسكين لج جنطه كروس وحطيها جدامج سبحان
الله ماتدرين ,,, لانه وايد بوق ​