جنيني اختفى؟؟؟

[زوجي حبيب قلبي]

انا حامل لي 10 اسابيع


سبق لي الاجهاظ

سويت كل التحاليل سليمة

اخذت مثبتات
سمعت نبض الجنين قبل اسبوعين
وشفته
اليوم الظهر قمت لقيت افرازات بنيه
جتني قبل لااسقط بحملي الاول
قمت معي مغص زي الدوة
رحت للدكتور
قالي الجنين اختفى!!!!
قلت كيف مازل معي شي
قال تحلل بالرحم
لازم تنظيف

بالله وش هالكلام وين طار ؟؟؟
اه يارب ياليتن مت
ندمت على ايام رمضان اللي راحت ياليتني دعيت على نفسي
وربي الموت ارحم
انا عايشةعند ناس تتمنى لي الشر
ومسكينة ام زوجي يافرحتها
اليوم تبكي معي
راحت معي بكل مراجعاتي
من كثر ماهي فرحانة لي
لي شهوروسنين انتظر
وبانهاية افقده بدون أي سبب؟؟
الافرزات معي زادت
وادري بكرة بينزل دم
مثل اجهاضي الاول
بس الاول ماكان فيه نبض
هذا سمعته وشفته
وبعدين اختفى اه بس
وين طس
وش اللي صار
تكفووووون انتظر ردكم
ربي يفرج عنكم
ولا يوريكم مكروه

 

[ام اميره]

خيييره انشاءالله ربي يعوووووضج ياااااااارب بتؤااام سليمين معااافين ياااااااااارب
عااااااجل غير اااااجل يااااااااااااااااااااااارب
بالعكس لاتعترضين على حكمه ربج الله سبحانه وتعالى ماكتبه لج يمكن ربي سبحانه دفع عنج البلاء ماتدرين شنو الخيره
ميخالف
ترى انا بعد مرتين سويت مره تنضيفات ومره طاح بسرعه والحمدلله على كل حااال
وبعدين ماتبين ربج ياجرج ربي قاعد يختبرج بس قولي الحمدلله وقولي انالله وانا اليه راجعون كفايه هالجمله اتقولينها شوفي ربج شنو بياجرج ماتدرين ربج شنو خااش لج بعدين صح ولا لا؟؟
وبعدين خلي كلمه الحمدلله على لساانج دايما ولاتعترضين على حكمه الله
والله سبحاانه اذا حب عبد ابتلاه وهذا ابتلاء قوي ايماانج بربج والله سبحانه يبيج اتقربين منه
وبالختاام ربي يرزقج ياااااااااااااااااااااااااااااااااااااااااااارب ياااااااااااااااااااااااااااااااارب يااااااااااااااااارب ماتخلص السنه الاوانتي حاااامل ياااااااااااارب
بس اهم شي ماتقوووولين حق احد والله يكتب لج ماافيه الخييير ياااااااااااارب

 

[fun88]

الله يواجرج بمصيبتج ..

خليني اقولج شغله .. اول شي احمدي ربج على اي مصيبه تجيج .. وبعدين ما في شي اسمه تحلل بالرحم .. شنووو كليكس هوو

رووح هذا .. لازم يكون باين ..

روحي حق دكتوره احسن منها .. روحي حق دكتوره معصومه ماقصيد تلاقينها بالبحر سنتر .. شااااااااااااااااطره بريفيسورا .. وشاااطره حييل


وحده من اهلنا .. اسم الله عليج ,, تقريبا تحمل وبعد شهر او شهرين يطيح .. متزوجه طول 17 سنه ما حملت .. سعوديه .. وبعدين تطلقت من زوجها وتزوجت واحد غيرها كويتي وجت الكويت .. وراحت تعالج عند معصومه ماقصيد .. وقالت لها الله يستر لا يكون للى فبالي .. سوي تحاليل .. ولما سوت تحاليل قالت مثل ما توقعت .. انتي كل ما حملتي يصير جلطه بالمشيمه ويطيح البيبي .. انتي تحتاجين ابر تطقينها طول 9 شهور .. بفخذج .. والحين ما شاء الله المره على راس الليله .. بتولد ..

نصيحه اخت رووحي وشوفي يمكن في مشكله . وفي وحده اسمها ام عبدالله مصريه بالمنقف .. هم كانت سستر وتقاعدت .. تعالج العقم .. وسبحان الله هي عقيم ما تجيب .. وواجد حملوا من بعد فضل الله عليها ..

اذا ودج برقمها قولي لي وانا اكتبه لج

 

[ماكنتووشه]

قال تعالي
((عسى ان تكرهو شي و هو خيرا لكم وعسى ان تحبو شي وهو شر لكم ))

الله يعوضج وهذا اختبار من رب العالمين قولي الحمد لله علي كل حاااااااااال

والله يرزقج بذريه الصاااالحه

 

[om.7madiiin]

رد : جنيني اختفى؟؟؟

شنووو وين طس؟
حرام عليييج ادعي ربج
يرزقج
والله يرزقج يااارب
حمدلله على كل حال حمدي ربج توة ماكبر
رفييجتي اجهضت بال 8 ماات ببطنها
حمدي ربج حيااتي الله يهدييج

 

[جروح خالده]

رد : جنيني اختفى؟؟؟

الله يعووضج خير ان شاءالله


ربي موكاتبه لج ان شاؤالله

الله يرزقج بالذريه الصاالحه

 

[Tutti-Frutti]

رد : جنيني اختفى؟؟؟




الله يعوضج انشالله

 

[روعة خيال]

اذا انتي تحملين و في فرصة حمال

غيرج يددددددددددددعي بس ان تنزل عليها الدورة مثل الحريم عشان تحمل!!

شلون تبين ربي يرزقج و انتي تقولين مثل هالحجي!!

ضامنة ان ربج راح يرزقج مرة ثانية بعد هالحجي اللي كتبتيه؟؟

بدل لا تقولين ادعي لعمري تقولين ادعي على عمري!!

و شنو وين طس؟؟

يبه هذي كتبت ربج و انتي تعترضين عليها!!

ادري كلامي قاسي بس انتي اللي جنيتي على عمرج

روحي مستشفى الصباح قسم الاجهاضات المتكررة و شوفي الحريم هناك

سالت وحدة جم صارلج حامل؟ لان بطنها عود؟

قالت انا الحين بالسادس بعد 8 اجهاضات!!

سبحان الله ربج ما ينسى عبيده

بس اي عبيد؟؟

اللي يعترضون على حكمته و الا اللي يفرشون السيادة و يبجون و يدعون؟

جربي صلي الليل و استغفري شهر واحد بس و انتي مؤمنة ان رب العباد ماراح ينساج.. شهر واحد بس

اتحداج اذا ما كتبتي قصة ولادتج بعدها بـ 9 شهور

 

[..’’ياقلبـك الخوّاف’’..]

حبيبتي انتي يبيلك تقرين على نفسك كورس كامل تعالجين عند مقرئ ..هذي عين والله اعلم..

لاتحانتين عليك بالرقيه الشرعيه والله يرزقك بدال الولد عشر يااااااااااااااااااااااااارب

 

[meen_ana]

الله يعوضج ان شاء الله بالذريه الصالحه وروحي تاكدي عند دكتورة ثانيه احسن

 

[غرووووور]

رد : جنيني اختفى؟؟؟

أختي إستغفري ربج
وماتدرين شنو الخيره فيه وحرام عليج تقولين هالكلام
خلي إيمانج بربج قوي والله يعوضج