جهاز الشمع

[كـــكـــاوة]

مرحبا .......

حبايبى بغيت اسال عن جهاز الشمع لإزاله الشعر اللى يكون بحوض أو حوضين .. فى أحد جربه ؟ واللى جربت أول شى تقول من وين شرته؟ وبجم ؟ ونفعها ولا لأ ؟ وسهل استخدامه ولا لويه ؟ وآسفه على هاللسته من الأسئله .. وشكرا مقدما

 

[-aToNa-]

اي والله انا ابي واحد بس مو عارفه من وين وبجم
up
up
up
up

 

[كـــكـــاوة]

أنا شفته بجرايد الإعلانات ، فى بحوض وبحوضين الأسعار من 12- 18 بس كنت بعرف اللى استخدموه استفادو منه وسهل الستخدامه ياليت اللى عندهم وجربوه يقولولنا

 

[كـــكـــاوة]

رفع

 

[اعلاميه]

انا شريت واحد من سيتي سنتر بحوض واحد ... وكان معاه شمع هديه حييل فادني حق الاوقات الصعبه
وسهل الاستخداام

 

[كـــكـــاوة]

اعلامية مشكوره حبيبتى وماقصرتي , بجم خذيتيه ؟ واليوم دقيت على جم محل بعضهم يقولى الحوض المنيوم ولا بلاستيك ؟؟ توقهت ماعرفت شنو الأحسن

 

[كـــكـــاوة]

بنات اللى عندهم الجهاز عفيه ناطره تجاربكم

 

[كـــكـــاوة]

رفع

 

[كـــكـــاوة]

بنات وينكم .. عفيه ناطرتكم أبى أشتريه وناطره تجاربكم فيه

 

[كويتيه احب الكشخه]

في بالفجر الجديد الي بالسالميه
بحوض واحد على 10 والي اشوفه زين لان معظم الصالونات شغاله عليه
ولو مو زين مااستعملوه

 

[كـــكـــاوة]

في بالفجر الجديد الي بالسالميه
بحوض واحد على 10 والي اشوفه زين لان معظم الصالونات شغاله عليه
ولو مو زين مااستعملوه

----------------------------------------------------------------
مشكوره حبيبتى وماقصرتى .. انا أدرى أنه زين بس بغيت شنو افضل نوع

 

[غربة ملاك]

رد : رد: جهاز الشمع

اي احنا عندنا واحد بو حوضين ووايد حلو وسهل الاستخدام مو لويه ولا شي بالعكس
ولا تختارين الشمع الاخضر بالعكس الاصفر حلو يشد الويه وخاص حق التجاعيد
حبيبتي دزيلي على الخاص لاني مو دايم ارجع حق المواضيع بس ان شاءالله راح افيدج

بسال امي من وين شرتها وبجم وكل شي تبينه وراح ارد عليج بس اشوف الرساله ولا يهمج

 

[Purple Occasion]

رد : جهاز الشمع

شريته بحوض واحد من الجوثن بالسالميه..
والشمع القالب العسل بدينارين ونص ..
استخدامه وايد حلو ومعاه مثل عصاه خشب تحمي اصابعج من حراره الشمع..
وبالتوفيق..

 

[كـــكـــاوة]

:33_1185028183:

مشكورين بنات وماقصرتوا ... جزاكم الله خير

 

[الجوهرة777]

شريته من المنشر من محل


اسمه الغدير أو العزيز <<<<<< وفيه له فرع بالسالمية


شريت أبو حوض واحد لأني ما لقيت أبو حوضين

والشمع معاه كيلو هديه <<<<<< العسلي


تكسرين الشمع

بسكين مثلا وطقينه بمطرقة ليما يتكسر لكسر صغار تدش بالحوض


( في شمع قطع صغيرة <<< بالشاهبندر ) بس اللي عطوني اياه قطعة وحدة ماسكة

سعرة مو متأكدة بس من 15 - 20 دينار

تشغلينه على الحرارة العالية وتخلينه مدة <<< بالذات أول مرة علشان يذوب كل الشمع

ولما تجين تستخدمينه قصري شوي عالحرارة

واستخدمي شي خشبي تشيلين فيه الشمع <<< انا ماخذة سكين خشب من دايسو ( مو حاده )

تطلعين فيها الشمع << وبعدين تشيلين الشمع باصبعج ( لازم - علشان تحسين بحرارته )

وبعدين تبردينه شوي مو واجد وتحطينه عالجلد وبس ييبس تشيلينه

علشان ما يلزق الشمع وينفرد معاج بسهوله حطي معاه شوي زيت زيتون ( ربع فنجال )

جربي وتتدربي على ايدج وعلى رجلج بعدين الوجه


في حال تعرضتي لحروق لا سمح الله حطي << ميبو


وثاني يوم حطي سودو كريم


مع العشرة راح تحبينه

وحتى حق المنطقة الحساسة يهبل وما يعور