جهاز المشي شرايكم بنات؟؟؟؟

[@فطفوووطه@]

لاتطلون دشوا

بنات انا ودي اشتري جهاز المشي المنزلي شرايكم فييه ينزل الوزن ولا لا لان بعد النفاس احس زاد وزني شوي وابي انزلها منو استخدمته وشنو احسن نوعيه وصج ينزل ولا لا بلييييز فيدوني والله يوفق اللي ترد علي وشكرا

:bye22:


​

 

[اطياب طيبه.أم عبدالله]

والله يا اختي هم انا افكر بنفس الموضوع خصوصا حق ارمضان الواحد يمتتتتتتتتن وااايد

مبارك عليج الشهر مقدما

 

[@فطفوووطه@]

الله يبارك فيج ومبارك عليج الشهر انتي بعد

وان شاء الله البنات مايقصرون

 

[منال القلب]

صدقيني أسبوعين وبتملين منه وتبيعينه بعد!!
لا تقطين فلوسج عليه لأنج راح تملين منه وسألي مجربة. روحي الممشى وايد أحسن وأفيد..

انا كنت نفس حالتج وشريج وكنت ناوية استمر عليه بس بعد فترة مليت منه وقطيته بالغرفة وبالاخير بعته لان محد يمشي عليه

 

[تيلي توبيس]

مانصحج فيه والله روحي ممشي بس مانصحج بعد الجو كلش مايساعد شتركى نادى وايد احسن وابرك لانه مراح تستمرين عليه كل اللي اشترو الجهاز ماكملو رفيجتى خلته ستاند حق المكواه هههه واختى اهملته وكسروه عيال اختى لانه موقاعده تمشي فيه فيعنى حرام تقطين فلوسج عليه

 

[جاسمريه]

بالعكس انا انصحك فيه

انا عندي واحد ومرتاحه كثير عليه واحطه عند التلفزيون ومااحس بالوقت وماانكر اني احيانا اطفش منه بس بالكثير اسبوعين وارد له

وهو مايعدل بس جسمك حتى نفسيتك تتغير وتحسي انك خفيفه

وبالنسبه لنزول الوزن بدون تخفيف اكل ماراح ينزل وزنك بس راح يشده يعني لازم رياضه وتخفيف وزن ولا تتوقعين راح تلقي النتيجه باول اسبوع لا مع الاستمرار راح تشوفي الفرق وطبعا يعتمد على نوعية الجسم

 

[ورود حمراء]

الصراحة
انصحج فيه وااااايد حلوووووو
لأن الجو الحين ما يساعد أحد يمشي فيه حر ورطوبة
وعشان ماتملين منا حطيه جدام التيلفزيون
آنا شريتا من تلي سين ومشاالله صار له 3 سنين عندي ومااخترب
انشاالله اكون افدتج

 

[بطة vip]

والله اذا عندج اراده في الضعف بتشتريـنه وماراح تخلينه زينه بالعكس بتستفيدين منـه ومثل ما قالت جاسمريه < الجهـاز يشد مناطق بالجسم وماتشوفيـن ترهـل , بس الممشى انا عنـدي احسن وافضل حتى سمعت دكتور على الراي يقول جهاز المشي يسبب ألم بالمفاصل رغم انه يشد الجسم , وقال الممشى مع المشي السريع = جهاز مشي مع شد بدون ألم في المفاصـل ..
اهم شي مو تتمشن عادي بالممشي ويالله تمشيـن لا خلج اسرع هروله سريعه رايحه راده وشوفـي النتايـج ..

 

[miss angel]

رد : جهاز المشي شرايكم بنات؟؟؟؟

حبيبتي ليش ما تشتركين بالنادي منها في كذا جهاااز تلعبين فيه ومنها تسوين تمارين الايروبيكس ترى وايد حلوه حق الجسم

 

[البطة المستانسة]

>>> هلا بالغالية <<<<

والله انا اشوف انج تشترينه ، وصدقيييييييييييييييييييييييييني السالفة سالفة إرااادة وبس !!! ، إذا تبين الضعف ، بتضعفين بأي طريقة

انا شريته من 3 سنوات تقريباً ،من تلي سين ب300 دينار تقريباً ،، والله يسوا يسوا ،،، تدرين ليش؟

لأني لا بغيت أضعف ، أو أشد جسمي يكون موجود عندي لا نادي ولا ممشا ، ومسألة يضعف ولا ما يضعف!! << تعتمد على السرعة وعلى المدة ، وعلى أكيد الأكل ...

وموفقة

 

[رحيل المرافيء]

رد : جهاز المشي شرايكم بنات؟؟؟؟

لاا تشترينه
اشتري اوربت تراك احسن او الغزال الطائر الالكتروني مو اليدوي
واسعارهم ارخص
يشد وماتملين منه ومافيه ضغط على القدم
جهاز المشي يضغط على القدم

 

[ام طلال22]

اختي اشتريه وانتي مرتاحه بس في بعض الملاحظات ودي افيدج فيهم من واقع تجربة
1- اشتري النوع اللي أرضيته متساوية لأن بعض الانواع يجي من جدام مرتفع شوي وهذا يتعب الركبة مع المشي.
2- رباط الامان يكون بالضغط مو المغناطيسي لأن اللي بالضغط لو يضيع تقدرين تتصرفين بوضع اي قطعة حديد لكن اللي بالغناطيس إذا ضاع مشكلة .
انا عندي جهاز المشي من 7 سنوات والحمد لله مرتاحة واااايد عليه انا شريته لياقة مو لتخفيف الوزن لأن الحمد لله وزني مناسب لطولي بس بسبب الجو وثلاث ارباع السنة حر قررت اشتريه قسما بالله أول لما كنت اصعد الدرج اقعد انهت واتعب ومن شريته الحمد لله احس اني خفيفة ونشيطة وحتى ما تملين حطيه بغرفة فيها تلفزيون وتابعي وانتي تمشين وديري بالج لا تمشين بعد الاكل مباشرة لا اقل شي ساعتين وحاولي اول ما تبدين تمشين 5 دقايق مشي عادي وبعدين 15 دقيقة جري وبعدها 20 دقيقة مشي سريع لين تحسين انج عرقتي وبعدها اخذي شور من ثاني يوم بتحسنين ان حياتج تغيرت للأحسن
واللي يقولون بتملين اضغطي على نفسج شهر كل يوم مشي وبعدها بتتعودين عليه وتحسين في شي ناقص بيومج ما سويته
وبالتوفيق ان شاء الله

 

[Q8stylle]

انا انصح فيه عندي واحد واحسن لي من برا من التحرش ومن الجو الحار
واحطه عند التلفزيون ومااحس بالوقت وماانكر اني احيانا اطفش
منه بس بالكثير اسبوع وارد له مااقدر استغني عنه

 

[@فطفوووطه@]

ماقصرتوا حبايبي وانا بشتريه لياقه وتخفيف رغم اني مو متينه بس مااحب المتن ويعطيكم العافيه

 

[Miss sensitive]

والله انا بعد ودي
بالنادي استخدمه ساعه كامله ولا امل بس احاتي ان ما اتاخر علا بناتي

 

[memechii]

انصحج فيه راح يشد جسمج
والله راح يصير ينن و لما تسوين رجيم يترهل جسمج مالج الا هل جهاز
كل يوم امشي عليه والله يخلي الجسم ينن

 

[ريماR]

عندي جهاز مشي حلو انصج فيه والقاري همنا حلو بس يعور
مو علشان ضعف وجذي لا علشان تخفيف وزن بس

 

[عهود الحب]

رد : جهاز المشي شرايكم بنات؟؟؟؟

يا حلو جهاز المشي
بس اخذي الي يكون جودة و سعره مرتفع شوي ديربالج من الرخيص
واخذي الي يكون سيدا مو مرتفع وانتي تتحكمين فيه
شحلاته يعدل جسمج
اما الممشى والنادي صراحة ماراح تلتزمين يبيله تفرغ ووقت مخصص
اما الجهاز حطيه جدام التلفزيون وامشي ماراح تتعبين
بس اهم شي الارادة والاستمرارية

 

[missnohaa]

انا انصحج فيه حبوبه
انا وحده ما استغنى عنه
وديرى بالج تاخذين اى جهاز
انا خذيت الجهاز هافى ديوتى مال نوادى يتحمل الى وزن 140 كيلو ويكون مستوى مع الارض ويعنى مو مرتفع فيه برامج انتى تتحكمين فيها فيه دقم وايد حتى وحده منهم استخدمها وايد مكتوب عليها fat burn يعنى حرق الدهون رووووعه
لانى جربت اخذت ارخص منه بس السير كل ساعه اييى على صوب
لان الوزن ياثر عليه حطيه جدام التلفزيون وفرفرى على راحتج
بصراحه رووووووووعه
انا احبه هالجهاز وشىء مهم فى بيتى

 

[ليالي الكويت1]

رد : جهاز المشي شرايكم بنات؟؟؟؟

حتى انا مفكره اشتريه




البنات ماقصرو