جهاز فيلبس للقلي بدون زيت !!

[Toffi]

السلام عليكم ورحمة الله وبركاته ,,

خواتي لو سمحتوا بغيت أسأل عن جهاز للقلي بدون زيت من فيلبس
يعني اذا أحد فيكم جربه لأني لقيته بالغانم وسألت عنه وقالولي بالغانم إنه يقلي الأكل بدون زيت وسألته : يقلي الكبب و السمبوسه ؟ قالي : اي يقليها فبغيت أشوف اذا وحده منكم جربت هالجهاز ؟ أبي أعرف ان قلي السمبوسه و الكبب بالجهاز نفس ما أقليها بالزيت العادي .. ياليت تفيدوني ,,

وهذي صور الجهاز :-

أتمنى الإقاده منكم وشكرا حبيباتي ,,

 

[عاشقة الاسلام]

صراحه مادري اتمني البنات يفيدونج

 

[@ام يوسف@]

للرفع

 

[غدووور الكويت]

Up
Up

 

[جوك احلى جو]

نفس السوال

 

[احسـ مرهف ــاس]

،السلام عليكم
بخصوص الاستفسار عن هذا الجهاز انا عندي هالجهاز من سنه ونصه استخدامه سهل ومايبيله شي ..وعن تجربه شخصيه في بعض الاكل يصلح لها هذا الجهاز والبعض مايصلح
من الاشياء اللي تصلح وتطلع حلوه اذا استخدمتي لها هذا الجهاز الشبس المجمد (الجاهز ) بكل انواع والناجتس واصابع الدجاج واحمص فيه الخبز اللي استخدمه للفتوش والشوربه

بس بالنسبه للسمبوسه والكبب والربيان ماتصلح لانها اتطلعها ناشفه حيل وبالنسبه للكبب ناشفه وداخلها يكون مثلج يعني بالضبط كانج مسويتها بالفرن

لان طريقة عمل الجهاز يطلع هواء حار يسوي الاكل
فمثلا تستوي الكبه وتصير شقراء من برا ومن داخل مو حلوه
طبعا هذا كلامي وكلام زوجي وعيالي الله يحفظهم
وهذي تجربتي الشخصيه ...

ولكم مني احلى تحيه وربي يحفظنا ويحفظكم ..اللهم امين
واسفه اذا طولت معاكم بالهذره ..


،

​

​

 

[مناوي الكويت]

والله اناماجربتهابس بيت اخوي عندهم وتمدحهمرت اخوي

 

[zain-alq8]

هذا الجهاز اكثر شي الناس ياخذونه حق الشبس المثلج

 

[noorq8]

مايصلح للكبب تطلع نااااشفه تضيق الخلللق :eh_s(2):