جهاز للتنحيف والنحت

[نوار]

السلام عليكم شلونكم بنات شخباركم
حبيت اسألكم عن عيادة فيصل التهامي اللي بالدعية البحري
عندهم جهاز اسمه thremo c
حق التنحيف والسيلولايت
اذا احد يعرفه ممكن يفيدنا

 

[nawaraa]

ما اعرفه ، بس إن شاء الله البنات يفيدونج

 

[soso1234]

اي والله نبي نعرف بجم والنتايج وووو ياريت

ومشكورة حبيبتي

 

[&شوارفسكيه&]

سمعت عنه بس والله ما جربته
انا الحين اجرب شغله حلوه واذا نفعتي وشفت نتيجه طيبه بعلم كل بنات المنتدى بس ادعولي ان الله يتمم علي بالصحه والعافيه

 

[نوار]

مشكووورين وانشالله نلقى احد مجربه

 

[منانا]

للرفع

 

[yam_yam]

حياتي هالجهاز انا جربته بنفسي
و جربته بمركز البدع الطبي و كنت ناوية اكتب تجربتي


حياتي الجلسة سعرها ب 50 دينار و الكورس ب 300 مسوين عليه عرض ب 200

طبعا انا قلت احسن مكان يبين و اسرع شي الوجه و الزنود
و فعلا رحت هناك
لكن انا قبل لا اروح سويت حركه خخخخخخخ
خليت اختي تاخذ قياساتي للزنود بالمتر العادي نفس اللي عنهم و طلع 16 سم للزند و تحت شوي 14 سم خخخخخخخخ

المهم رحت هناك و دخلت للدكتور و قالي نفس اسم الجهاز مالج تيرماسي
و قالي من اول جلسة راح تفرقين على عمرج و تنقصير واحد سم و نص

دخلت و قلت يالله و ناسه :wqedqw:

اي و قالي حق ويهم تحتاجين نص كورس يعني 3 جلسات
قلت خير و بركة


دخلت و قامت السستر تاخذ قياساتي
اول شي قامت تقيس الزند و شوي مرخية المتر و قالت لي 17 و نص سم قياس زندج
استغربت و لا مرخية شوي المتر و اعتقد عطتني رقم غلط فوق الصج


عقب الجسه ( طبعا الشغل شغل ناس بقر مالها علاقة بالجهاز نهائيا ) تلطخج بهالدهن و بس
تفر الجهاز
و هو اصلا كله اشعه حمرا تحطه على ويهي و تفرك بالدهن و هذا خطر اصلا

المهم عقب الجلسه جان تقولي وااااو مدام نزلتي صار قياسج 16 و نص سم ( لانها طبعا عطتني الرقم الاصلي )

سكت و لا تكلمت لاني دافعة 100 دينار و قلت لهم ال100 الثانية عقب الجلسة الثالثة


و عقبها بيوم و ترك رحت مرة ثانية و صار نفس الكلام
و لان زندي مترهل ما احس فيه لما ينضغط عرفتي
قامت خذت قياسي عقب الجلسة و هي شاده المتر شوي جان تقولي مدام شوفي صرتي 15 سم خخخخخخخ

قلت لها اوكي


عقبها بيوم و ترك دخلت جان تقولي صرتي 13 سم
و هي مثل ما قلت لج تقولي القياسات غلط انا ادري و اشوفها تضغط على زندي عرفتي


المهم يوم رجعت البيت خليت اختي تاخذ مرة ثانية القياس و لا 16 سم ( نفس ما أهو )
ووجهي و الله ماتغير و لا شي:080402ask_prv:



انا اسفة على الاطاله لكن حبيت انقل تجربتي بكل صدق و أمانه
بالاختصار خرابيييييييييييييييييييييييييييييييييييط و لا ينفع و لا شي
و انا بعد من الغباء شنو هالجهاز اللي مره وحده بتضعف زنودي بس الحمدالله و الشكر ما أتوب


عموما حبيبتي نصيحة لوجه الله
خلي عنج هالسوالف ترا كلهم انا جربتهم خرابيط
اخرهم جاك ديسانج اللي قطيت عندهم 2000 دينار و لا فادني بشي كله مؤقت :eh_s(10):


و الحين بظل على المعهد الصيني 15- دينار 15 جلسه
هذا اللي فادني و مسح الكسرات اللي بظهري
شوفي تجربتي معاهم بقسم السمنه و الله ماسوي لهم دعايه لكن هذا الصج











و اتمنى اكون فدتج يالغالية

و أي سؤال انا حاضرة​

 

[كويتيه دوم]

ااااااب ااااب

 

[cute_butterfly27]

 

[نوار]

yam-yam
مشكوووره على ردج وماقصرتي
انا بصراحه استخدمت ال ال بي جي وفادني الحين الكل يقول عني ضاعفه والحمدلله زنودي راحوا

 

[نوار]

ومشكورين بنات على رفع الموضوع