جواب نهائي بليز ردوا علي لا تكشتون فيني

[Q8_ButterFly]

السلام بنات شلونك شخباركم شمسوين


انا قررت وعزمت اني اشترك بنادي بس محتاره بين ناديين وانا الصراحه ما شفتهم وابي الي شافهم يقولي رايه


تشامبينز


والا

نادي لافيم(الخالديه سابقاً)


ولي يعافيكم قوليلي وشوروا علي انا وحده وسواسيه واخاف من المكان الوصخ وتلوع جبدي يعني الله يعزكم انا حمامي غير حمامي ماادش والسبه الوسواس فا ابي النادي يكون نظيف وابي حمام سباحه كبير وشرح ونظيف لانه جسمي يحتاج سباحه عشان يتقسم.


ناطره ردودكم

لا تكشتون فيني :eh_s(22):

 

[ام كرز]

هلا فيج يا الغاليه وماحبيت اقرا الموضوع بدون لا ارد واشوه مو بس انا فيني وسواس النظافه وبالنسبه حق نادي الخالديه سابقا ماعرفه ولا سامعه عنه وتشامبيز عجيييييب وحوض السباحه كبير وايد ونظيف هذا شوفة عيني ومافيه وايد يطبون بالحمام السباحه بس أمانة انا ما اشتركت بس شفت بعيوني رفيجتي مشتركه اللي بجمعية المعلمين الدسمه الحوض كبير والمكان نظيف جدااااااااااا وكانت بروحها تسبح وتقول الحوض اغلب شي فاضي ومادري روحي انتي شوفي وحكمي وتحياتي

 

[Q8_ButterFly]

مشكوره ام كرز


الحين تدودهت لووووووووول

يعني جمعية المعلمين احلى من تشامبينز؟؟؟

انزين تشامبينز شلون نظامه زحمه والناس شلون؟؟؟ انا مره اختي راحت نادي وطلعت والسبه تقول الناس شايفيين روحهم وكله يتطنزون وانا عاد ما احب جذي سوالف التطنز اطفر منها وممكن اسبب مشكله :eh_s(20):

 

[xxx]

انا مشتركة بشامبينز

الصراحه رووووووووووووووووعه ولا يعلى عليه

وحمام السباحه نظيف

 

[Q8_ButterFly]

مشكوره بنت الكويت

بس ممكن اكلمج شوي على الخاص ؟

 

[ام كرز]

مشكوره ام كرز


الحين تدودهت لووووووووول

يعني جمعية المعلمين احلى من تشامبينز؟؟؟

انزين تشامبينز شلون نظامه زحمه والناس شلون؟؟؟ انا مره اختي راحت نادي وطلعت والسبه تقول الناس شايفيين روحهم وكله يتطنزون وانا عاد ما احب جذي سوالف التطنز اطفر منها وممكن اسبب مشكله :eh_s(20):

انتي ويا هالزقاره اكيد بتسببين مشاكل مو مشكله :eh_s(3): لا اتغشمر

اللي اعرفه انه تشامبيز نفسه اللي بجمعية المعلمين؟ مو

انتي روحي حق الدسمه يم مسرح الدسمه وين جمعية المعلمين النادي مالهم الاشتراك ب120 او 100 مادري جم بالظبط بس اذكر رحت وشفت رفيجتي اهناك بالحمام السباحه وكانت بروحها تسبح ونظيييييييييييييييف حيل وارتحت له لو بفكر اشترك بشترك فيه

بس هل تشامبيز اللي بالدسمه اهو جمعية المعلمين او لا بس اعتقد اي ياليت البنات يفيدونا

 

[julanar]

انا وياكم
مس تشامبيز مادري ليش أحسهم مغرورين واااايد
حتى الكويتيه مادري شسالفتها اللي بالاستقبال مره دقيت أبي اسأل اجابتها سريعه ومقتضبه جنها تقولي يله سديه فكيني
وانا شفته مو وايد كبير حمام السباحه يعني عادي
عن النظافة .. حمام السباحة نظيف
ولافيم مادري عنه كلش ملش
دامج وسواسيه شحادج على حمامات السباحة ؟
في رياضات وايد ممكن انها تقسم جسمج غير السباحة
خصوصا الغزال الطائر والنوعيه هذي من الأجهزة
موفقه حبيبتي

 

[اكله سريعة]

شوفيهم وقرري

 

[Q8_ButterFly]

مشكورين يا بنات وصاجه بروح اشوفهم واقرر

 

[ii DareeN ii]

شامبينز والخالديه والدسمه كلهم نظاف شوفي الاقرب حق بيتج والي ترتاحين له روحي طلي فيهم ثلاثتهم اعتبريها جوله سياحيه

 

[Q8_ButterFly]

مشكوره دارين


وانا ليلحين احوس شكلي آخر شئ الفلوس الي خاشتهم حق النادي بصرفهم بالسوق لووول

 

[بطاطا]

تشامبيونز و المفروض ما تفكرين انا كنت اروح له لما كان بالشامية .. وكان رووووعه و الحين اللي بالجابرية ما عليه كلام ..؟


توكلي على الله خالاتي و بنات خالتي 2 هناك و نظيف اينن ..

 

[blue ocean]

بنات شيطلع هذا الخالديه فيدونا عنه ؟؟

 

[أم بدير]

والله شوفي لافيم مادري عنه
تشامبيينز كل من يمدحه بس ما اواطنه عشان أمة لا اله الا الله كلها هناك
وانا صراحه الزحمه والمخامط ينرفزني واحب الشي هادي وذرب ونظيف
من جذي اروح فليكس
نظيف وهادي ورووووعه​

 

[Q8_ButterFly]

امبييييييييييييييييييييه صج !!

تشامبينز زحمه !! وع اشوه ما رحت انا اكره اكره اكره شئ اسمه زحمه بس هم سامعه عن فلكس طق مطاقق هناك !!

 

[أم بدير]

لا والله فليكس مو زحمه موليه
انا كل يوم اروح بالعكس هدوووووووووء
بس يمكن في أوقات يكون فيها زحمه مادري
بس بالنسبه لي عمري ماشفته زحمه​

 

[قبوطه]

اما انا اختي فارشحلج فلكس جدا ودودين ونفسهم حلوه وفي 2 حمام سباحه ونظيف اما الزحمه كنت اروح الضحى ماكو طق مطاقق وبنت اخوي تروح الصبح تقول ماكو غثقه جربي مري هناك خذي فكره

 

[Q8_ButterFly]

انزين ما عندكم فكره على الساعه 3 ونص او اربع شلون الوضع ؟؟

لانه دوامي يخلص بهالحروه هذي

 

[New Mum]

تشامبينز