جواتي Toms الدخول للأهميه !!

[<miss botamba>]

السلام عليكم ورحمه الله وبركاته

شلونكم بنات

بدش بالموضوع على طول

قبل فتره وصلني برودكاست وذاكرين ان فرشه جواتي تومز شمواه مصنوع من جلد الخنزير

طبعا مو نوعي اصدق اي شي يوصل

فحاولت ادور بقوقل ولقيت ان الكلام صحيح بس ماكان من موقع اكيد وموثوق

حاولت اراسلهم بتويتر وماردوا علي

واليوم كلمتهم بالجات مال الموقع و قطعولي الشك باليقين




هذي صوره الحوار الي تم بيني وبينهم

الترجمه:

انا: مرحبا .. هل الفرشه الداخليه للحذاء مصنوعه من جلد خنزير؟
تومز: نعم مصنوعه من جلد خنزير
انا: هل يوجد لديكم فرشات احذيه نباتيه؟
تومز: نعم احذيتنا فرشاتها مصنوعه من جلد خنزير ولدينا خيار نباتي بفرشات احذيه مصنوعه من مواد غير حيوانيه
انا: هل هذا معناه ان احذيتكم النباتيه تكون فرشاتها ايضا نباتيه
تومز: نعم هي مصنوعه من مواد غير حيوانيه
انا: هل تبيعون على حده فرشات احذيه نباتيه؟
تومز: لا ليس بالوقت الحالي
انا: شكرا جزيلا


طبعا ترا متعوب على الترجمه العربيه




المهم

حق الي مايعرفون تومز ولا شنو قضيتهم

تومز الله يسلمكم شركه تصنع جواتي وانتوا بكرامه وبدت بسنه 2006

سياسه تومز ان بكل جوتي تشترونه منهم بالمقابل يتبرعون بجوتي لطفل محتاج

انا كنت من الناس الي ماتعرف بسالفه فرشات الجواتي المصنوعه من الخنزير وكان هدفي اني اتبرع لطفل محتاج واحتسب فيها الاجر من الله ومثل مايقولون انما الاعمال بالنيات

بس الحين الفرشه طلعت خنزير ومحرم على المسلمين جلود الميته و الخنزير

فالي مثلي عندهم تومز او اذا كنتوا معجبين فيهم و تبون تشترون منهم عندكم خيارين


امااا: تشترون جواتيهم النباتيه اسمهم Vegan هذول يكونون مصنوعين من مواد غير حيوانيه و يصنعونهم للناس النباتيين او المهتمين بقضايا الحيوانات

او: اذا الجواتي النباتيه ما اعجبتكم موديلاتها و حابين نوع ثاني بس يكون خنزير الي عليكم اتسوونه اول مايوصل الكويت تشيلون الفرشه الداخليه وتحذفونها وتشترون من الكويت فرشه يديده

وبأذن الله ماعليكم خلاف





اللهم اني بلغت اللهم فأشهد




تحياتي



:eh_s(17)::eh_s(17):

 

[pure smile]

جزاك الله خير

 

[قوية الباس]

مشكوره حبيبتي

 

[nero]

محرم ناكله هذي اي بس هذا لبس وقاعدين ندوس عليه مكرم السامع ما اتصور فيها شي

و اول مره ادري "ومحرم على المسلمين جلود الميته و الخنزير" يعني مايصير نلبس جلد هذي اول مره اسمعها

 

[<miss botamba>]

nero




قد ثبت عن النبي صلى الله عليه وسلم أنه قال: ((إذا دبغ الجلد فقد طهر))، وقال: ((دباغ جلود الميتة طهورها))، واختلف العلماء في ذلك، هل يعم هذا الحديث جميع الجلود أم يختص بجلود الميتة التي تحل بالذكاة، ولا شك أن ما دبغ من جلود الميتة التي تحل بالذكاة كالإبل والبقر والغنم طهور يجوز استعماله في كل شيء في أصح أقوال أهل العلم.
أما جلد الخنزير والكلب ونحوهما مما لا يحل بالذكاة ففي طهارته بالدباغ خلاف بين أهل العلم؛ والأحوط ترك استعماله، عملا بقول النبي صلى الله عليه وسلم: ((ومن اتقى الشبهات فقد استبرأ لدينه وعرضه))، وقوله عليه الصلاة والسلام: ((دع ما يريبك إلى ما لا يريبك)).


الاقتباس من موقع فتاوي بن باز الرسمي






ملخص الكلام اي نوع ميته من ابل او غنم او بقر او اي حيوان مفترس على سبيل المثال اذا لقيتيه بالشارع ميت او انتي ثابحته مايجوز استعماله الا بالدباغه والبدباغه تروح نجاسته

اما الخنزير والكلب اعزج الله الافضل ترك استعمال جلده ومعروف ان اهوا حيوان نجس فليش استعمل شي نجس حتى لو في رجلي

 

[krkooora]

مشكورة بعد جبدي يزاج الله الف خير
والله ولا انا ادري
مشكورة مرة ثانيه على مجهودج الطيب و تنبيه البنات :*

 

[nonosha]

مس بوتمبة مشكورة على المعلومة
سوري بدوخج شوي
الحين اذا شلت القاعدة اللي تحت بس يصير كل شي اوكي

اهيا لان بس القاعدة اللي مصنوعة من جلد خنزير صح

 

[<miss botamba>]

حياكم الله جميعا وان شاء الله بميزان اعمالنا كلنا يا رب



nonosha


اي ال insoles اهيا الفرشه الي تدوسين عليها من داخل

هذي الفرشه بس الي مصنوعه من جلد الخنزير اعزج الله

باجي المواد اما تكون خامات او نايلون او ما شابهه

 

[EleGanZa]

يزآج الله خير :*

 

[D.asmaa]

وماذا سوف افعل باحذيتي واحذيه ابنائي التومز ) متأثره بالترجمه .. مشكووره حبيبتي عاد معتمده عليهم وايد مريحين خصوصا اني بره الكويت بس مشكوووره حبيبتي عالتنبيه بميزان حسناتج يا رب

 

[<miss botamba>]

هههههههه سندريلا لا تتطنزين ههههه تعبانه ترا بالفصحى

هذا يزاي اتعيبين علي


قلنا غيروا الفرشه وماعليكم خلاف

 

[Fstani]

امبيه ماكنت ادري :\








يعطيج العافيه حبيبتي وماقصرتي علمتينا :***

 

[زلابيا]

مشكوره عالتنبيه ..

خل اشوفلي صرفه باللي عندي :x

 

[إباااء]

مشكورة مس بوتمبة
وبالمناسبة أنت من الشخصيات الي لهم مكانة في نفسي , ما أدري بس كل ما أقرا لك أحس إني أحبك مثل أختي
صحيح إني مسجلة قريب بس من زمان وأنا متابعة لكم
موفقة

 

[Daleela]

عدل كلامج مس بوتمبه
اذا جلد خنزير يعتبر نجس وهذا الشي انا اعرفه من زمان
انا اللي يحرني ليش ما يكتبون رفيجتي تقول لمن رحت ماليزيا ولا بزارا كاتبين عالاغراض pig leather
تقول سألت اللي يشتغل جان يقول المسلمين ما يلبسون شي من جلد خنزير واحنا بالخليج يا غافلين لكم الله​

 

[Queen_Angel]

يعطيج العافية مس بوتمبه عاد كنت موصية اهلي عليه..

^^ معروف جلد الخنزير محرم لبسه حتى لما كنت ب مااليزيا وقيست جوتي وباخذه ركضت وراي الموظفة تقولي مسلم كانت واير بيق ليثر

ولا تراوريني من تحت ما كنت منتبهه عليه مكتوب pig leather المفروض تومز ينبهون الناس حق هالسالفة يحطون ستيكر ولا شي..

 

[^noonaa^]

اشووه اني ماخذيتلي وااااحد ولاا كنت على طرييف

بس خذيييت حق ولدي :/ عاد حساااافه شكله حلووو

 

[Mrs_Orchidia]

يعطيج العافية


نباتي و للا حيواني

الصراحة الجوتي مو حلوو!

بس حلو انج نبهتي البنات
يزاج الله خير

و الله يعطيج العافية حبيبتي
:aha:

 

[(*m*)]

يووووه عاد حسافه ناويه من فتره اطلبها
بس يالله من ترك شي لله عوضه الله

ولا بشوف االنباتي اذا فيه اشكال حلوووه


مشكوره بوتمبه
جزززاك الله الف خيييير على هالمعلومه ..

 

[فواصل]

جزاج الله خير

اشوه هالجواتي ما حبيتهم =احب الرفيع لووول

والله يعوضكم خير