- إنضم
- 30 سبتمبر 2005
- المشاركات
- 36,095
- مستوى التفاعل
- 13
- النقاط
- 0
اولا تشترين صدور الدياي المخليه وتقصصينها مكعبات وتتبلينها من الليل او من الصبح وتخلينها بالتتبيله مو اقل من 4 ساعات
التتبيله(( عصير ليمونه+ بشر القشره+ بصله و4 فصوص ثوم مهروسين+ملح وكركم ورشه بابريكا وفلفل اسود وحبه فلفل اخضر مقطع+ 3 ملاعق زيت زيتون)
تخلينهم بهذي التتبيله وقبل الشوي بساعه تحطين نص كوب ماي دافي منقعه فيه زعفران وتحطينه على الدياي بالتتبيله
تقلين شويه زرشك بعد ماتغسلينه وتنقعينه وبعد ماتنتفخ حبه الزرشك حطي عليهم قفشه عصير ليمون وقلبيهم وخليهم على جنب
نقعي كوب ماي حار مع قفشه صغيره زعفران وقفشه كبيره زبده وخليهم على جنب
قفشتين فستق شرايح
تنقعين عيش بسمتي او مزه مده ساعه تقريبا وسويه مشخول بالطريقه العايه
اخذي من العيش المشخول تقريبا 3 اكواب وحطيهم بجدر صغير وحطي عليهم الزعفران المنقع وخليهم دقايق بالنار حتى يمتص العيش الزعفران
اما الدياي فشكيهم باعواد الخشب مع الاحتفاظ بالتتبيله
واشويهم بشوايه الكهربائيه او الفحم
وقلبيها مع رشها بالتتبيله الي فيها الزعفران
اذا استوو حطيهم بصينيه فرن بالفرن مع تغطيتها بقصدير ربع الى ثلث ساعه تكمل استوائها
وقدميها
مع التزيين حسب الرغبه
العيش حطيه بصحن كبير وحطي عليه عيش الزعفران بالشكل الي تحبينه
وفوقهم الزرشك
والفستق
وقدميهم مع الدياي
لايطوفكم
