جيس بدون بيبي

[**Um '9a7oya**]

السلام بنوتاااات

انا حامل وسويت سونار 3 مرات و قالولي ان بس جيس بدون جنين

اول سونارين عند دكتورتي نجيبه القطان قالت مافي نبض والجيس صغير مو قاعد يكبر اانا الحين 9 اسابيع والجيس حق 6اسابيع

امس رحت حق حميد الطالب سمعت ان متخصص سونار وقالي نفس الكلام ولازم اسوي تنظيفات

وامي وزوجي يقولون نطري مادري شنو اسوي الحين انتوا شرايكم

وشنو تنصحوني اخذ حبوب ينزله ولا اسوي تنظيفات اخاف اشوف دم ينزل علي واشياء ودي اسوي تنظيفات على طول


ساعدوني بناااات. وادعولي *

 

[*فرحة عمري*]

تعوذي من ابليس نطري يمكن تبويضج متاخر نطري شهر و باذن الله بتشوفين البيبي
تكفين لا تتهورين اكلي فولك اسيد الحين ونطري مدام في جيس و في هرمون حمل في حمل

 

[**Um '9a7oya**]

انشاءالله هرمون الحمل عندي ٦٠٠٠وفوق


بس بطني ذبحني العوار مو قادره اتحمله

 

[غرام القمة]

الله يتمم ويكتبلج الضني الصالح

 

[طيــــــــــــف]

انتظري يمكن يكون حمل متاخر
انتظري اربع اسابيع او خمس اسابيع وسوي سونار وللمعلومه الجنين اذا صار ميت يطيح من نفسه فاكيد اذا كان كيس بيطيح بعد

 

[**Um '9a7oya**]

قاعد تنزل علي افرازات سميكه لونها ابيض هذا شي عادي

 

[طيــــــــــــف]

قاعد تنزل علي افرازات سميكه لونها ابيض هذا شي عادي

الافرزات عاديه اهم شي ماتكون بنيه او حمراء

 

[دندونه@@@]

اختي صبري اسبوعين وان ما بين جنين او نبض سوي تنظيفات لان ممكن التبويض متاخر معاج مثل ما صار معاي بولدي والحمدلله صبرت وبين الجنين ولعلمج اذا مافي جنين الجيس بينزل بروحه لا تحاتين ان شفتي نزيف او افرازات بنيه على طول روحي المستشفى يسون لج تنظيفات والله يسهل امورج ان شاء الله

 

[**Um '9a7oya**]

انشاءالله ادعولي معطيني موعد الخميس في الصباح وانشاءالله خير

 

[جديده 1]

نطري بس لاتنطرين وايد لانه ممكن يتعفن داخل و يسبب لج تسمم .. و مدام اصغير لاتسوين تنظيفات اخذي اعشاب احسن لان التنظيفات تضر الرحم و تتسوى للي اطفالهم كبار .. جربي عشبه القشعه من العطار هي نفسها عشبه المدينه او العوار و اهو يعلمج طريقتها .. موفقه يارب

 

[3aSaL Q8]

عسى ربي يثبته لج يارب ولا تحتاجين التنظيفات

 

[شقرا كويتيه]

انطري شهر وسوي يمكن كان تبويضج متاخر والله يكتبلج اللي فيه الخير

 

[english muffin]

احس وايد تنطرين شهر
لان اذا جيس بدون حمل اخاف يتعفن وتمرضين
روحي بعد اسبوعين وردي جيكي
اسبوعين كفاية حق يكبر ويبين في السونار

 

[غنوة ستايل]

نطري اسبوعين
اذا لاقدر الله جيس را ينزل بروحه واعتبري نفيج نفاس ل ١٥ يوم

 

[سارة ة]

ياااقلبي
خالتي نفسسسسج بالضبط
وراحت للدكتورة معصوومة وقالت لها نطري اسبوووعين ونطرت وكااا اخيرا بين

 

[ghadeeeer]

طالما ماكو دم نطري بعد أسبوعين وراح تفرحين بالنتيجة يااااااااااااارب

 

[" ام حمود "]

الله يثبته لج ياارب ، نطري اسبووعين والافرازات البيضاا
عاديه المهم ماتكون بنيه ولا حمراا ...
طمنينااا ام ضحاويء عليج

 

[**Um '9a7oya**]

تسلمون بنااات انا موعدي الخميس بس بنطر الالاسبوع اللي وراااه وانشاءالله اتطمن وااااايد احاتي

 

[شنوووفه]

حبيبتي اذا مافي بيبي برووحه ينزل بس اذا مانزل عليج شي معناته حمل متاخر
انا 4 مرات صار فيني هالشي جيس فاضي وكان ينزل برووحه حته مااحتاج تنظيفات

 

[**Um '9a7oya**]

الدكتور حميد الطالب امس عطاني تقرير قالي روحي المستشفى ودي حق التنظيف