((((( جيل السبعينات))))) حياكم في موضوعي

[ريووومي]

السلام عليكم ورحمة الله وبركاته

بنات انا من مواليد السبعينات عمري 37 و مو متزوجه اعتبر نفسي من الناس اللي يهتمون بنفسهم
اهتم باناقتي ةاني اكون اب ديت واتابع شاللي نازل جديد
والحمدالله ماستخسر على نفسي طبعا في حدود اللي يرضي الله والحمدالله بعد معروف عني هالشي
قدرت انزل وزني واصبحت رشييييييييقه وهالشي زاااااد في ثقتي بنفسي وصرت افتخر بنفسي وباللي الله عطاني اياه
اهتمامي بنفسي من خلطات وفيتامينات وغيره وايد زاد وكانت اموري فالسليم
ووووووووووفجااااااااااااااااااااااااااااااااااااااااااااااة

يابنات من وصلت 34 فجاة مادري اشلون انهرت بدت بشرتي تذبل بشكل وااااااضح
شعري احب اصبغه بدا يبان عليه الضغف من صبعات وغيره
خلاااااااااااااااااااااااااص مافي نمو ابد يابنات ماينمو موطبيعي
صرت ان جات مناسبه اكشخ واستعد بس النتيجه بالنسبه لي مو مرضيه
ماااااادري ليش احس مو انا
وين انا كنت اخذ العين والفت النظر
الحين لا السشوار يثبت المكياج احاول اسوي كل شي
اللي يجملني وينعمني اللي يعطيني لوك اصغر اللي ستايل و اخفي العيوب وووووووو
بس ياناس النتيجه غير مرضيه عاااااااااديه
احس تعبت تعبت
وطبعا اثار الذبول ووووالتغيير كل مالها تزيد
يابنات تخيلوا من سنتين بديت احس اني وحده ثانيه
صرت اسمع تعليقات صار في تلميحات ع شكلي
مرات اقول يمكن لاني مو متزوجه فانا تحت المجهر و في تركيز علي
اشوف حولي ...........................
في حريم وامهات عيال ووجهيهم ضعيف بس مافيهم ذبول
وووووايييييييد اهتزت ثقتي في نفسي ماتتخيلون بديت اشك اني حلوة
انا بنات يوصفوني اني مملوووووووحه
مع ان شكلي مب وااااايد ناعم بس الحمدالله جذاب
الحين عندي ماساه اسمها الدوام بشرتي ماعادت تعجبني والمكياج ماعاد يبرزني بالشكل اللي يرضيني
يقولون العمر والوراثه وان في بشرات تتاثر بالعمر اكثر من غيرها
انتو شرايكم ياجيل السبعينات شاللي تغير عليهم وهل قاومتي وحاولتو تصلحون وتغيرون
انا النتائج بسيطه جدا وعاديه
استخدمت الديرما رولر حق بشرتي قلت اذا في نظاره رح تبان ملامحي اكثر
بس للاسف يعطي نتيجه بسيطه و مؤقته
وانا مدرسه وتعرفون الضغوطات اللي عالمدرسات صعب اني يوميا اداوم عليه او شبه يومي
خسرت ع كريمات وسيروم معاه بعد نتيجه بسيطه
بديت فالليزر ادفع مباااااالغ ولاشفت شي
لا اله الا الله والله اني ياست ووكلت امري لله
بس سبحان الله طبيعتي وشخصيتي مااتحمل احب الزين والجمال واااااااااااايد
عندي تذوق فظييييييع للجمال عيني تلقط كل جميل واحب امدح واقول كلام حلوووووووووووو لزميلاتي ولهلي بس للاسف ماعاد اسمع كلام وتعليقات مثل اول

يعني كشخه ولبس ومتابعه هاناحيه اووووووك
بس الشكل ماعاد يضيف لي مثا اول
عاد قلبي معورني احس للحين صغيره
بنات انتو من فتره قريتو موضوعي عن مشاكلي فالبيت
عندي مشاااااااااااااااااااااااااااااااكل فظيييييعه هم وغم عسى الله يفرج عني وعن كل مهموم ومستضعف ومغموم يارب
تهقون هالمشاكل اثرت على بشرتي و شعري وملامحي
زين ابي تجاربكم و تفاعلكم
مابي خلطات لااااااااااااااا ابي اشياء عمليه
شنهي التغيرات وشلووووووووووووون تعاملتو معاها وهل انصدمتو مثلي
هل تتعبون اكثثثثررررر من قبل اضعاف اضغاف عشان تتطلعون بشكل يرضيكم

الله لايحرمني منكم

 

[Tom ♥ Jerry]

,


-ينقل الى قسم الاستفسارات الجماليه-

 

[قاهره عذالي]

اكشفي على الفيتامينات

ذبول بشرتج بسبب انه قل فيها الكولاجين

اشتري كبسولات الكولاجين واكليها يوميا حبتين قبل النوم مباشره مع 3 قلاصات ماي

وحطي قناع الذهب 3 مرات باليوم + قناع الكولاجين لو مره بالاسبوع

وابلعي كبسولات زهرة الربيع تعطي نظاره للي بسنج وتبين على البشره بس بعد الاكل مره او مرتين باليوم


سوي جلسة تقشير كرستال مره بالشهر او تقشير الماسي تشد البشره وتوخر التجاعيد او سوي كورس تقشير لشيل التجاعيد لان الالماسي والكرستالي يسوي نضاره ولمعه بالوجه


شعرج يتاثر من جسمج

سوي جيك اب على الهرمونات والغده والدم وابلعي حبوب للشعر واهتمي فيه وسوي له جلسات خلطات طبيعيه وانسي الصبغه


شوفي اليسا واصاله اعمارهم طقت الاربعين وماشاء الله جنهم بنات العشرينات من الاهتمام

 

[نوف الصقعبي]

انا مو من جيل السبعينات

بس بقولج شغله شلون تقولين انا وكلت امري لله سبحانه


وبنفس الوقت تقولين يئست

لاتقنطو من رحمة الله سبحانه

واحنا ماناخذ زمنا وزمن غيرنا

لكل عمر زمن مثل مالكل جمال مكان وذويقه

كل شي اصبح متوفر بعيادات ومراكز التجميل بس مو لدرجه التغيير بخلق الله والعياذ بالله

يعني انتى 37 سنه لازم تحبين عمرج هذا بكل مراحله
مايصير تفكيرج سلبي وان انا لازم ارد 34 سنه او 24 سنه

اذا انتى مومقتنعه بنفسج ثقي وآمني مهما تسووين بيصير عندج الهاجس انج موحلوه
او غير مرغوب فيها كآنثى

انا ما اطالع البنت اللى اصغر مني ب 10 سنين او 20 سنه واقول ليش انا شكلى جذي
ليش انا مو مثل نضارتها وعنفوانها وجمالها ورونقها

لأ

هذا بيعزز اليأس عندج ويحبط من معنوياتج

بعدين انا مو لازم اسنع إطراءات الناس واللى حواليني عن جمالي او ستايلي عشان أتأكد إن انا مازلت هاذي البنت الجميله اللافته للأنظار

ياما جميلات محرومين من كلامات الغزل والإعجاب والمديح والإبهار
وياما جياكر يسمعون كل كلمه حلوه
وياما ناس عاديين مقتنعين باللى الله سبحانه وتعالى كتبه لهم

اذا بتطالعين بنات ال 18 وال23 راح تتعبين وايد

حبي عمرج واقتنعي بشكلج وشيلي الهاجس ان انا لازم اسمع كلمه تثبت انى مازلت مرغوبه وجميله

هذا الوسواس الخناس راح ينهش تفكيرج

تعوذي من إبليس

وحمدى ربج عالنعمه اللى انتى فيها
غيرج مشوهين تماما من حروق وحوادث وامور كثيره

واذا يات عالنضاره سوي ابر نضاره اهتمي بالرياضه دشي دورات تعزز الثقه بنفسج

لاتنضرين للى اهم اقل منج سنآ لإنج راح تتعبين وايد
شوفي اللى بعمرج
وعيشي عمرج بكل لحظه فيه بحب وسعاده وقناعه

انا معاج ترى المشاكل بالبيت والوحده وكونج ماتزوجتى للحين تلعب دور كبير فى آفكارج

لاكن تذكري

لايغير الله تعالى بقوم حتى بغيرو ما بأنفسهم

تقربي من رب العالمين

التزمي بالصلاة

كثري من الإستغفار

راح ترتاحين وايد
وراح تنحل لج امور كثيره

ربنا سبحانه وتعالى قال

ومن أعرض عن ذكري فإن له معيشتآ ضنكا

يعني هم وكدر وكل البيبان تنسد بويها

ابحثي عن الخلل من داخلج

وحبي نفسج لاكن مو لدرجة الإنانيه ان انا بكون الأجمل والأحلى او راح انهار واتعب نفسيآ

ترى الحياه حلوه والقناعه باللى قسمه لنا رب العالمين آحلا وآحلا


آتمنى يا إختى انى ماكون غثيتج بكلامي

واتركج لإنى حيل تأخرت على الصلاة

وعسى ربي يفرج عليج همج
ويرزقج بالرجل الصالح
ويثبتج على طاعته
ويحسن خاتمتج​

 

[نونه المنكوشه]

انا بالنسبه لي اول شي الراحه النفسيه اهيا اللي اتاثرالعمر ماله شغل اصلا الحين مافي احد كبير والله اشوف امهات يشوقون اكثر من بناتهم واهما تعدوا الاربعين ولاتجاعيد ولاشي الله يعافي الفلر وغيره ولاتحسسين من عمرج تري الرازق الله وكل تأخيره فيها خيره وانتي شكلج وسواسيه ودقيقه وتري الحريم قله قليله اللي تمدح والله لواتهبلين وشكلج يشوق لازم يطلعون فيج عيب لاتهتمين بكلام احد ولاتنطرين من احد شي اهتمي بنفسج وراحتج وكثري استغفااااار لانه انا مجربه الاستغفار يشرح الصدر ويخلي ويهج فرش حتي لوتعبانه وتري الدنيا ماتسوي الًواحد يزعل ع شي وكلي امرج لله واستمتعي بحياتج وانا متأكده انج اتهبلين ولافيج اله العافيه بس غيرة الحريم اتخليهم مايتكلمون ويمدحونج عادي انتي امشي ومدحي نفسج هههههه والله بنات اشوفهم بالعشرين جنها ام اربعين والاهتمام ًوالراحه النفسيه اتخليج كتكوته حتي لوعمرج بالستين لووووول والراحه النفسيه ماتي اله بذكرالله وطاعة لانها اهيا اللي اتعينا ع بلاوي هالدنيا وتصبرنا والله لما اروح عزيمه الامهات شكلهم اصغر من بناتهم روحي اخذيلج ابرة نضاره وله فلر وانتي بتحسين ويهج ايشوق وتوته توته خلصت الحتوته )

 

[ام عبد العزيز م]

amAbdlazazmqrbae تبعوني على الاستغرام حياكم الله

 

[نوف الصقعبي]

استغفر الله انا تو ادقق الآيه كاتبتها غلط


ولايغير الله بقوم حتى يغيرو ما بأنفسهم

وكلمة مولازم اسنع اطراءات الناس

اسمع اطراءات الناس

اغلاط مطبعيه وايد​

 

[أدعج غنج]

لازم تشيكين على الفايتمن دال والبي 12 هذول أهم الشغلات اللي تنقص في هالفتره اعمريه ولها تأثير كبيييير على الشعر والبشره والنفسيه كذلك

 

[<miss botamba>]

اهتمي بالاوميغا 3 وزهره الربيع و الكولاجين

هذول مهمين جدا جدا جدا جدا

وعندج زيت بذور العنب او اذا لقيتي حبوب هم زين

فيه مضادات اكسده

 

[&موناليزا&]

عزيزتي رفع لعيوووووووووووونج

 

[غير كل الناس]

جربي ابر الفيلر
ابر النضاره
اهتمي بالبشره كريمات ترطيب
حبوب الكولاجين

 

[ريووومي]

ياحياتي مشكوريييييييييييييييييين
للامانه كنت ابي تجاربكم هل عانيتو من هالشي مثلي؟؟؟؟؟
الاخت قاهره عذالي ماقصرتي فديتج بس أي حبوب كولاجين تنصحيني

 

[قاهره عذالي]

اللي يكون تركيزها الف وفوق

هي اللي تنفع وتبين نتيجتها

انتي يبيلج شغل عياده وماسكات اسبوعيه بالبيت

ترا التقشير الكرستالي والالناسي حلوو حتى بالصيف مايضر لانه خفيف

حبوب الكولاجين وزهرة الربيع راح تبين عليج وتعطيج نظاره تفرق معاج دام انتي بالاربعينات

حبوب الكولاجين لازم استمرار ع الاقل شهرين الى 6 شهور