حاااسه بنقص وما احب الانتقااااااااااد

[بنت عز ماتهتز]

مرحبااا
ياااعالم انا احس بنقص وعدم ثقه بالنفس شالحل مع اني احااول اتصنع هالشي دااااااااااايم الي يشوفني يحس اني واااثقه وبالحقيقه احس مهزوزه من داخل واي انتقاااد لشكلي او شخصيتي او شي سويته غلط المهم اي انتقااد يعكرر علي يووومي ما احب واظل افكر ليش انا كذا واحااول اثبت العكس تعبببببببببببببت:krkrkr: شالحل
مثلا قبل كم يوم وحده علقت على شكلي مع اني حلووه بس عيبي وجهي ضعيف بس مو مخليني شينه بالعكس لايق علي وعلقت على وجهي بطرريقه سخيييييييفه وانا قعدت افكر طوول اليووم بالسالفه


ساااعدوووني ماكنت كذا والله مدري شنو خلاني كذااا

تتوقعووون اقدر اتعااالج

وشنوو طريقة العلاج ؟؟ ابي اغيييييييييييييير من نفسي مليت ؟؟

الاشياء الي ما احبها فيني
- اتوتر اذا احد انتقدني ويبان علي اني متلخبطه طول اليووم
-ما اعرف ارد على الناس بسرررعه يعني اذا احد قط علي كلمه ما ارد مراات واتندم بعدين
- فيني خجل احس مخليني خببله
-اجاامل ومو واثقه من نفسي يعني ممكن اذا وحده طلبتني شي مقدر اسويه اضغط على نفسي وما اقول لا حتى لو احرج نفسي
- فيني سرحاااااااان مو طبيعي وتشتت افكار اذا رجعت من الدوام افكر بكل شي سويته ليش سويت كذا ليش مارديت على فلانه ليش غلطت الغلطه الفلانيه
- اذا غلطت وانا اصلا كثيرة اغلاط أأنب ضمييري حييييل واوبخ نفسي حيييل لدرجة يومي يتعكر


واشياااااااء واجد تتوقعوون شنو تفسيرررررررررهااا ؟؟؟؟؟؟؟؟؟؟:krkrkr::krkrkr:

 

[عالمي انا غير]

ماادري شقول لان انا حساسه مثلج بس اب لعيونج

 

[بنت عز ماتهتز]

مشكووره عااايشه

تكفووون ابي مسااعدتكم

تتوقعوون اقدر بيوم من الايام اقوول انا صرت شخص ثاااااني تغيييرت ؟؟؟؟؟

 

[كوكيية]

ووووي حبيبتي اي علاج ما فييج شي و علاجج في ايدج انتي عمرج لا تهتمين حق كلام الناس الناس تموت بس تنتقد بس انتي خلج واثقة من و قوية مثلا انا واثقة من نفسي عند نفسي انا احاى وحدة في البنات و اانا صج حلوة و اذكى وحدة و ملابسي احلى ملابس و ما اهتم و لا اتاثر اذا احد انتقدني عادي ارد و اسكتهم خلج نفسي

 

[المرتاحة]

شوفي حبيبتي

خليج مسالمه مع نفسج ولا تقسين عليها و هالشي ترى ما يتحقق الا لما تحبين نفسج لنتي بس تحبين نفسج ترى كل المشاكل اللي تعانين منها راح تزول

ترى مو معناة انج تحبين نفسج غرور لا ترى في فرق

حبج لنفسج معناتها انج راح تقدرينها وتحافظين عليها


علشان جذي ماراح تسمحين لاي احد انه يتطنز عليج و راح توقفينه عند حده مو بطريقة الصراخ و الهواش

لا بطريقة توصلين فيها حق اللي عيبت عليج رساله انه مو عاجبج تصرفها و تعليقها يعني يا اما تعطينها نظره معتبره تخليها تحترم نفسها او انج تردين عليها و تقولين لها انه اسلوبها مو عاجبج وتعليقها ما يضحك وتقولين لها تسكت و تحترم نفسها


اما بالنسبه انج تلومين نفسج اذا سويتي شي غلط

اهني اقول لج الانسان الطبيعي ينتبه لاخطاءه و يحاول يصححها بس اعتبري هذا الخطأ درس تعلمتيه لان احنا ما انولدنا عارفين و متعلمين كل شي في هذي الحياه لا تلومين نفسج وايد

والله يوفقج ان شا الله يا رب

 

[OM-TURKY]

حبيبتي عادي لاتحاتين مافيج الا العافيه انتي بالعكس مافيج شي . عيل لو تشوفون الناس الي الله مو معطيهم جمال شكل او وججهه او اي شي ثاني بالعكس متأقلمين ويقولون الحمدالله . اهم شي القناعه انتي قنعي نفسج انج طبيعيه او مافيج الا العافيه اهتمي بشكلج ولبسج بتلقيين كلمات اطراء من كل صوب رفيجاتج اهلج بتحسين بثقه عاليه.

وبالنسبه للانتقاد تذكري انه في انتقاذ بناء او انتقاد غير مفيد الي تنتقدج وانتي تدرين انها نهتمه فيج وتبيلج الزين بالعكس ذكري كلامها او طبقيه او بالنسبه للانتقاد الغير مفيد ولاتفكرييين فييييه.

الحياة سهله بس يبيلج تفهمين الاساسيات. القناعه. والاهتمام.
والله يوفقج​

 

[أم توتو]

انا كنت مثلج بس يوم كان عمري 14 او 15 سنه لدرجه صرت انطوائيه ماطلع ولا اروح يوم تزوجت تغيرت 180 درجه صرت جريئه واخذ واعطي ماهتم للكلام الناس صارالكل يعملي الف حساب اطنش حتى لو مارديت عليها ماهتم لكلامها لاني مانتقددت الا واهي غيرانه مني صرت ماخليهم يعرفون نقطه ضعفي انتي بس يبيلج شزي جراءة وحتى لو مارديتي لاتقهرين روحج رديها لها بطريقه ثانيه مو بالكلام بالفعل مثلا لاتعطينها وجه او خليج ثقيله معاها وبس شنو انتي مو ناقصج عنهم شي لا يد ولا رجل انتي احسن منهم حطي ببالج هالكلام

 

[Gatwa DaloO3a]

لاتحطيييين اي اهميه لكلام الناس .... في بنات من الغيره والحرره تقول كلام يغث ...

تدرين الثقه احلى من الجمال نفسه !

دايم اشوف بنات مافيهم زود بس ثقتهم تحليهم ...

وكل احد ذوقه غير عن الثاني .. مو شرط تعجبين كل الناس ولا شرط كل الناس تعجبك بالنهايه ارضاء الناس غااايه لا تدرك


لا تضيعين احلى سنين من عمرك وثقتك مهزووووزه .. ترا شي مو حلو

 

[الشايعية]

وييييييييييييييييييييييييييييييييييييه حالتج صعبه لانج حيل مهتمه برأي الناس فيج

وان لازم ياخذون عنج فكرة زينه تبين تكونين مثالية تعجبين الجميع والكل راضي عنج .... انا كنت جذي مثلج ويمكن العن انا ابالغ في شعوري بالكاد يصبح تعب جسماني من كثر مااجهدت نفسي بالتفكير والمشكلة ان الكل من اهلي وزوجي ورفيجاتي يتأثرون ويتضايقون على ضيقي ....

(( إرضاء الناس غاية لا تدرك ))
خليها على بالج ومو لازم تعجبين الكل ارضي باللي عندج (( الاكتفاء بهم ومحاولة توطيد العلاقة فيهم )) ادري بتقولين موو وقت تفلسف خخخخخخخ

والله انا حاااسه فيج وعانيت عشان ارضي اللي حولي واي كلمة منهم تهزني وتعكر يومي ما اتقبل كلمة نقد ولازم ابين عكسه واتردد في كثير من الامور عشاني اهتميت بوجهة نظر غيري

بس وصلت مرحلة افكر بنفسي (( أدورها )) انا شنو ابي وشنو يريحني وشنو احب .... والحمدالله لقيت نفسي قاعدة بالزاوية تنطر دورها المكسينة >>>> خيالي واسع

قعدي مع نفسج وشوفي نفسج شنو يرضيها ويريحها وإن شا الله بترتاحين

دمتي بود عزيزتي

 

[افراح صغيره]

حاولي تتعرفين على ناس يدد واصدقاء واااايد

وتتغير شخصيتج اوتوماتيكياااا

عن تجربة

 

[Moi belle]

انا مثلج تماما جدام الكل ترى انا بيرفكت بس انا من داخلي مهزوز اي شي يقولونا لي اقول حاضر حتى لو ع حساب نفسي بس بالاخير اكتشف انهم مو كفو ويتمادون بطلباتهم كاني خدامه عندهم من يومها صرت اسمع من صوب واطلع من صوب واي وحده تطلب طلب اردها انا اللي اقدر علي بسوي بس سالفة استغلال ماحب

 

[ام زهقانه]

يا اختي خلك امام نفسك انك انتي احسن وحده بالعالم واثقي بنفسك تماما وردي علي الي يتطنزيون عليك

 

[LuLiTa]

حبوبة و ليش ما تثقين بنفسج ؟؟ شـ اللي ناقصج ؟ ناقصج ايد و لا ريل و لا عين ؟؟

الحمدلله الله خلقج من احسن تقويم يا الله من فضلك ,,, و اللي يعيب و يقول غير جذي ردي عليه بدال الكلمة عشر ,,, مثلي انج واثقة بروحج ,, شوفي وحده واثقة من عمرها و قلديها ,,, ميخالف اول شي راح ترتبكين و عقب بيصير الوضع عادي عندج ,,, و اذا صار موقف بمجرد ما ينتهي مسحيه من مخج و لا اتفكرين فيه ,,,

 

[كويتية222]

نفسج من داخل الاهم روحج الحياوية الطيبة الخدومة العفوية البسيطة هذي هي المهمة ركزي عليها

احرصي ع نظافة سريرتج وروحج من داخل

مع الوقت ان اهتميتي فيهم وابرزتيهم بتلاقين نفسج مرتاحة وسبحان الله بتلاقين قبول عند الكل

اما الشكل الخارجي وكمالياته مو مهمة

يعني الاخرين كاملين !!

لا كل وحدة فيها عيوب هالكثــــــ...................ـــــــــــر لكن للاسف شغلت نفسها بتتبع عيوب الاخرين

انتي تعبتي نفسج وتعبتي وياها والسبب انتي

التغير صعب لكن يبيله صبر

كل يوم يوم لما تقعدين لصلاة الفير اقرئي الاذكار كاملة واحمدي ربج انج حية ترزقين وضامنه قوت يومج

وآمنة في بيتج هالامرين كأنج حزتي الدنيا وما فيها

+

متعافية وبكامل صحتج

ودائما انظري للي اقل منج بترتاحين ولا تقارنين نفسج بغيرج ابداااااااا

انتي غير وامكانياتج غير وقدراتج غير

وحذارِ انج نضغطين على نفسج في اي شي مقابل خدمة غيرج

اللي ما تقدرين عليه قولي لصاحبته عطيني فرصة افكر - اشوف وارد لج خبر - او ما ادري خليني اسالج

لكن اذا كنتي قادرة ع المساعدة وتبتغين وجه الله فساعدي واحتسبي الاجر عند رب العاليمن لكن مو ع حساب ضرر نفسج

وربي يوفقج ​

 

[۞ F A N T A S Y ۞]

الإحساس بالنقص عند الكل لان ما في احد كامل و كل شخص ينقصة شي بحياته مستحيل في احد مو
ناقصة شي بس الفرق بين الناس هو تفاوت درجة القناعة و الثقة بالنفس و عدم الإهتمام لتوافه الأمور ،،

اذا اقتنعتي بنفسج و حياتج و كل شي راح تكونين واثقة و اذا فعلا وثقتي بنفسج كلام الناس ما
راح يهمج بعدين ليش تخلين كلام الناس يأثر عليج مو كل شي بقولونه يعني هو الصح بالعكس
ممكن هم الغلط و انتي الصح : ) خليج واثقة بنفسج و مقتنعة بحياتج و حطي بالج ان محد كامل
بهالدنيا و لا في احد راح يوصل لدرجة الكمال ،، و طالما انتي تعتبرين نفسج مو واثقة و حاسة
بالنقص ما راح تتغيرين الا اذا غيرتي هالفكرة عن نفسج *_^

 

[modern]

ما تطول هالحالة و اكثر النات يصير عندهم نفس مشكلتك بفترة معينة ممكن هورمونات او انتي قاطع بحالة نفسية الحين لا تحاتي

 

[Tom ♥ Jerry]

.،


ليش تظحكين ؛@ !؟
شسالفه بنات المنتدى هالايام يكتبون مشكله تبجي و يحطون فيس يظحك :/ ؟!

- اتوتر اذا احد انتقدني ويبان علي اني متلخبطه طول اليووم

شوفي يا قلبي آنتي موجوده بالدنيا يعني متعرضه حق الآنتقاد آحنآ مو بجنه
و كل الناس ينتقدون و يمدحون ! .، انتي استفيدي من الانتقادات الي اتييلج .،
اذا شكلج عاجبج آنتي .، مآلج شغل بالناس و سمعي الكلآم الي من الناس من صوب و طلعيه من صوب ثاني
آمآ اذا بـ طبع فيج لأزم تغيرينه خصوصا اذا هالـ طبع مأثر عليج بحيآتج و مأثر سلبيا على الي حولج
مثلا " الخجل " .، اذا هالشي مأثر على حيآتج حآولي تصيرين اجتمآعيه و رآح يروح الخجل
و كل انسان معرض حق الانتقاد .، بس كل وآحد لأزم يكون له ثقه بنفسه عاليه و يشوف الآمور بـ تفائل .،
شوفي نفسج بـ نظره اعجاب .، و كلآم الناس طقيه بالطوفه اذا نفسج عآجبتج (=

-ما اعرف ارد على الناس بسرررعه يعني اذا احد قط علي كلمه ما ارد مراات واتندم بعدين

وآيد بنات يعانون من هالسالفه .، بس برايي هاذي مو مشكله عويصه يعني !
لانه في بعض المواقف من الافضل انج مآ تردين .،
عشان مآ تكبر السالفه و تصير مشاكل ./
على حسب الموقف " في مواقف لأزم تدآفعين على نفسج فيها و تردين "
و في موآقف مو لازم تردين (= و في اشخاص عادي تردين عليهم
مثل رفيجآتج أو الناس عمومآ .، و في ناس لأ .، لو شنو قآلوآ مآ يصير تردين عليهم
مثل " آمج / آبوج / يدتج / يدج / آخوآنج الكبار " و كل الكبار عمومآ .،
بالتدريج يا قلبي .، أول شي عودي نفسج أنه تردين على الـ صغار الي من عمرج !
يعني بتشوفين نفسج عآدي تردين و طبيعيه !

- فيني خجل احس مخليني خببله

الخجل .، الحل له " آنج تكونين آجتمآعيه " !
شلون سهله وآيد .، طلعي زوآرآت مع آمج .، آول شي طبيعي مآ رآح تقدرين تسولفين
و تآخذين ع الجو و يمكن تحسين آنج متوترة (= .،
قعدي مع البنات الي بـ عمرج .، حآولي تسولفين معآهم فتحي موضوع انتي تحبينه
حتى لو مآ تسولفين بس على الاقل علقي على المواضيع المطروحه (=
و بـ جذي شوي شوي رآح تسولفين أول شي مع البنات الي بـ عمرج .، بعدين رآح تسولفين مع الناس عادي ؛*
و كوني صدآقه و خلي رفيجآتج غير شخصيتج عشان يسبحونج صوبهم
يعني انتي خجوله مو تقعدين مع وحده خجوله لانه لا آنتي و لا اهيه رآح تتطورون .،
اما اذا قعدتي مع ناس و بنات من عمرج " آجتمآعيين " تطلعون و تروحون و اتيون رآح يسحبونج صوبهم
و شوي شوي رآح تصيرين مثل طبعهم (=

-اجاامل ومو واثقه من نفسي يعني ممكن اذا وحده طلبتني شي مقدر اسويه اضغط على نفسي وما اقول لا حتى لو احرج نفسي

اعتقد انه المشكله الرئيسيه ( عدم الثقه بالنفس ) تقدرين تدقين على الدكتور " طآرق الحبيب "
يطلع على قناه الرساله " يساعد وآيد بهالـ امور " ! و آن شاء الله يسآعدج .،
و بالنسبه للي تطلب منج شي و تسوينه ،
يا قلبي اخذيها قاعده .، الزم مآ عليج نفسج محد رآح يفيدج !
يعني اذا مآ تقدرين تسوين الشي الفلاني قوليلها سوري انا مشغوله ؛*
آن شاء الله وقت ثاني .، و بس تنتهي المشكله خو آنتي مو مسوية جريمه !

- فيني سرحاااااااان مو طبيعي وتشتت افكار اذا رجعت من الدوام افكر بكل شي سويته ليش سويت كذا ليش مارديت على فلانه ليش غلطت الغلطه الفلانيه

لا تقعدين فاضيه ! الوحده اذا قعدت فاضيه تتذكر اشياء ،
و تسرح و تسوي سوالف مو جينه
خلي وقتج على طول مشغول .، شبكي آقري كتاب .، سوي طبخه حلوة.،
روحي سبحي شوفي تلفزيون .، الهي بالـ بيبي أو الايفون !
اي شي المهم لا تقعدين بروحج .، و اذا مآ عند جشي تسوينه على طول مسكي القران و آقريه
رآح يريحج بآذن الله ؛*

- اذا غلطت وانا اصلا كثيرة اغلاط أأنب ضمييري حييييل واوبخ نفسي حيييل لدرجة يومي يتعكر

أول شي لأزم تستفيدين من آخطآئج و مآ تعيدينهآ .، حلو الوآحد يحآسب نفسه على الاخطاء الي يسويها
عشان يستفيد من الخطأ ، بس عآد مآ يقعد طول الآسبوع يحآسب نفسه
و يلهى بتأنيب الضمير و ينسى مشاغله الثانيه .،
خلاص دريتي انه هاذا غلط .، استفيدي من الغلط .، و لا تسوينه مره ثانيه (=

،

 

[اسينات]

مرحبااا
ياااعالم انا احس بنقص وعدم ثقه بالنفس شالحل مع اني احااول اتصنع هالشي دااااااااااايم الي يشوفني يحس اني واااثقه وبالحقيقه احس مهزوزه من داخل واي انتقاااد لشكلي او شخصيتي او شي سويته غلط المهم اي انتقااد يعكرر علي يووومي ما احب واظل افكر ليش انا كذا واحااول اثبت العكس تعبببببببببببببت:krkrkr: شالحل
مثلا قبل كم يوم وحده علقت على شكلي مع اني حلووه بس عيبي وجهي ضعيف بس مو مخليني شينه بالعكس لايق علي وعلقت على وجهي بطرريقه سخيييييييفه وانا قعدت افكر طوول اليووم بالسالفه


ساااعدوووني ماكنت كذا والله مدري شنو خلاني كذااا

تتوقعووون اقدر اتعااالج

وشنوو طريقة العلاج ؟؟ ابي اغيييييييييييييير من نفسي مليت ؟؟

الاشياء الي ما احبها فيني
- اتوتر اذا احد انتقدني ويبان علي اني متلخبطه طول اليووم
-ما اعرف ارد على الناس بسرررعه يعني اذا احد قط علي كلمه ما ارد مراات واتندم بعدين
- فيني خجل احس مخليني خببله
-اجاامل ومو واثقه من نفسي يعني ممكن اذا وحده طلبتني شي مقدر اسويه اضغط على نفسي وما اقول لا حتى لو احرج نفسي
- فيني سرحاااااااان مو طبيعي وتشتت افكار اذا رجعت من الدوام افكر بكل شي سويته ليش سويت كذا ليش مارديت على فلانه ليش غلطت الغلطه الفلانيه
- اذا غلطت وانا اصلا كثيرة اغلاط أأنب ضمييري حييييل واوبخ نفسي حيييل لدرجة يومي يتعكر


واشياااااااء واجد تتوقعوون شنو تفسيرررررررررهااا ؟؟؟؟؟؟؟؟؟؟:krkrkr::krkrkr:

مااصدق كانج تتكلمين عني بالنيابه اتمنى لقون لنا حل معن اكثر هالسلبيات اللي موجوده فيني سببها امي :eh_s(4)::eh_s(4)::eh_s(4)::eh_s(4)::eh_s(4)::eh_s(4)::eh_s(4)::eh_s(4)::eh_s(4)::eh_s(4)::eh_s(4):

 

[قانون كـيفي]

تصدقين







مدري

 

[3war glb]

انتي مافييج شي الي فييج منج يعني انتي واااايد مهتمه حق الغيير حبيبتي مالج شغل باحد وكلام الناس لا يودي ولا ايييب وثقي بنفسج