حاابه اشتري جلب

[!نوناا!]

سلام
اخخبااركم ان شااء الله تممام
حباايبي افككر اني ااشتتري ججلب اعزكم الله لولدي ييحب اجلالاب
عاادي ولالا فيييه اضراار ؟؟
بلليز اللي تعرف تررد لي
وووثاانككس للحلوووين..,
نووراا

 

[أجرح وداوي]

حبيبتي وش معنى جلب؟؟؟؟؟؟؟؟؟؟؟

 

[Qـويتية]

حبيبتي !نوناا!، لازم أول شي تحطين في بالج إن لما يكون عندج جلب لازم تعرفين إنها مسؤولية كبيرة وحلو إن تحملين ولدج وتعلمينه على هذي المسؤولية، لازم يكون عندج مكان للجلب، والجلب مو مثل الأرنب أو الهامستر أو الطير تحطينه بقفص، الجلب يبيله مكان لإن لازم يمشي ويقعد على راحته، والجلب حيوان حساس جدا جدا جدا ومثل ما نعرف يتعلق في صاحبه وايد، لازم تعرفين حبوبة نوع الجلب إلي يحبه ولدج، إذا تبين حق بيوت ولعب ووناسة وصحبة حلوة أنصحج Golden Retriever و Eskimo أو sptiz أو الـLabrador، ووايد في أنواع حلوة للبيوت ، لازم تعملين حساب حبوبة حق التطعيمات، والأكل، وأدوات التنظيف ... إلخ يعني حطي له ميزانية 50 دينار على الأقل، وما أشوف فيها أي مضار، لإن الجلب إذا أهمليته، حاله حال الإنسان أو أي كائن حي، رح يمرض ويتعرض للبراغيث والجراثيم، لكن مع الاهتمام والنظافة رح ترتاحين حيل ووايد رح تستانسين، وإذا على الهجوم والعض .. إلخ، فالجلب إذا تعامل بقسوة فأكيد رح يهجم، وبعضهم مسكين ما يسوي شي يستسلمون، وعملي حساب حق التدريبات علشان تعودونه على نظام البيت، وشكرا حبوبة، وأي سؤال أنا حاضرة

اختي أجرح وداوي الجلب هو حيوان "الكلب" ^_^ وشكرا

 

[....sh...]

صح كلام اختي كويتيه

عااد انا غرامي الجلاب امووت فيهم وربيت جلاب واايد وانواع مختلفه ويونسون احسن من القطاوه
يعني عاادي اشتريله

 

[أعرفك نفسي]

عاد جلب ؟؟؟ ليش ؟؟ يما يخرع

انا اقول عصافير احسن اسماك مثلا كلش كلش قطوة او ارنب

بس مو يقولون الجلب نجس ؟؟

 

[tnkora]

كويتيه مفت ووفت. الله يوفقج

 

[بنت العسكري]

بس وجود الكلاب في المنازل مكروه و الملائكه ماتدخل البيوت و الكلاب نجسسه

حاولي تقنعين ولدك بحيوان افضضضل