حابه تعرفين اكثر عن منتجات ماك .. حياج .. متجدد {{ 2 }} مشاهدة فقط

[رفرف]

رد: حابه تعرفين اكثر عن منتجات ماك .. حياج .. متجدد {{ 2 }}

أسيرة ..

انا ما جربت طلبت الا من نوردستروم وطريقتهم تعللل كل يوم يوصلونلج شغلة لين تزهقين .. طلبت 6 شغلات وصلوهم على 5 مادري 6 كراتين .. يطلع عليج اغلى من بيع السوق ..
بجرب اطلب من ماك بس مادري ياخذون الفيزا ولا لا ..

أمواج ..

انا السيتات ما عجبوني ما حسيت فيهم شي مميز .. الفرش تشيشت عليهم سعرهم مووو صج بس قلت بغير ماك شكلي بطلب فرش سيغما وايد واااااااااايد يمدحونها باليوتيوب والريفيوز كلها تمدحها ما شفت احد يذمها وسعرها ارخص يعني السيت كامل مكمل يمكن يطلع ب60 او 50 فشكلي بطوف فرش ماك واطلب سيغما ..

 

[أسيرة_أحزاني]

رد: حابه تعرفين اكثر عن منتجات ماك .. حياج .. متجدد {{ 2 }}

ياقلبي فديتكم عالرد

انا مابي شغلات وايد عشان توصل بدفعات ..

بس كلمت تاجرات قالو مانقدر نطلب لج مكياج ؟؟ مادري ليش يقولون كل شي الا المكياج

قتلهم شلون في ناس تطلب من النت ... احترت

 

[shtat_al_ro7]

رد: حابه تعرفين اكثر عن منتجات ماك .. حياج .. متجدد {{ 2 }}

shtat_al_ro7

الله يعافيج ..

والله الشدوات المينرال تستاهل وماتتطوف .. كل اللي عندي حلوين وأستخدمهم بين فترة وفترة ..
ويبين حلو اذا تحته CREAM COLOR BASE اللون PEARL .. :rerrerek:
ولان الالوان تقريبا مكررة .. باخذ لي 2 يمكن ..
والشدوات المينرال قوامهم يختلف شي ساتن وشي قلتري ويتطاير بس يتغير بالحط ..

والله يهون عليج .. اللي فهمته انج حامل وولادتج قريبه .. :yaaaaaarb:

يسلمووووووووو حيااااااااااتي شجونه على الدعوه الحلوه :blueSmCLR:

وعسى الله يرزقج بالزوج الصالح اذا مو متزوجه والذريه الصالحه اذا متزوجه << اختاري الاجابه الصحيحه

اي حامل والشهر السابع دايما اولد هههههههههههههه <<< تختصر الطريج :ioljnmlk:

توني ادري ان الشدوات المنيرال مثل العاديه لها اشكال تختلف ؟؟؟؟؟؟؟؟؟؟؟ :s141:

الظاهر اللي جربتهم قليتري لانهم يتطايرون مايثبتون ولا اقدر اشوف لونهم

بس ماعندج خبر شنو قوام الشدوات المنيرال اللي نازلين بكوليكشن in the groove

 

[googoosh]

رد: حابه تعرفين اكثر عن منتجات ماك .. حياج .. متجدد {{ 2 }}

قوه بنات شلونكم شخباركم ..

مس تايقر فديتها .. كانت طالبه ان نحط كولكشن ماك اللي عندنا .. كل وحده تحط كولكشنها .. انا حطيت كولكشن البلشرز اللي عندي .. و الحين بحط كولكشن الحمر .. و ان شالله كل مره احط شي ...

طبعا محد بالعالم يحتاج مليون حمره .. بس شنسوي الحمد الله على نعمة العقل لووول ...

ما راح اشتري بعد حمر .. و معاقبه نفسي كل يوم لازم استخدم حمره غير عشان أخلصهم ..





















يالله بنات كل وحده تحط كولكشنها ..

وناسه الواحد يشوف كولكشنات غيره .. عشان يستفيد و يشوف شنو عندهم ..​

 

[DALLY]

رد: حابه تعرفين اكثر عن منتجات ماك .. حياج .. متجدد {{ 2 }}

دالي بدون مبالغه هالكوليكشن مسوي لي ارق خخخخخخخخخخخخ

لاااااااتقووووووووووولين اخر الشهر شكلي ماقدر الحق عليه لاني واصله


يارب يتاخر


بس اتوقع ان هالكوليكشن عرض مااااااااااااراااااااااااااح يتكرر لانه عملي وحلو

لوووول انا مو ارق الا توتر وحياتج

مس تايغر منو قال بشهر 8 لا لا هالشهر ومو اكيد الاسبوع الياي يعني احتمال كبير اللي عقبه بنكون عدينا نص الشهر بس زين سويتي طلبتي من برا

امواج يهبلون هالكوليكشنات وجييكت اكوا اكثر من كوليكشن بينزلون هالسنه ف نوردستروم بس اللي ابي اعرفه انتي تطلبين والتوصيل يكون عن طريق ارامكس! لاني جربت بطلب منهم ماعندهم توصيل للخليج !

اسوره موقع ايباي اكوا تجار موثوقين فيهم يبيعون ماك الاصلي بس مو كل شي متوفر عندهم وبعضهم لازم يكون عندج اكثر من 10 نجوم انا تعاملت مع 2 والحمدلله اصلي مو تقليد واساسا ف معلومات المستحضر يكون مكتوب اذا اصلي او تقليد

....

 

[DALLY]

رد: حابه تعرفين اكثر عن منتجات ماك .. حياج .. متجدد {{ 2 }}

غوغوش

ما شاء الله كوليكشن الحمر عندج حده تعذيب

انا غرامي حمر ماك لو شنو حمر اجرب ماردي لماك وطقوني بعين عندي اكثر من واحد انكسر ويبيلي نفسج اصفهم ف سيت عشان مااضييع بينهم وصج الله بالينا مو شرط مليون الف حمره بس احنا معذبنا ماك لوووول

 

[googoosh]

رد: حابه تعرفين اكثر عن منتجات ماك .. حياج .. متجدد {{ 2 }}

هذولي ال face stuff ..

ما عندي أشياء واايد لأن ماك مو أحسن شي حق سوالف الفاونديشنات و العنايه بالبشره .. بس في هالفاونديشن اللي واايد أحبه و صج صج نفع معاي .. لأن طريقته صايره على جل و أنا افضل الجل على السائل .. أحسه يطلع أحلى .. بس تحتاجين نقطه صغيييييره منه و يغطي الويه كله و يصييير صااافي ..




هذا ال bronzing oil .. مادري ليش شريته انا ما اتشمس كلش و لا أحتاجه .. يمكن ينفع حق حفله يعطي برونز خفيف و لمعه .. مادري خل أشوف .. البنات اللي شروه وين تستخدمونه ..


الفكس بلاس .. هذا ما أعيش من غيره و انا قاعده بالبيت أمشي و أبخ منه على ويهي أحس بإنتعاش .. و حتى لو أطلع من غير ميكب أستخدمه .. حيااتي من غيره سلطه لووول .. شخباري


الستديو فيكس عجييييب ..

المينيرلايز سكن فنش .. اينن بس يصلح فوق فاونديشن .. ماجربته بروحه بس أحس خفيف ما يغطي .. أحلى بودره حق الويه بصراحه ..

الاسود اللي تحت الفاونديشن هذا بيس حق المسامات .. مادري ما أحسه يسوي شي ..

الكونسيلر اللي تحته حده ايييييينن بس تغطيته عاديه مو قويه .. بس حدي مستانسه عليه .. باخذ منه درجه أغمج و استخدمه حق ويهي .. أكتشفت أكتشاف خطير ان اينن كفاونديشن .. خفييف بس يغطي ..

العلبه المدوره هذي بودره بيضاا .. وايد حلوه تثبت الفاونديشن و تعطي لوك مخملي ..

كان عندي الكونسيلر المدور الأسود نسيت اسمه .. بس حده ما عجبني يلوع الجبد .. رديته باك تو ماك .. واايد ثقيل ..​

 

[أسيرة_أحزاني]

رد: حابه تعرفين اكثر عن منتجات ماك .. حياج .. متجدد {{ 2 }}

قوقوووووش حلوووين حمرج بس شلون بنستفيد واحنا ماعرفنا اساميهم

عليج بألف عافييييييييه وانا ودي بحمر من ماك بس من ادش اضيع وتنسد نفسي واطلع

دالي خلااااااااص انسدت نفسي مابي اطلب ماتسوى علي من يومين ولا لقيت نتيجه

 

[googoosh]

رد: حابه تعرفين اكثر عن منتجات ماك .. حياج .. متجدد {{ 2 }}

داااالي اي والله انا جربت وايد حمر بس مثل ماااك ما لقيت أحلى حمر بصراحه .. اي هالطريقه وايد مريحتني حافظه أماكنهم ..

لووول ساعات من الفراغه الزايده أصفهم و أتكلم عنهم مثل فيديوات اليوتيوب لووووووول .. وأسوي swatch على ايدي .. الحمد الله والشكر حاااالتي صعبه لوول ..

 

[googoosh]

رد: حابه تعرفين اكثر عن منتجات ماك .. حياج .. متجدد {{ 2 }}

أسيره أنا اقولج ليش لوول .. لأن كتبت رد شطوله و كتبت أساميهم و حالتي حاله اخر شي انمسح .. حده قهر .. خل أريح شوي لووول و أرد أكتب الأسامي ..

 

[أسيرة_أحزاني]

رد: حابه تعرفين اكثر عن منتجات ماك .. حياج .. متجدد {{ 2 }}

اي والله هالسالفه تقهر شكثر صارت فيني واتعايز ارد اكتب

شنو احلى حمره تحبينها فييييهم ؟؟

 

[googoosh]

رد: حابه تعرفين اكثر عن منتجات ماك .. حياج .. متجدد {{ 2 }}

up the ump

milan mode

lustering

lazy day

viva glam gaga

rebel

 

[أسيرة_أحزاني]

رد: حابه تعرفين اكثر عن منتجات ماك .. حياج .. متجدد {{ 2 }}

viva glam gaga هذي مو ليمتد ؟؟

 

[shtat_al_ro7]

رد: حابه تعرفين اكثر عن منتجات ماك .. حياج .. متجدد {{ 2 }}

عليج بالعافيه قوقش بس جنه في الوان مكرره

مو هذي حالتنا نشتري واخر شي يطلع نفس اللون او مقارب له يعني مايفرق


بس خووووووووووووووش حمر تتهنين فيهم غلاتي

 

[Miss_Tiger79]

رد : حابه تعرفين اكثر عن منتجات ماك .. حياج .. متجدد {{ 2 }}

قوقوش

واااااو ماشالله كولكشنج واايد حلو وتحبين الحمر الحمرة والورديه والعنابيه وايد

هههه وضحكتيني على سالفت اليوتيوب
امبييه بنستخف



وتسلمين حبيبتي على الصور
وناطرين اسامسهم

 

[googoosh]

رد: حابه تعرفين اكثر عن منتجات ماك .. حياج .. متجدد {{ 2 }}

أسيرة .. اي ليميتد اهيا و lazy day

شتات الروح الألوان مو طالعه عدل بالصور عشان جذي .. في ألوان قريبه من بعض بس مو مكررين لوول ..

مس تايقر .. تسلمين حبيبتي .. اي صح أغلب الحمر درجات الوردي و الاحمر ​

 

[رفرف]

رد: حابه تعرفين اكثر عن منتجات ماك .. حياج .. متجدد {{ 2 }}

قوقووووش عليج بألف عافية ايننووووووووووووون ينوكلووووون
انا عندي وايد واااااااايد حمر ادمان كل الماركات لازم كلما اطلع اشتري لو حمرة وحدة ..
مو كلهم ماك بس ما يمنع ان عندي على قولتج مليون حمرة ..
خل افضى واكمل تصوير لأن هذاك اليوم صورت الفرش ونزلت الموضوع خذا مني يوم كامل مادري اذا بصور بعد شكثر بياخذ
وفيفا قلام قاقا اتينن مادري ليش مو كل من تعجبه انا عندي هذا اللون التووووب وحلوة لأنها لستر خذيت منها باك اب حتى ليزي داي تشبها وايد حلوين هال2 ..

 

[DALLY]

رد: حابه تعرفين اكثر عن منتجات ماك .. حياج .. متجدد {{ 2 }}

غوغوش

انا مسويه تان والبرونزينغ اويل يعطي لمعه تيييينننن من غير تان ماتبين حلوه اليوم اقول لرفيجتي سوي تان وحطيه من غير تان ماينفع لان مافيه لون بس منعكس جذيه

جربته من غير تان x

مع تان حده وااااو

واستخدمته امس اخر مره لما طلعت واللمعه ماتروح الا مع الماي يعني لما تحطونها عالجسم خلوها شوي عشان تلزق

 

[DALLY]

رد: حابه تعرفين اكثر عن منتجات ماك .. حياج .. متجدد {{ 2 }}

الفاونديشن ودي اجربه حاطته باللسته هو والكونسيلر (بس يمدحون بو علبه سودا يقولون تغطيته واو عليه مدح وهو واللي من ماركة بوبي براون)
مينيرالز سكين فينيش تييييننن من غير فاونديشن خفيفه وتغطيتها زينه عن تجربه


وراح اسوي نفس طريقتج ف ترتيب الحمر وذوقج مقارب لذوقي انا اغلب اللي عندي على وردي وبيج وعنابي الواني المفضله



شتات الروح

صاجه انا كم مره اروح اشتري ولاني مااحفظ الاسامي اكتشف اني شاريه الحمرا من قبل ولاني استحي ارجعها اعطيها اي وحده من رفيجاتي



رفرف

انا عندي من فيفا تيييينننن مع ان لوستر بس تنفع للصبح

 

[Miss_Tiger79]

رد : حابه تعرفين اكثر عن منتجات ماك .. حياج .. متجدد {{ 2 }}

شلونكم بنات

طبعا ماك امريكا رفض فيزتي
وماك بريطانيا لوعو جبدي على ما قبلو فيزتي .... طاب خاطري منهم
مالقيت الا حبيبي نورد ستروم والا منزل الكولكشن كااامل وطلبت منه الحمدلله