حابه تعرفين اكثر عن منتجات ماك .. حياج {{6}}

[the rosee]

يابنات وحشوتووووووووووني موووووووووووووووت
والله حياتي كانت تعيسه بدون المنتدى
نفسيتي تعبت كنت اخرج يوميا ابغي اشغل نفسي واضيع وقت باي طريقه
والله مرا فرحت لمن جربت ولقيته مو محجوب
نفسي اعرف سبب الحجب
ومتابعه اخباركم عالانستغرام بس ماحطيت صور
عندي مشتريات مجنوووونه ان شاء الله حانزل موضوع مشتريات وموضوع اغراضي كلها

 

[مراوي22]

المشاركة الأصلية كتبت بواسطة BaiTotia
أم سعود ماتشوفين شر

أنا خذيت السنفرة وأخيرا لول خذت 2

خذيت 1 جربته مرتين ماحسيت بفرق شنو الحلو فيه يوم نزل إهني مارحت آخذ منه باك أب حسيته عادي

وآخر مشترياتي الميكبية من ذا بالم البرونز والإضاءة وخذيت حمرة وليب تنت

من نوبا حمرة لحمية نيو كولكشن و برونز قولدي

صبغ من بورجوا

ليب لاينري المفضل من فور إيفر

وعلبة ميكاب من فيكتوريا سيكرت

عليج بالعافيه مشترياتج :rerrerek:

وبرايمر بنفت مال المسام هذي ثاني مرة أشتريه

أول مرة قطيته بالزبالة بس قلت برد أعطيه فرصة ثانية

ههههههاي ضحكتيني نفس إلي صار معاي والحين ماعطته فرصه ثانيه بس آنه ماقطيته خليته مركون على جنب كل يوم أعطيه نظرة إحتقار بس قلت خل أعطيه فرصه ثانيه وتبين الصج ماجفت فرق شي به ولابدونه نفس الشي حطيته قبل الميك أب عقب الميك أب مافي فرق أهو المفروض يقلل من شكل المسام بس ماحسيت يسوي شي فاونديشن ماك فكس فلود يغطيهم أكثر منه
وبس هذول حصيلتي أمس واليوم

ها الحين إشلون هههههههههه

 

[مراوي22]

بنات بالنسبه للمقشر لاحظت شغله انا جربت القديم وعندي كان افضل واحد وجربت هذا احس انه غير !!! ريحته ماحبيتها كلش اهما يقولون انه كل مره ينزلونه بيكون مطور اكثر وافضل لكن احس انه الاقدم كانوا افضل !

قاعده أحاول إني أحبه بس ماجفت شي مميز فيه يمكن آنه بشرتي ما أستفادت منه مثل الباقي ؟؟؟
كنت مفكره آخذ منه باك أب على المدح إلي جفته بس يوم جربته كذا مره ماجفت فرق الصراحه وترا آنه وإنتي أول ناس نقول عنه عادي الكل مستخف عليه لو تجوفين الاجانب مكودين منه بالاربع

بالنسبه للكولكشن انا حبيت ال ام اس اف وايد لانهم يستخدمون كبلشر وهايلايت وحجمهم راهي واكثر لونين حبيتهم الصراحة
Star wonder جميييييييييل
Center of the universe زوغه حطيته اليوم فوق بلش peaches

عليج بالعافيه إختيارات موفقه :rerrerek: وبالاخص Center of the universe يهبل

رفيجتي تمدح حمرة fire sign فاللي خذتها نبي رايها بعد

أمممم إهي أحلى حمره في الكوليكشن باقي الالوان مالها معنى بس آنه عندي ماتستاهل حدها عاديه مافيها شي مميز ماك عندهم في لاين البرمننت ألوان أحلى منه ونفسه بالضبط أحمر لاستر مافيه من الزود

يابنات وحشوتووووووووووني موووووووووووووووت
والله حياتي كانت تعيسه بدون المنتدى
نفسيتي تعبت كنت اخرج يوميا ابغي اشغل نفسي واضيع وقت باي طريقه
والله مرا فرحت لمن جربت ولقيته مو محجوب
نفسي اعرف سبب الحجب
ومتابعه اخباركم عالانستغرام بس ماحطيت صور
عندي مشتريات مجنوووونه ان شاء الله حانزل موضوع مشتريات وموضوع اغراضي كلها

ووووحشتينه ووحشتني مشترياتج وشنو نكج بأنستغرام خل أضيفج

وايد بنات وحشوني من السعوديه ماله معنى الصراحه حاجبين الموقع الظاهر أهاليكم مشتكين منكم فلستوهم من كثر ماتشترون مكياج فصكو المنتدى عنكم :krkrkr:

باقي البنات عليكم بألف عافيه على مشترياتكم

 

[MakeupAholic]

صباااااااح الخير مااكيااات حبايبي
شلوونكم شخبااركم من زمااان عنكم
من لهيت مع الانستغراام ماقمت ادري عن المنتدى ​

 

[3la-q8']

ماااك الافنيووز لووعه كل شي خالص عندهم اليوم كنت بشتري حمره وكريم اسااس وبودر عطتني الوان غير زيين جيكت قبل لا احاسب تقول الي طالبتهم مو موجودين زين ليش تغشيني وتعطيني الوان غيير دايماا كل مااروح ما احصل شي كرهت ماك بسبتهم :\

 

[BaiTotia]

مراوي

للحين مايطلع لي الخط هههههه ,, بتذبحيني أدري

علا

من صجهم ,, جان أشتكيتي عليها شكو تقولج جذي

يعني إذا ماكو اللي أبيه آخذ أي شي؟

 

[3la-q8']

مراوي

للحين مايطلع لي الخط هههههه ,, بتذبحيني أدري

علا

من صجهم ,, جان أشتكيتي عليها شكو تقولج جذي

يعني إذا ماكو اللي أبيه آخذ أي شي؟

ايي زين جيكت قبل ما اطلع اقولها ليش حاطه لون غير عبالي تبين هذا :eh_s(1):

الاجنبيات احسن من لبنانيات :eh_s(4):

 

[the rosee]

مرراااااوي حبيبة البي
والله يابنت محد مضيعني غيرك كل مااقرر اعقل اششوف مشترياتك واقول لا انا الحمدلله طبيعيه ماني اوفر ابدا ابدا
واروح اشتري نكي في الانستغرام the rosee
بس ماحتستفيدي شي لاني مو حاطه ولاصوره يادوب اتفرج واطلع
الحين احط موضوع اخر مشتريات ماك

 

[NEW WOMEN]

نزل الكوليكشن قرت عينكممم

معليش ااختي أبي طريقة التسريحه اللي بتوقيعج ولا اي وحده تعرفها ياليت ماتبخل علي
:eh_s(17):

 

[the rosee]

امس كنت في ماك والبايع قالي زادوا الاسعار 7 او 8 ريال وكانوا بيلصقوا الاسعار الجديده والشي الثاني الجديد صاروا يبيعوا عندنا بنات الله يعينني كنت حابكي لمن شفتهم

 

[أسيرة_أحزاني]

معليش ااختي أبي طريقة التسريحه اللي بتوقيعج ولا اي وحده تعرفها ياليت ماتبخل علي
:eh_s(17):

حبيبتي والله ماعندي فكرة

 

[ملكة على عرشي]

.



بنات على كثر ماشتريت msf
مثل سوفت أند جنتل مافي بديل روعه شوي عليه


الفكس في السعوديه منقرض حسبي الله عليهم لدرجه فكرته مقطوع إلا سباركل طمنتني إنه موجود بس ماك الخليج فاشل

 

[عسوله ودلوعه]

صاجه ملكه موبس ماك عندنا في الخليج فاشل اغلب الماركات العالميه الثانيه ماتلقينها

والكولكشنات اليديه تنزل عندنا اخر شي مو أول بأول مثلهم

 

[NEW WOMEN]

طيب مشكور نبي قسم مع المكياج للتريحات البسيطه

 

[الزورق222]

صاجه ملكه موبس ماك عندنا في الخليج فاشل اغلب الماركات العالميه الثانيه ماتلقينها

والكولكشنات اليديه تنزل عندنا اخر شي مو أول بأول مثلهم

ليش فااشل ماك فى الخليج شنو فرقه عن الباقى ؟

 

[نبض الجود]

^^ فرقه انه كل شي خآلص عندهم ،
والكوليكشنآت الجديده مآتنزل الا متآخر ، تلقين اللي بره نزل عندهم كوليكشن جديد ،
واحنا اللي قبله ليلحين مآنزل ​

 

[عسوله ودلوعه]

جاوبتج نبض الجود اجابه كافيه ووافيه

 

[زبــــــــدة]

هالووو


بنات انا ولا فاونديشن راضي يضبط على ويهي الا ماك شسوي ؟؟؟

انا ابيه حق كل يوم عادي استخدمه ؟؟

سمعت دكتور بالتلفزيون يقول اذا الفاونديشن فيه حمايه عادي ...

شرايكم ؟؟

طبعا مع اهتمام مكثف بالبشرة لووول

لان ويهي في اثار حبوب ومحد يغطيه الا ماك ...

شسوي

 

[عذبـة الاطبآع]

^ استخدميه بس تكونين متاكده من تنظيف بشرتج بعده

عشان مااااتاذينها

 

[the rosee]

بنات عندي سؤال مصيري
ومستقبل تسريحتي كلو يعتمد عالجواب
البلشرات المينيرالز اقدر افرغها في باليت ولا ماتنفع لازم تكون البلشرات العاديه فقط
عندي مراا كثير ابغي اخفف زحمه عشان اقدر اشتري جديد واستغل الفراغ هههههههههههههه