حاجه تقهرني ومالها حل ساعدوني تخص اهل الزوج

[ريناد10]

:eh_s(17)::eh_s(17)::eh_s(17)::bbbiu:حبايبي مشكلتي من اربع سنوات ومالها حل انا تزوجت من عايله اقل مستوى من عايلتنا بتفكيرهم وبحياتهم وفي بيتهم وبمستواهم
عشان كذا ما يحبون يحتكون فيني ولا مكالمات ولا كاني من العايله وانا والله احبهم بس اللي يقهرني حتى اذا رحت لهم للبيت احس اني مو مرغوبه ابد
وش الحل ساعدوني
هل اقطع علاقتي معاهم
وزوجي انسان يكره المشاكل كل ما اساله اقوله ماتلاحظ يقول يتهئ لك
معقوله كل يوم يتهئ لي
غير كذا اللي قاهرني انهم مايدعوني لمناسبات اقاربهم ياربي وش الحل
تكفوووووون لحد يطنش انا محتاره

 

[| تفاصيل |]

صيري رسميه معاهم
قومي فالواجب وبس

عشان ترتاحون من المشاكل

واذا كلش كلش تبينهم
تهادوا تحابوا

 

[amami al-kuwai]

حاولي تتقربين منهم وتفهمينهم عدل

 

[لجين]

امبيه .. كانج تتكلمين عني وعن حمولتي بالضبط ..

انا نفس حالتج والله غريبه .. يعني الحمد لله مرت اخوي مرتاحه عندنا

اكثر من اهلها .. >>> ليش انا ما عندي هالشعور

وغير جذي بنات خالتي وعمامي كلهم ميانه مع حمولتهم

الا انا .. حمولتي دمهم ثقيل ..


علشان جذي انا دايما اصر على خالتي تجي زواراتنا

وجمعاتنا علشان تشوف الفرق ..

لعله وعسى تتغير جربي هالشي ..

انا الحين اجرب والله كريم ,,

 

[حبي للابد]

حبيبتي صيري رسميه معاهم و شتبين في القرب الزايد اللي بيجيب لج المشاكل ! افتكي !!

و لا ليش تطرينهم عند ريلج ؟؟؟؟ جذي كأنج تحرشينه عليهم صدقيني بعدين بيبغضج اذا اهله باغضينج ،،

انتي لا تقطعين صله الرحم و خلاااااص !!

 

[ياا راسي التعب]

وين المشكله ؟؟؟
أنا ما أشوف ان فيه مشكله

 

[ام زهقانه]

نفس رفيجة اختي قصتها بس اهي كويتيه في ناس ما يبون حريم اعياهم ابد لا يرجون ولا يزرونهم.
يا ختي ريحي عمرك وصيري حيل رسميه

 

[غروه]

الله يعين على الدنيا

 

[وتين الرياض]

انتي سوي الواجب معهم
قدريهم واحترميهم

والباقي خلك بعيده افضل لك ولحياتك

اهم شي انتي مبسوطه مع زوجك ومرتاحه
لاتنكدين علي نفسك

 

[سوسو حبيبتى]

وايش تبين بلا عواار راس

خليكي مع امك واخواتك واهلك وريلك واستانسي وريحي رااسك

وكل ماتروحي عندهم مناسبه خدي هديه وممكن بدون مناسبه بعد .. تري الهدايا تغير من الناس واايد ( تهادوا تحابوا)

وخليكي واثقه بنفسك ولا تفكري فيهم ..

كانت نفس مشكلتى الاول مع اهل رييلي بس انا مصيبتي اني انا اقل منهم فى المستوي المادي

وما كنت اعطيهم وجه لوووول يعني فقيره واتكبر هههههههه

والله الحين يلحقووني ويتصلون فيني ويعزمووني ..

 

[سكوتي بذوقي]

خلي علاقتك معاهم سطحيه

سوي الواجب اللي عليكِ

لاتروحين لهم كل يوم

 

[وحيدة خالد]

الله يعينج خليج رسمية معاهم وارتاحي

 

[انا لحبيبي .]

الله يجعل الاوضاع للاحسن ان شاء الله ، ويناولك الخير

 

[أعشقه]

هالمشاكل ماتنتهي لاتفقعين قلبك فيهم
انا اختي متزوجه ولد عم ابوي .. يعني من الاهل وقراب والولد هو الي مختار اختي وهو وحيد امه وابوه وعنده 4 خوات
المهم والله يكرهون اختي كره العمى وحتى ام الولد لانها تبي تزوجه بنت اختها وهو مارضى
والله يجتمعون ويحتفلون وكل شي يسوونه ومايعلمونها ولا يقولون لها والحين كلهم مايكلمونها ابد ولا كانها موجوده
وترى هي عايشه في بيت اهل زوجها بغرفه مهوب بشقه ..
وحتى اذا طبخو الاكل ياكلون ويقيبون الباقي عشان ماتاكل وكل شي يخشونه عنهااا هذا من الكره
اول تتضايق وتجي تصيح ليه يسون كذا والحين قامت تطنش
اول في الاعياد تروح تسلم وتعايد عليهم الحين يقولون لها مانبي منك عيد لا تجين تعايدين علينا
وهونت وش تسوي بعد عايشه معهم ولا كانها معهم

 

[" ام حمود "]

خليج رسميه وياهم بس ولاتقربين منهم شتبين فيهم غير مشاكل وعوار راس
ويع بس خليج بعيدة المهم تكونين مع ريلج زين وتباشرينه وتهتمين فيه
ولا تقولين حق ريلج اهلك واهلك ترى يلوع جبده من الحنه ورنه هذي
طااف وعيشي حياتج

 

[زوجة عزيز]

مثلج انا والحين قطعت علاقتي فيهم حبيبتي لا اتزروينهم الا في المناسبات او الاعياد بس

 

[بنت حظوظ]

خخخ ما عليج منهم المهم ريلج عندج

 

[فوفو22]

ماله داعي تقولين له

كل ما اساله اقوله ماتلاحظ يقول يتهئ لك

سؤالج له مبطن بالشر

او مشروع مشاكل

دايما اقول ان الجنّه تثبت نفسها باسلوبها واخلاقها

مو بمستواها سواء كان بالعالي او بالنازل

كل شي يذهب وتبقى الاخلاق والسلوك

روحي لهم باليوم المحدد لج

وطهري قلبج من اي ظنون

وسولفي بمواضيع عامه

على اي فكره نصيحه لكم كلكم

نجاح اي اجتماع هو الابتعاد عن الحديث بالسياسه والامور الفقهيه

فوفو

 

[نفـــائس]

تهادو تحابو

اعزميهم بالبيت عندك

 

[miss swan]

خلج عادي وايد ناس نفسج
انا مع اهل ريلي جذي ومرتاحه
لاولاده انعزم ولا استقبال بالغصب اشوفهم
فكه اهم شي القراب وهم علاقتي عاديه
​