حاسه روحي مو على بعضي...ارشدوني

[life1]

السلام عليكم



شونكم



بنات انا صاري اسبوعين حاسه نفسي دايخه فشكيت اني فيني فقر دم


بس ناطره المستوصف يفتح


المهم هذا خلاني ما اروح امشي ولا اسوي رياضه


المهم

ادري راح تقولين ليش حاطه موضوعج اهنيه


انا من خلص الصيام ورمضان احس اني وايد متوتره وما ني قادره اتصرف عدل كل اشوي اصرخ على الخدامه

على راعي البقاله(لووول)



فالي ابيه منكم اذا تعرفون موقع للأستشارات النفسيه قولولي

فيه وااااايد مواقع بس وين الي يردوووووون


بلييييز انا محتاجه احط الموضوع اهنيه لاني ما ني قادره اتصرف وما ادري شسوي...

 

[الغاليه نونو]

كلنا صمنا وشحليلنا مافينا الا العافيه بس الظاهر انتي مظغوطه عندج مشاكل والا عيالج مأذينج شوفي يمه لي حسيتي بعصبيه لعني الشيطان علي طوول وتوضي للصلاة وصلي ركعتين وتشوفين صدرج ينشرح من فضل ربي سبحانه

غيري ديكور بيتج شغلي نفسج بشي ينفعج روحي سيري علي اميمتج كسري الروتين اللي تعيشينه منتي بحاجه لا حق طبيب نفسي ولا طبيب بطيخ

 

[life1]

انتوا ما فهمتوا مو من الصيام

انا اشوي صارتلي دوخه بالعشر الاواخر لاني ما قام اكل

اعتقد صار فيني فقر دم

بس المشكله مو الفقر دم

المشكله اني متوتره مافيه رياضه وفراغ وخمول ولوعة جبد

بمعنى اخر

متخربطه من فوق ليه تحت


بس الي يعرف موقع للأستشارات النفسيه زين خل تقووووول

 

[miss_math]

والله ما عندي فكرة

 

[z8rtia]

روحي سويلج عصير برتقال فريش ,, وبعدين ناميلج جم ساعة
وبعدين مسكي مصحفج وقعدي إقري جم صفحة ..
وبعدين إمشي شوي بالبيت دورتين بالصالة ثلاث وعقب قعدي مع أهلج =)

وماكو إلا العافية إن شاء الله .. يمكن موعد الدوره عندج؟
آنا حزتها أتخربط جذي وأتعووووووووومس

 

[كريستال ليدي]

روحي الطبيب و شوفي شنو فيج بالضبط و لا توسوسين ماكو الا العافية انشالله

 

[life1]

لا صدقوني هالمره مو وساوس انا متاكده فيه شي

يمكن فقر دم