حالة نفسية

[روان||~]

السلام عليكم بنااات

انا تييني حالة اذا طلبت من ريلي طلب ضروري مثلاً يوديني المستشفى او عند اهلي اذا عندهم مناسبة ولمن يرفض بدون سبب ابجي مامسك نفسي وعوار براسي وعيوني وخشمي ومرات ينزل دم من خشمي ابي امسك مابي اتضايق بس غصبن عني مو بيدي انا ادري انه جذي اضر نفسي بس مو قادره اتحكم في نفسي احس شعور لا ارادي فوق هذا كله طبعة يعاند يحب العناد عقلة صغير بليييز شالحل شلون امسك نفسي حاسة جذي راح اخسر صحتي ع شي ماله معنى

 

[جادل سبيع]

ماعندي غير اسم الله عليج والله يهديه وايسخركم لبعض..

 

[سمسمة كويتية]

وااااايد حساسة زيادة عن اللزوم
الي يصير فيج مو طبيعي ، اوكي تتضايقين عادي تبجين شويه عادي بس الاشياء الثانية لا
اذا ما قدرتي تتغيرين لازم تشوفين حل حتى لو رحتي لطبيب نفسي
مو زين عليج و على صحتج عيل لي صار شي جايد شتسوين؟؟

 

[*E.B.D.A.3*]

حبيبتي هذا غضب مكبوت مو عارفه تطلعينه !!
تحسين بقهر لمه يرفض بدون سبب .. بس مو عارفه اشلون تفرغين الغضب باي وسيله باي طريقه
على طول تبجين ، ويرتفع ضغطج!!
هالدم الي يطلع والصداع اهوه ضغط مرتفع !!
دربالج على روحج

لكن الي لفت انتباهي بموضوعج
انج مو حاطته بموضع ملامه ..
تبين نعطيج حل اشلون تمسكين اعصابج
اشلون انصح انسانه لمه تقول ابي ضروررررري اروح المكان الفلاني ويرد عليها زوجها "لأ" ببرود اعصاب
واقولها مسكي اعصابج هدي هدي!
الصراحه شي ينرفز ! انا الي ارتفع ضغطي الحين مو انتي :\

ماعندج مشكله نعالجها
المشكله بزوجج !!
مسكيه عدل ،، جنج تالته من اذوونه
وقوليله ، مبدأ انك ترفض بدون سبب .. مايسويها الا اليهال
انا وحده تعبت نفسيتي منك
اذا انت ماتبي مشاكل بينا .. عالج مشكله سوء التصرف مالك!
انا ليمتى اعطي اعطي اعطي وانت بس تاخذ تاخذ تاخذ
ترى الموضوع شراكه بين الاثنين!!!
انا لمه اطلب منك طلب ، فهالشي انا اسويه لان مالي غيرك بهالدنيا
مو عشان اتفقق على راسي وتقولي "لأ" ..!!


مانفع معاه هالحجي
مالج غير حل واحد
ابتري العلاقة الجنسية بينكم تماما!!!
اذا يالج ، قوليله انت تعبتني اليوم وايد ، وانا نفسيا مو قادره اعطيك هالشي لاني تعبانه منك وايد!

 

[روح مغليهاM]

شكلك حساااسه حييل
الله يهديه ويحنن قلبه علييك

 

[ام كوثر2007]

انتي قلتيها حبيبتي اشياء مالها داعي ..

كبري عقلج ولازم تعودين نفسج انه مو كل امر من اوامرج يكون كن فيكون ..


لا طبعا الريال من حقه يقولج لا وايه بالوقت اللى يناسبه اهو ..

لازم تأقلمين نفسج علي هالوضع لانه هذى اهي الحياه .

العناد كلهم فيهم عناد بس عاد انتي وشطارتج ..

مو يقولج لا وتدخلين الغرفه ويشوفج تبجين وتنزفين من خشمج بيقول انا ماخذ مرا والا ياهل ؟؟


ترا حبيبتي بس اليهال اللى يبجون علي الاشياء اذا ما نفذناها لهم ..

انتي مره وراعيه بيت وعندج مسؤوليه وبيت ورياال المفرووض تكبرين عقلج وتعرفين انه هالشي طبيعي


وروحي راجعي علي نزيف خشمج لانه اغلب اللى يتضايقون ينزفون من خشومهم خل الدكتور يعطيج ادوا يوقفه .
وما تشوفين شر ان شاءالله .

 

[فوفو22]

اتوقع تحتاجين علاج

راجعي دكتوره فوزيه الدريع

لانه علاجج ياخذ جلسات

وعلاجه سهل بالعيادات

وهي خدع العقل الباطني

فوفو

 

[سمسمة كويتية]

و بعدين انتي شايفه انه يرفض بدون سبب بس اهوا اكيد في سبب بباله بس ما يبي يقوله

 

[قموشه21]

مادري ليش تذكرت مرزوق بزواره خميس كل مايتضايق ويزعل ينزف.. اسم الله عليج حبيبتـي

ترا ياما انرفضت طلباتنا ساعتها نبلعها ونسسكت لا ونرد نسووولف الحياه تبيلها صصصبر..

انا اللي مخليني اصصبر اشوف وضع امي وامج وامها وامهاتن،ـأأ قبل شوفي شلون تحملو وصبرو,..

ماعليه حبيبتـي لازم تتأقلمين وتتعودين علي هالنمط قبل لما كنتي بنت كان رايج اهو اللي يمشي لانج تحكمين نفسج وقراراتج..

الان الوضع اختلف اختلاف كـلي.. في من يتحكم ويتصرف بقراراتج,. الحياه تبيلها شده .. وطولي بالج ولاتعصبين طووفي وريحي بالج