حالة نفسيه

[روان||~]

السلام عليكم بنات

انا احس بحاله نفسيه ريلي مرات يعاندني فوق انه مهملني فما اطلب منه الا الشي الضروري ومرات يعاند اغلب الاقوات وانا ماامسك نفسي اقعد ابجي وبعدها احس بصداع مو طبيعي ومرات ينزل قطع دم من خشمي وبعد ماخلص بجي احس بحراره بالجبهه والعيون حاسه اني راح اخسر صحتي وعافيتي وانا تفشلت من اهلي لمن اطلب منهم يودوني ويشترولي وانا عنده لمن يعاند تخيلوا لمن خلص رصيد مارضا يشتريلي وقعد يومين الخدمه مقطوعه ومافي رصيد واقوله بدق ع احد من اخواني يعبيلي مارضا شنو اسوي معاه حسبي الله ونعم الوكيل

 

[كليـ دلعـ]

دخلي اهلج بالموضووع

امساكن بمعروف

اوتسريحن باحساان

ع شنوو هالتعذيب

يا ريال يضبط حاله

ويعز مرته

والا يقلب ويهه

وفرقاه عيد

لاتسكتين

ظرووووري يدش احدد بالموظوووع

 

[نونو العصله]

خليه يحس ان وراج ظهر و سند
عشان ما يوقف عن حده

 

[@ كويتيه @]

كلي دلع كلامهاا صح

 

[ياليتهم يشعرون]

اسمله عليج اهم شي صحتج انا مع البنات خلي احد يتدخل

 

[فوفو22]

مشكله هالشباب يتزوجون

وموعارفين حقوقهم وواجباتهم

احس فيج يا صاحبه المشكله

وواجب يعرف حدود الماليه اتجاهج

الحل

تخصيص مبلغ شهري لج عن طريق تحويله بحسابك البنكي

فوفو

 

[حلمي وامالي]

الله يفرج همك بس نصيحة اهتمي بصحتك وبس لو صارلك شي لاسمح الله ولاراح يهمه الله يعينك

 

[دلوعه ناعمه]

وي بعد قلبي ليش جذي انتي ماحسيتي بكل هذا الا لانج تحبينه عدل،؟
بس اهم شي صحتج دام اهو هاملج ولايصرفج ويروح ويطلع ونتي ذابحه نفسج بجي علا شنوووو!!!
قعدي معاه وقوليله ابيك بموضوع وقولي كل اللي بقلبج بس هااااا بدوووون عصبيه ان تقبل شي حلو واذا ماعجبه الحجي دخلي احد من اهلج وان ماعجبه هالشي قوليله مثل ماقالت اختي اللي فوق " امساكهن بمعروف او تسريح باحسان "

 

[ماني من الناس]

اخذي منه مصروف شهري ثابت ومو بكيفه


هذي حقوقج

 

[شادن33]

لا بسم الله عليج لما يطلع الدم من الخشم يكون ضغط مرتفع بسم الله عليج لاتسوين بنفسج جذي
تفاهمي معاه عل المصروووف الشهري وخلاص وبال اتي امراااض وتقهرين نفسح واهو ولادري عن هوا دارج
واخوانج لو كنت محتااجه لاتاخذين ولا فلس عييييب فهميه انا بذمتك واخذ من ريلي وتمي جذيه لين يفهم
استغفر الله

 

[ابدا يالغالي مانساك]

الله يفرررررجهاا عليج
ويسخره لج حاولي تفهمينه بالهداوءه وخوذيه بالتفاااااهم
وان مافاااد ضروري تدخلي احد من اهلج
ولا تتعبي نفسيتج جذيه الازم ماعليج راحتج وصحتج

 

[some one waw]

لازم يحس الريال بالخطر اذا قصر مع مرته

يعني يخاف من ربه من أهلج من محكمة

دايم ذكريه بهالشي

 

[ام كوثر2007]

اللى تقووول دخلي اهلج بالموووضووع عشان يخاف

برد واقولكم اللى ما يخاف من الله بمعاملته مع زوجته عمره ما راح يخاااف من احد


هذا ربه ما خافه فيها تبينه يخاف من اهلها يعني ؟


علي العموم حبيبتي من حقج تطلبينه مصرف شهري بس كلميه بهداوه شكلج توج متزوجه وعشان جذى اهو للحين مو عارف واجباته معاه

صبري عليه راح يتعدل باذن الله كلهم بالبدايه جذى عديمين المسؤوليه .

 

[^_^ Coco Chanel]

الله يعينج

 

[Patcholli]

اتوقع انه مو حاط اعتبار لاهلج والدليل انه ماعارف يصون بنتهم اللي اهي انتي ..
هالانسان ماراح ينفع معاه التفاهم لازم احد كبير يحاجيه باسلوب حاد وجاد وفيه شوية تخويف وتهديد غير مباشر ..

مو كلشي يمشي بالطيب لازم يكون في جديه وتخويف خاصه بهالامور اللي اهي من اهم حقوقج المهضومه

 

[..الزيــــــــن..]

حاولي تتفاهمين وياه واذا ما فاد دخلي احد كبير يكلمه ويقوله

خل يخصص لج بالشهر مبلغ خاااص مصروف لج غير مصروف البيت

الزواااج مسووولية مو بس لعب ومادري شنوو

وعسىى الله يهدييه ويسخره لج ويوفقكم

 

[ام زهقانه]

نفسكلام البنات خلي ابوج يكلمه

 

[croshet]

الله يعين عل رياييل هالزمن ما يخافون من ربهم آآآخ يا ويلهم

 

[الحلوه معاكم]

السلام عليكم بنات
طبعا ثير منا يعرف موقع روعة السعادة الزوجية النسائي
الى اصلح كثير من الامور الزوجيه والاسريه وحل اكثر المشاكل العامه والخاصه
مابي اكثر عليكم بالكلام بس ابي اطرح لكم رابط المنتدى حق لى ماتعرفه

ومحتاجه لحل مشكلتها الزوجيه او الخاصه او العامه
والتثقيف الزوجي بكل اموره ​

اضغطي هنـــــــــا روعة السعادة الزوجية النسائي​

 

[Rose-Qatar]

الله يعينج