حالتي مب طبيعـية هل تستدعي د/ نفسية . ؟

[:: COCO ::]

السلام عليكم ورحمة الله وبركآته


يمممككن البعض مايشوفها مشكله كبيرررره بس انا متأززمة وابي حل



بنات مشكلتي اني اتوتر بشكل مو طبيعيييي فوق الطبيعي

في حالات ماستدعي الناس يشوفونها عاديه اما انا لااااا

مثال بسسيط اذا رايحه ازور ناس اتوتر واحس قلبي بيطلع شفتو شعور الوحده لما ادش ع زفتها ؟ بالقاعه انا جذي احس بيغممى علي مع انه الموضوع عادي جدا

حتى فالبرزنتيشن
فالاعراس

احس بكتمه فصدرري ضيق مو طبيعي ضييق ضضيق فصدري مغمووووته
احس قلبي بيطلع من مكانه دقاته قوووويه :bbbiu: مع انه مافيني شي ولا خايفه من شي ولا في اسباب تخليني اتوتر بس جذي يصير معاي دوووووم

انا تعبت وابي حل هل مشكلتي تستدعي اني اروح لطبيبه نفسيه ؟



واشكركم مقدما

 

[Beautiful soul]

لا احس عادي يمكن توترين بداية القعدة وعقب اول 5 او 10 دقايق يروح التوتر صح ولا لا ؟؟؟!!!
انا مانصحج تفكرين بتفكير ان دكتورة نفسية ومادري شنو ترى عادي يمكن انتي ماتطلعين او تختلطين بالعالم وااجد فتحسين بهالشي
مع الجامعة والوظيفة ان شاء الله بتغييرين 360 درجة

 

[نونه المنكوشه]

اذا هالشعور يستمر طول الزواره او طول المكان اللي انتي فيه الافضل راجعي دكتور اما اذا بس بدايتها ويروح لاماله داعي وحاولي كله اتسوين ريلاكس حتي وانتي موجوده بالمكان اللي متوتره فيه رخي اعصابج وحاولي تنسين اللي موترج وانا اذا بروح عرس وله عزيمه امي اتخرشني هههههه ف اتوتر واحس اني اركض من داخلي بس اركب السياره ارخي اعصابي واقعد استغفر وربي كل شي يتلاشي

 

[عـيّــآره]

رهاب اجتماعي اشوف انه يستدعي استشاره لانه شي يغث ويقلق رفيجتي مثلج ووايد يتعبها هالشي اتوقع انج

وااااايد حساسه بعد​

 

[نونا**]

اكو دورات يعلنون عنها للرهاب الاجتماعي وتقوية الثقه بالنفس ترا احنا بالعالم العربي نستخف بهالشغلات مع انه بالغرب فرض عليهم يدخلون هالدورات خصوصا للوظائف العاليه والمهمه والمراكز المرموقه

انا الصراحه بدخل دوره للدكتور طارق حبيب وقاعده اتابع الدورات اللي قاعده تنطرح

 

[قصْر شآمخ~]

طلعاتج قليلة ؟!

ترى ممكن إنه بسبب قلة تواصلج مع الناس وعلاقاتج الاجتماعية ..

 

[:: COCO ::]

أِشكر كل وحدة ردت عالموضوع


وعموما انا صج احس فيني رهبة اجتماعية بالذات لما اختلط بالناس صج ماحب احتك فيهم احب انعزل بس احب اقعد واسولف مع الناس القراب مني وايد واحبهم غير جذي ماحب وما ارتاح


يعطيكم العافية والله يبعد عنكم كل شر ومكرووه ..

 

[M!SS.LOBY]

يا قلبي ما تشوفين شر يالغالية ما فيج الا العافية

بس عندج مشكلة وحدة ما عندج جرأة حيل

تحبين تسولفين حق ناس معينين فقط فهذا غلط

لازم تكون عندج جرأة كافية مع الكل وتتعودين عالاماكن الاجتماعية ومثل ما قالو الخوات لان طلعاتج قليلة

 

[ليدي بجد]

اعراض رهاب اجتماعي. بسيطه انشاء الله بس لااااازم تروحين دكتوره

 

[ظبية بوظبي]

مالها داعي تروحين. لمعالج نفسي
قبل كم يوم قريت دكتور يقول في نقاط تضّغّطينها في جسمج قبل ما تطلعين لناس بتوخر عنج كل هالتوتر. عالج ناس كثار وبكل بساطه
بس مشّكلتي ما خفظّت اسم هالتكنيك

وبعد نفس ما قالت قصر شّامخ .. قله احتكاكج بالناس تكبر من هالمشّكله
أنا قبل كنت اخاف وتوتر حتى لطلعت السوق
لكن مع العمر نرتاح من هالمشّكله لان عدد رصيد طلعاتنا كفيل بحل هالمشّكله

 

[ظبية بوظبي]

مالها داعي تروحين. لمعالج نفسي
قبل كم يوم قريت دكتور يقول في نقاط تضّغّطينها في جسمج قبل ما تطلعين لناس بتوخر عنج كل هالتوتر. عالج ناس كثار وبكل بساطه
بس مشّكلتي ما خفظّت اسم هالتكنيك

وبعد نفس ما قالت قصر شّامخ .. قله احتكاكج بالناس تكبر من هالمشّكله
أنا قبل كنت اخاف وتوتر حتى لطلعت السوق
لكن مع العمر نرتاح من هالمشّكله لان عدد رصيد طلعاتنا كفيل بحل هالمشّكله

 

[أم خشم]

يقولج اللي ينصحج تروحين طبيب نفسي هذا ما يحبج ولا يبي مصلحتج لان الطبيب النفسي راح يوصلج لمراحل انتي بغني عنها و راح يخليج مدمنة
انا نفسج اول كنت اعرق و ريقي ينشف و ما اعرف اتكلم ولا اعبر لكن لما قمت اطلع و اختلط مع الناس و اسولف راحت هالحالة بروحها و بعدين كل البشر فيهم هالحالة لجن كل واحد يتغلب عليها او يخفيها بطريقته الخاصة فيه تبعا لشخصيته
فلا تدخلين نفسج بمتاهات الطب النفسي لان هالشي طبيعيؤبس تحتلف درجته من شخص لاخر
والحل بالثقة بالنفس و الاختلاط بالناس وبس

 

[dalo0oa121]

انا مثلج بس بطلعاتي كلها

 

[M!SS.LOBY]

مالها داعي معالج نفسي شئ بسيط

 

[ورد الفلا]

لا ماتحتاجين والامور الي كتبتيها وايد ناس يمرون فيها بس انتي مزودتنها شوي خخخ
اولا عليج بالمداومة على الاستغفار وقراءة القرآن الكريم لانه فيه راحة للنفوس
وشي ثاني زيدي من ثقتج بنفسج وركزي على ايجابياتج وامدحي عمرج
سوي شي عمرج ماسويتيه من قبل مثلا تركضين نص ساعة بالحديقة لان هالشي بيعطيج ثقة ونشااااط
موفقة

 

[أحلى البشر]

في شي اسمه دكتوره نفسيه ________> تعالج بالعقاقير ماتحتاجينها هذي للحالات القويه

في شي اسمه اخصائيه نفسيه _______>تعالجج بالجلسات تروحين لها تشرحين حالتج وتعلمج شلون تقوين ثقتج بنفسج وتتخلصين من الرهاب واعتقد انج محتاجه لاخصائيه او اخصائي نفسي

 

[معزوفة عشق&]

عادي حبيبتي روحي لدكتور نفسيه واطرحي مشكلتك بالرغم من انها مو ذاك الزود كبيرة
بس عشان تطمنين وصدقيني بترتاحي ان شاء الله