حامل بالثالث ومنتفخه حدي!

[q8 knosha]

السلام عليكم....​

بنات حااابه افضفض لكم :eh_s(11):​

انا الحين كملت 3 شهور بحمالي​

بس قاعده اكل بشكل موطبيعي نساتي كانت بس او شهر وبعدين ما ادري شلي صار فيني !!!!!!!!!​

انا مستغربه من وضعي يعني الحين لي ثلاث شهور وانا لبسي كله مو قدي! تخيلو الا جم قميص بس اللي للحين صامدين​

حاولت اسكر حلجي بس المشكله موجذي​

بنات اتغدا وبعدها بثلاث ساعات اربع ساعات جذي ايوووع حيييل​

بطني يقعد يحرقني من اليوع .. تعرفين شلون جنج قاعده من الصبح ومداومه والظهر راده البيت وموماكله شي شلون بطنجج عوار جذي يصير فيني ولا جنه قبل جم ساعه ماكله​

وما اقدر لازم اكل ​

ولما اكل صايره اكل اكثر من اكلي الطبيعي قبل يعني اول ما اكمل وجبتي او صحني لا الحين اخلصهم :eh_s(2):​

بحمالي الاولي اول 3 شهوور نساااة وما اكل شي ضعفت وتالي بديت امتن بالخامس السادس بين علي المتن​

اما الحين من الثالث متفوخه بشكل موطبيعي جني بالخامس!​

خااايفه واحاتي لين اوصل التاسع شبصير!​

انا بحمالي الاولي وزني كان 62 صار 82 يعني زدت 20 كيلو بس الحمدالله قطيتهم كلهم​

فقاعده اقول اذا انا الحين من الثالث انتفخت عيل جم بزيد لين التاسع؟؟ :eh_s(11)::eh_s(11)::eh_s(11)::eh_s(11):​

فياريت اللي تعرف دايت حق الحامل او امممم شي يسد الشهيه
او دكتور او دكتوره حق هل مشكله يعني يعطوني نظام غذائي او حبوب​

تساعدني :eh_s(2):​

 

[sosowaty]

وعليكم السلام للاسف ما عندي فكره



ماحبيت اطلع بدون رد

 

[جمالي مو صج]

والله مادري ياقلبي

بس عموما اغلب الحوامل جذي بسرعه نيوع مادري شسالفه

 

[كويتية^_^كول]

لووول انتي نفسي انا اصلا اول حملين ماكان يبين اني حامل
وخفيفه ماتعبت الا اول ٣ شهور بالنساه
اللحين الحمل الثالث نفسج فبشري خير ؛)
بالتاسع ماقدر أتحرك واللبس الله لايوريج تعبت وانا كل مره واغير مقاس ملابسي من شهر ٣ كنت اغير واضايق احس بختنق سواء الداخليه ولا الطلعه
بس دربالج علي اكلج لاتصيرين مثلي لانه من دشيت السابع انتفخت اكثر وقالولي الماي زايد
مادري عن الدايت بس لو في حق حامل ومايضرج ولا يضر الجنين صراحه انصحج تسوين ولا بعدين تتعبين

 

[om la6ofa]

الله يعينج مسكي نفسج اكلي اكل مو مطبوخ بين الوجبات فواكه خضرة

 

[فـراوله]

عشان تضمنين ما تنتفخين وايد ابعدي عن أكل المطاعم و أكلج بالبيت
خليه صحي وزيت خفيف اذا جعتي بين الوجبات عليج بالخضره والفاكهه
بجذي ما راح تمتنين وايد



​

 

[mi corazon]

حبيبتي وخري عن الفاست فود وقللي دهون واعتمدي عالخضره الخضرة والسلطات لان منها تفيدك وتقويج ومنها تفيد البيبي لان الحين قاعد يبني العظم عنده

واللي تاكلينه يروحله

الله يتمم عليج

 

[فرفشه منعنشه]

عادي حياتي حالتج نفسح حالتي بطني تتقطع من اليوع ومن اكل يمسكني مغص واقوم وبعدها بنص ساع يرجع الم اليوع وحييييييييييييييييييييييييييييييييييل ضعفت وانا توني دخلت اول الخامس والنساه للحين مستمره وتعباااااااااااااااانه حيييييييييييييل
​

 

[ELFAD3Ah]

نفس الحاله الله يعين

 

[موكا لاتيه]

هاذي الحماله الله يعين

 

[q8 knosha]

تسلمون بنات ماقصرتو بحاول اخلي اكلي فاكهه وسلطات اكثر

 

[كويتية بروما]

الله يتمم حملج على خير يارب

حاولي تاكلين صحي

وخري عن الوجبات السريعه والكربوهيدارات وخلي اكلج كله بروتين لحم دجاج مشوي وبيض مسلوق هم الياهل يكبر وهم مايزيد وزنج

مو شرط وزنج يزيد ترا مع الحمل الجسم يحبس ماي

انا من اولد اقط 10 لي 13 وزن الياهل والماي حتى خواتمي وساعاتي تضيييج

وكلي امرج لله الله يحفظج انتي وجنينج يارب

 

[om . alzeen]

استشيري دكتورتج تنصحج احسن

سامعه انا عن حمية للحوامل بس اذا كان متنج غير مضر لج وللياهل اشوفه عادي كله يروح بعد الحمال بذن الله وبعزيمتج

 

[q8 knosha]

مشكورين حبايبي

ايه ناطره موعدي وبشوفها

 

[طيبة83]

مبروووك الحمال كنوشا

لا تحاتين هذي بس الهرمونات تخليج تفكرين

ما نصحج تسوين دايت

بس ركزي ع الفواكه والخضروات والسمك وايد مفيد حق الياهل

 

[aloooya]

سالي دكتورتج احسن

 

[ملكه الحطب]

يماااااااااااا الله يعيييييييين

انا بعد نفسج

 

[bubble.gum]

شوفي انا الله يسلمج مسويه دايت كير بس يدرون اني حامل ..
واثقل وجبه اييبونها لي العشا اللي انغث ما اقدر اكل ..
الحمدلله وزني ثابت ما تغير ...
بس انا مو شهريا راح اشترك لانه امل ...
انا جذي سويت شهر اي شهر لا ..
الشهر اللي بدون اشتراك انا اسوي اكلي بروحي نفس الكميه الي كنت اكلها وانا بالدايت ..
كله ستيكات ودياي مشوي وخضار المسلوقه ...
ابتعدي ان البطاط والخير .. في بالجمعيات رقائق النخاله في نكهتين بالزعتر والكمون يهبل بدال الخبز..
اسوي لبنه وزعتر وشوي زيت زيتون واكله معاه الرقائق.....
او اسوي سلطه ومعاه هالرقائق لانه تشبع .....
او اسوي جبده حمسه وهمن معاه هالرقائق ...
العصاير ما اشربها كللش فيها سكريات .. الا اذا انا اسويه فرررش مثلا الفراولة او عصير التفاح او جزر تكون وجبه خفيفه
كثري من شرب الماي بس مو بطول الماي لانه في املاح راح تنتفخين ..
اذا كنتي يوعانه حطي جدامج صحن خيار وخس وبفدونس وعصري عليه ليمونه يا حلاته وااايد مفيد ..
الحلويات اكلي كتكات وبس هههههه
الملح انسييييييييييييييييييييييه عشان ما ينحبس الماي بجسمج ..
وبس ان شاء الله فدتج

 

[virgo88]

الله يتمم عليج حبيبتي