حامل بالخامس والبيت فيه مصابين بالعنقز

[كاروهات#]

السلام عليكم ،،
انا حامل في اول الشهر الخامس والبيت فيه جهال حايشهم عنقز
وانا جاني العنقز وانا صغيره وخلاص
الحين يقولون لازم تبتعدين لانه يضر الجنين لا سمح الله ؟ مادري صح ولا لا؟

 

[ام مهاوش]

ماكو الا العافيه انا توني والده ولما كنت حاول وتوني داشه الرابع بنتي حاشه عنقز ورحت حق ثلاث دكاتره سألتهم كلهم قالولي اهم شي يكون حايشج وانتي صغيره بس الخطره انه مايكون صاير فيج قبل لاتحملين
لاتحاتين ولا شي

 

[أحلى عيون]

اختي انا كنت حامل بالرابع وعيالي اسم لله عليهم ثلاثتهم مصابين بالعنقز والدكتور يقولي مايصيبج شي الحمدلله لانه كان فيني العنقز يوم كنت صغيره

والجنين سبحان الله ياخذ مناعه من العنقز

 

[Q 8 Y A t]

تأكدي من دكتور


لانه صديقتي تشوه الجنين

بس مااذكرر هل هي جاها العنقز وهي حامل او اللي حولها

 

[روحي ابوي]

لا تحاتين حبيبتي ماعليج الاالعافيه مرت اخوي ياها العنقز مع عيالها والحمدلله ماضرها توكلي على ربج وحاولي تحطين بمرش فاضي ماي وكلونيا وترشين دارج وملابسج واذا قدرتي جسمج بعد لأنه مثل المعقم جذي قال الدكتور لمرت اخوي .
موفقة

 

[nadoo]

سلامتج بس لا تقربين عليهم لا بالمس والتنفس عشان الفايرس وهوي البيت كل يوم عشان الفايرس يكون معلق بالهواء وما عليج غير العافيه