حامل بالشهر السابع و وزن البيبي !!!!

[MONY--87]

صباح الخير بنات

مابي اطول عليكم بس حبيت استفسر عن شغله او انكم تفيدوني

انا الحين حامل بالشهر السابع و بعد عشر ايام ادخل الشهر الثامن

بس مشكلتي انه معدل نمو البيبي اصغر باربع اسابيع يعني تقريبا اصغر

بشهر من الطبيعي بس مو اهني المشكله .....

المشكله انه وزن البيبي بس 500 غرام يعني حتا كيلو ما كمل و ماني

عارفه شسوي و حدي خايفه ....


بنات عفيه ابي اي طريقه عشان البيبي يكبر لو عالاقل يوصل وزنه كيلو

و ابي اعرف اذا ولدت و اهوا بهالوزن لازم يحطونه بالشيشه ولا عادي ...

و الله يتمم عليكم و يرزقكم بالذريه الصالحه المتعافيه يارب ...*​

 

["GloRia"]

هذا حجي الدكتور ... قالي علشان يزيد وزن البيبي ..
أول شي بعدي عن المشروبات الغازيه والجاي والقهوة ..
وأكل المطااعم .. والحلاو و الخرابيط

.. وقالي عليج بالتمر والحليب اهم شي والفواكه والخضرة واللحوم الحمره والبيضه والفوول سمعت انه يكبر البيبي والمكسرات وايد زينه للمخ الياهل

 

[MONY--87]

مشكوره حبيبتي

 

[MONY--87]

بنات اشدعوه بس رد واحد

 

[آهات الليل]

رد : حامل بالشهر السابع و وزن البيبي !!!!

انا بعد بنتي اقل من عمرها بشهر نفس حالتج ووزنها يضحك
اكلي تمر ولبن وفواكه واشتري حليب سستاجين من الصيدليه شربي يمتن البيبي بسرعه>>انا ماجربته لان انا ماحب الحليب ولا يمكن باي لحظه اولد وعلى الله

 

[ZajiL]

وايد وزنها صغير المفروض على اخر السابع مابين كيلو ونص وكيلو 900

حاولي تكثريييييييييييييين بروتين مثل لحوم دياي سمج
الحليب ومشتقاته بيض وان شاء الله يكبر البيبي
واكيد اذا ضل عل هالوزن لاز حضانه لانه ماراح يتحمل الجو الخارجي بهالوزن
بس ان شاء الله ليه التاسع يكبر ومايحتاااااااااج

 

[MONY--87]

مشكورين بنات عالردود

 

[Smarties]

إن شاء الله يكبر البيبي و تولدين بالسلامه

 

[غنوة ستايل]

الحليب ـ الموز ـ التمر ـ الكشمش ( زبيب )

هم اللي يكبرون الطفل انا مجربتهم مع حملي لاني كان وااايد صغير اصغر من عمره بشهركامل . وسبحان الله
يوم ولدته وزنه حلوو

 

[angel_soul_1989]

رد : حامل بالشهر السابع و وزن البيبي !!!!

الله يسهل عليج يارب ،،،
حبيبتي واااايد صغير الحجم كثري حليب ولبن ونشويات وعسى الله يرزقج بالطفل السليم ...
اذا وزنه ساعت الولاده اقل من كيلووووين لازم حضانه ...وان شاءالله ماتحتاجينها

 

[a7la wa7da]

أمبي آنا مثلج وميته من الخوف :0bee2e8d89:

 

[سموره 87]

واي حياتي وايد صغيير
جربي اللي قالولج عنه البنات وان شالله ماتوصلين التاسع الا وزنه طبيعي

 

[غلاي غير]

حليب كامل الدسم مع تمر
وجربي الحليب الي بالصيدليه يمكن ينفع معاج واكلي فيتامينات

واخذي الزبيب الكشمش الاسود اعتقد يمني وااااااااااااااااااااايد زين وااااااااااايد
والعنب والموز


وااهم الاهم شربي ماي زمزم قه لان استغفر الله حتى ماي زمزم يغشون فيه
وانتي تشربين ادعي ولازم تكونين واااااااااااثقه ان الله يستجيب لج وشربي لان ماي زمزم لما شرب له

انزين الدكتوره ماقالتلج ليش اصغر من عمره هل التبويض متاخر او المشيمه ماتغذي عدل

 

[nezgha.85]

نصيحه اكلي تمررر وايد زين وعن تجربه وعسى الله يسهل عليج حملج وولاتج وتفرحين بضناج بصحه وعافيه

 

[روعة خيال]

كثري حلا و تمر و لبن و بيض و فول

و دسمي بالاكل

و شربي جاي حليب ترى يكبر البيبي

 

[أوكسجين]

كثري تمر حبيبتي

 

[MONY--87]

مشكورين عالردود

و للاسف مو عارف السبب و خاصه انه انا من بدايه حملي انا اخذ البيبي اسبرين و ابر انوهيب مسيله للدم عشان حتا لو المشيمه فيها شي هاذي الابر تساعد علا تغذيته

 

[لولوه1]

رد : رد: حامل بالشهر السابع و وزن البيبي !!!!

شوفي اكلي كاجو وااايد وشربي كل يوم لتر حليب ولا تقولين واايد سمعي نصيحتي
وكثري بقوليات وجرجير كل يوم وبأذن الله وزنه بيصعد ابسرعة وبعد اسبوعين روحي شيكي شوفي وزن البيبي وقوليلي
انا امي كانت ما تجيب البيبي اقل من اربع كيلو وانا امشي على نصيحتها
صح نسيت اقولج الفلفل الاخضر عجيب
انا بجريه واسمع امي

 

[الصعيريه]

رد : حامل بالشهر السابع و وزن البيبي !!!!

عليج بالتمر والمكسراات والخضراا
وكثري أكلج

وإن شاءالله تولدين بالسلامه وتفرحين بشوفته معااافى..

 

[DaLaL_Q8]

الله يسهل عليج ان شاء الله
والله انا نفسج بنهاية السابع موعدي السبت مادري جم وصل وزن البيبي
بس مثل ما قالوا البنات
التمر و الحليب و اللحم و الدياي كثري منهم
بس ماسألتي طبيبتج ليش البيبي وزنه جذي ؟
وماصرفت لج شي تاخذينه ؟!