حامل بتوأم وحيل خايفه من الولادة تعالو قولولي قصص ولادتكم عشان ارتاح شوية

[كوب كابتشينو]

السلام عليكم ورحمة الله وبركاته
انا بفضل من الله سبحانه حامل بتوأم وبالشهر السابع وحيييييل خايفه من الولادة:denya: ولا قادرة اتصور شلون راح تكون بالتوينز:gr4uu: انا عندي ولد الحمدلله ربي يحفظه لي والحين بالتوينز ربي لك الحمد والمنه
بس حيل حيل خايفه من الولادة والدكتورة مطمنتني ان ان شاالله باذن الله راح اولد طبيعي وتقول شكلج باذن الله راح تولدين بالتاسع وطبيعي عسا الله يسمع منها يارب
بس ابي منكم شي وطالبتكم طلبه عفية الله يخليكم ياامهات التوام قولولي قصص ولادتكم حتى لو مو طبيعي قوللولي شلون الولادة فيهم وشلون على النفاس معاهم عفية سولفو علي ترى قاعده اكتب وانا ميته ميته بجي من الخوف ماادري شفيني كله احاتي الولادة انا الحمدلله خلصت تجهيزي حق النفاس وكل شي بس ابيكم تقولول يعن الولادة الله يريح بالكم يارب واللي ماودها تكتب قصتها بالموضوع تقدر تدزلي اياها بالخاص وانا واله وعد ماراح اقولها حق احد بالامنتدى

وعذروني اذا ضايقتكم بموضوعي بس ترى جدجد ماتدرون شكثر خايفه واحاتي
وانا دكتورتي عالية الفضلي:wqedqw: وناوية اولد اذا الله سهل بدار الشفا ان شاالله​

 

[كوب كابتشينو]

كلمة ولو جبر خاطر

oster_av1:

 

[غــلآ]

رد : حامل بتوأم وحيل خايفه من الولادة تعالو قولولي قصص ولادتكم عشان ارتاح شوية

حبيبتي والله
االله يسهل عليج ان شاء الله يارب وتقومين انتي وياهم بصحه وعافيه ان شاء الله

ولا تحاتين ياقلبي رب العالمين لو مايدري انج قد هالمسؤوليه وقد انج تتحملين الالم خاصه انهم توام ونفاس وجذي

جان ماعطاج هالنعمه لان سبحانه مايكتب لنا الا الشي اللي فيه خير لنا


وعساها ان شاء الله تكون من ايسر الولادات عليج

 

[ام عفاف الكويت]

:hjy5jewf:

حياتي والله الله يهون عليج ويسهل عليج يارب
وتولدين طبيعي ان كان مافي اي مشاكل
وتبين الصج يقولون الحكومه صباح افضل الولادات والعنايات بالتوينز
وماشاء الله خواتنا من تجمع التوائم شوفيهم حبيبتي ماشاء الله
والله يرزقني بالتوائم واستشيرج عااد حزتها مو تخليني لووول << تتحلم
وديري بالج لاتفكرين وايد ولا تتسرعين دايم ارتاحي استخيري
ترى اجمل الاوقات قبل الولاده اما بعد الولاده واااااق ووييييييييق وصراخ سواء واحد او اثنين
والله يحفظهم ويخلي لج وليدج بعد

 

[احب المنتدى]

رد : حامل بتوأم وحيل خايفه من الولادة تعالو قولولي قصص ولادتكم عشان ارتاح شوية

الله يسهل عليج ان شاء الله

انا اعرف كذا وحده بس قيصريه
و همن اعرف اكثر من وحده طبيعي يقولون عاااااااااادي جنج حامل بوااااحد يعني الولاده عاديه مثل ولادة طفل واحد بسسسسسسسسسسسس

بطلعة الرااس لا يطلع الاول و تحسين بطلعته و الثاني تحسين بطلعته بعد

بس ما يزيدون لج الكمام لانهم يخافون تنامين و ماتدفعين معاهم

الله يتمم عليج و يسهل عليج يااااااااااااااارب

و بالنسبه للنفاس مالج الا تجيبين سستر:rerrerek:

 

[درة أهل الطولات]

رد : حامل بتوأم وحيل خايفه من الولادة تعالو قولولي قصص ولادتكم عشان ارتاح شوية

سهالات ان شاء الله

 

[Q.8.h.2]

انا حماتي يايبه توام

الولاده العوار اهوا واحد بس لما ينزل الاول يرجع لج عوار الطلق لان ليحن في بعد واحد والوقت يفرق سبحان الله من شخص لشخص متى ينزل الثاني اهيا فرق معاها عشر دقايق بينهم ووالده طبعا طبيعي وكل شي طبيعي وبالتاسع

طبعا النفاس اكيد تحتاجين مسااعده دبل الواحد نوعا ما لان احنا لين نرضع واحد ونومه واحيانا مغص يمسكه فراح يكون هالشي حق اثنين والله اعلم فاذا عندج خواتج يساعدونج وااايد زين وتالي اذا رديتي البيت هم وضعج يختلف عن اللي يايبه واحد لان تحتاجين تغيرين حق اثنين وترضعين اثنين

بس لاتغلطين غلطة حماتي هههههههه كان وقتها واحد منهم مريض وتعطيه مضاد عطت السليم وتركت المريض بجرعة من الجرعات وتالي انتبهت هههههههههههههههه لانهم يتشابهون حيل

والله يتمم عليج وبارك لج ولاتنسين حبوبه حصنيهم داااايما الصبح والمسا وخصوصا اذا دريتي ان في احد بزورج لاتنسين هذا اهم شي الناس عيونها ماترحم مع ان انتي تكونين تعبانه معاهم بس اهما مايحسون بهالشي وعندهم التوام شي والله يحفظم لج يارب وبارك لج فيهم

 

[Q.8.h.2]

واعرف وحده ثانيه يايبه توام بس ولدت قيصري بمستشفى لندن عطوها ابرة ظهر وشقو بطنها واهيا واعيه وامها تصورها ههههههههههههه ويابت ولد وبنت وطبعا باطفال انابيب يابتهم ونفس الشي مابي اخرعج بس تعب خصوصا لما تردين البيت لان اثنين يمكن يبجون بنفس الوقت تسكتين هذا ولا هذاك وكانت تسولف لي مسكينه تقول تخيلي ينامون الولد يحى ويبجي وقعد اخته وصيرون اثنينهم يبجون هذا تالي

لكن سبحان الله اول مايشيلون روحهم شوي المعاناة هذي تنسينها اهيا الحين عمرهم الله يحفظم اربع سنوات والحين مرتاحه حماتي عيالها عمرهم الحين 21 سمه الله يحفظهم

والله يتمم عليج يارب وكونون هااادييين وماياذونج وترتاحين ويسر لج امورج ونسمع قصصج معاهم ههههههههه

 

[Q.8.h.2]

ياااكثر بدلياتي هههههههههه

 

[الفنانه79]

رد : حامل بتوأم وحيل خايفه من الولادة تعالو قولولي قصص ولادتكم عشان ارتاح شوية

السلام عليكم
اختي انا بجري كانوا توأم وولدتهم فيصريه الحمدلله بالصباح

ماكو الا العافيه بس تربيتهم تعب ولازم يكون احد بالنفاسً معاج يساعدج عليهم لان راح يبجووون مع بعض فراح تتدودهين

او ان اتنظمين وقتج اتعرفين وقت رضعتهم قبل لايبجوون اتشيلين واخد على صدرج وترضعينه من صدر

وبعدين اتشيلين الثاني واتحطينه على صدرج الثاني وترضعينه

بس لاااازم احد معاج يساعدج ماراح تقدرين ابروحج

ولله تربيتهم تعب بس عااااادي والله ايونسووووون وايهبلووون انا الحين اعيالي اكبرواااا صاروا بالابتدائي كل مااشوف صورهم اظحك واستانس عليهم

بس وااااااايد جاهدت علشان اعدل نومتهم وانسق بين رضعتهم علشان مايبجووون مع بعض ويدودهووووني

وسلامتج

اييييي ملاحظه مهمه ان انا لما ولدت بالصباح مايخلووون البيبيات عندهم وقت الزياره اييبونهم عندج وتخيلي جدام الناس اللي يزورووونج لا لا وايد تأذيت وياتني عين قويه الصراحه

فإذا ان شاء الله كملتي التاسع وقالتج الدكتوره ان صحتهم زينه وماعليهم خوف نصييييحه اولدي بخاص وارتاحي

وسلامتج

 

[كوب كابتشينو]

مشكووووووووووووووووووورين ماقصرتو
على الاقل قاعده اشوف واتخيل وضعي بالنفاس والولادة لانني ماابي انصدم
ماقصرتو والله يوفقكم يارب

رفع اللي عندها قصه تقولها حقي

 

[داريني]

انا ولدتهم قيصري باول يوم تاسع و بالنفاس كل شي دبل تعب

 

[كوب كابتشينو]

مشكورة على الرد داريني بس ماقلتيلي شلون عرفت يومتى عرفت يان لازم قيصرية وعندج عيال من قبل والا اهما بجرج ؟:wqedqw:

 

[@ دهن العود @]

عااااااااااااادى يا قلبى ليش جذى خايفه هذا وانتى مو بجر ههههههههه

انا بجريه والحمدلله عاااااااااااادى

شوفى يا قلبى نصيييييييييييييحه اذا توامج اثنينهم راسهم تحت باذن الله طبيعى

بس اذا واحد عكس الثانى نصيحه اختصرى وخليهم يولدونج قيصرى وافتكى

انا عكس بعض ودكتورى من اول حملى قايلى قيصرى احسن لى بس عاندت ورحت حزت الولاده قالوا خلاص بنحاول فيج طبيعى ولا قدروا واخر شى سوولى قيصريه :s141:

بس والله سهاااااااااااااااالات
التعب صج اذا كبروا شوى وبدوا يحبون

تحسين ودج تقطعين نفسج نصيين لهم

كل واحد يبيج له يبيج تلعبينه وتشيلينه وتاكلينه وتلبسينه واذا احد ساعدج ومسك واحد منهم تشوفين نظرته لج جنه يقولج ماما ليش تسويين لخوى وانا لااااااااا:s141:

انا اهنيه صج اضااااااااااايق :denya:

 

[كوب كابتشينو]

ماقصرتي يادهن العووود

 

[ميار2010]

رد : حامل بتوأم وحيل خايفه من الولادة تعالو قولولي قصص ولادتكم عشان ارتاح شوية

الله يتمم عليج ويسهل عليج وتفرحين فيهم اميييييييييين

 

[فيلسوفة كويتية]

رد : حامل بتوأم وحيل خايفه من الولادة تعالو قولولي قصص ولادتكم عشان ارتاح شوية

الله يتمم عليج وتقومي بالسلامة انت والي ببطنج

 

[دآنة آلرشآيده]

الله يتمم عليج
وتقومين بالسلامه

 

[ياسمين العمري]

الله يسهل عليك يارب .
انا مرت عمي ماشاء الله .. ولدت ثلاثة طبيعي واهي بكرية ..
لاتحاتين الله يسهل امورك

 

[shai5at al3arab]

الله يسهل عليج ويقومج بالسلامة يارب

صج التوأم تعب بس التعب الحلو

ما يخالف اتعب بس على شي حلو ويستاهل