حامل بس أنيقة و ع الموضة

[العذبة]

*يومكم سعيد يا حوامل 2011-2012


بنات نبي نسوي موضوع عن أناقة و ستايلات الحوامل ،،، يتضمن كل شي يتعلق بالملابس ، الاكسسوارات، الهبات،الشعر القصات والصبغات ،،المكياج، العناية بالبشرة و الجسم بالاضافة للأنظمة الغذائية


اشرايكم بالموضوع ؟؟؟

ما ادري اذا مكرر او لا بس إحنا محتاجين حق استايلات جديدة تمشي مع كشخة هالايام


يالله خلونا نكشخ بعض

​

 

[beauty rose]

يعطيج العافيه عالموضوع
والله ودي افر السوق فرررر و ماخلي شي مالبسه
بس المشكله الوحده تحرك شوي وتصير فيها بلاوي تحسف على روحها
خاصة الدكتوره مانعتني من الفراره

لو التاجرات يبيعون ملابس حوامل يربحوون لوول

بالنسبه لشعري كله اسويه مسشور ناعم و مرات اسشوره بس من جدام
و اللي ورى يصير مموج
و المكياج ما اكثر صايره مالي خلق الشدوات
بس كريم و بودر ارسم حواجبي و اكحل عيني و مسكره وحمره فاتحه

و العطور ما ارشرش وايد اخاف يصير فيني حساسيه ولا نشله لوول

و الجسم بدا يتشقق و يسمر و احس اني واقفه اطالع نفسي مو عارفه اسوي شي
استسلمت للامر الواقع


مشكووووره حبيبتي عالمووضووع الحلو
و ان شاء الله بكون متابعه معاكم

 

[العذبة]

نبي مساعدة بنات قسم الموضة والازيا،،، خبركم الحوامل يبي لهم حد يفكر عنهم !!!!

 

[مابين بعينكك]

<A href="http://fashion.azyya.com" target=_blank>





تقريبا" نفس ذوقي وان شاء الله اكون افدتكم

 

[^_^يالي احبه^_^]

اب اب

 

[برميت]

اذكر لما كنت حامل
اخذ هدومي من محلات العاديه مو بس محلات الحوامل
اي شي فيه قصه صدر اخذه
و اخذ مقاسات كبيره علشان تتم معاي
تقريبا كل 3 اشهر كنت اشتري لانه بطني مشاءالله بسرعه يكبر و كان كبير وايد

بس البنطلونات لازم محلات الحوامل او عند نيو لوك يبيعون بنطلونات فيها سيور حق المتان و الحوامل

حاولي تلبسين مشير ( مشجر ) وفوقه جاكيت او بلوزه ساده ..المشجر يخش البطن

لا تلبسين قلوب طويله ..خليها بس لي الصدر
لا تحطين مكياج وايد ...لانه الويه بروحه ينتفخ بالحمال ..و البشره بتكون تعبانه
لبسي صنادل حلوه كلها حركات ..او فلاتات
حاولي تشدين ظهرج و انتي تمشين ..خاصه الي متعوده على الكعب لانه الفلات يبهدل المشيه

ما انصح تصبغين شعرج ..خلي كل شي حق عقب الاربعين
لانه الحمال بروحه لووك يديد

كل شي سمبل ناعم حلو على الحامل


والله يسهل عليكم

 

[نـعـومـه]

خوووش موضوع

اولا يستحسن ماتصبغين حامل نطري تطلعين من الاربعين

واذا عن اللبس انا البس نفانيف وتحتهم بدي او تونز اتوقع الكل يعرف هالستايل؟؟ حيل مريح وناعم للحامل واحط مكياجي المعتاد وبالمناسبات البس عادي نفانيف يعني لبسي نفسه بس الفرق اخذ شي يريح الحامل

وعندنا عرس قريب بشوف ادور نفنوف راقي بس مريح

والجواتي فلااااااات

 

[الدنيا غير]

انا عن نفسي شعري يا ستريت يا مموج خفيف و المكياج وايد ناعم ما اليه اوفر و العطورات أرش خفيف عشان الحساسيه .. الملابس الاغلب نفانيف قصيره عشان ارتاح فيهم و يسلمووو ع الموضوع رووعه

 

[MisS Z]

بنات و الي من الله بطوطة و انتفخت زياده من الحمال شنوو الحل
كششخووني لوول

 

[مواصله]

احلا شيئ عندي لبس البيت بجامات شورتات دشاديش قصيره حركات اما لبس الطلعه مو اي شيئ يعجبني

البنطلونات نادرا البس وعندي من سيتي ماكس حلو ويجي تايت ع الجسم،،والبلايز اهم شي قصة صدر

اكثر ملابسي فساتين



ومو حلو الحامل تلبس واسع وكبير زياده احس يعرضها زياده ويخليها ضخمه مافيها انوثه

شوفو هذي كيوت ياحلاتها

 

[يسامحك ربي]

اب
موضوع حلو يالله خلونا نكشخ

 

[نونو الحلوة]

 

[tbola]

موضوووعكم حيييييل حلوووو

وااي صج تعبت ادور ملابس حفله مالقييت كله ضيج عل كرشه انا قبل لا حمل فيني كرشه ولحين برزت زياده

الي يعرف من وين ناخذ بدلات سهره بسيطه؟؟

 

[مطيريه ماركه]

تكفووووون شفآدتنآ فيه آلكشخة غير عيون آلنّآس حآمل وفآضية تكشخ
صرآحة بديت آتشآآآآآآئم من كل شي
خلجنوآ تسلمون من عيون آلنّآس
يمآل آلبط شفح

 

[العذبة]

وينكم بنات ؟؟!!!​

 

[~LiBrA~]

السلام عليكم

انا موضوعي الي بتوقيعي اهو عنايتي بجسمي وبشرتي وانا حامل والحمدالله الامور تمام

بالنسبه للبس انا حق الدوام البس عباة ومفصلتلي عبي قصه تحت الصدر حدهم كيوت من قبل لا احمل احب الستايل هذا القصه والكسرات تحت الصدر بس ما كنت البس لان يخلي شكلي جني حامل بس الحين فصلتلي جم وحده يخلي شكلج حدخ نعوم عندي احلا حق الحوامل من موديل الجاينيز بس مرات البس هالموديل


اممم

حق الطلعه انا كله بنطرونات وجينزات اخذ من دستنيشن ماترنيتي جينزات حوامل ومن فيلا مودا جينز يصلح للكل يكون فيه سير يصير تلبسينه عقب

والقمصان والبلايز اغلبهم وسيعه لان انا من قبل قمصاني وسيعه فما تغيرت وايد بالحمل الا بين فترة وفترة اخذ من مذر كير او دستنيشن موديلات حوامل يكونون فيهم قصه

اكثر شي اركز عليه واهو الي يبرز الحامل اهو الفلاتات احب انوع واشكل فيهم واخذ الملونين والي فيهم كرستالات وسوالف


مكياجي اهو نفسه نفسه انا مااحط اوفر بس قللت الفانوديشن شوي لان بشرتي الحين ماتتحمل


شعري اهو اساسا قصير و مصبوغ ثلجي لون واحد من قبل الحمل بس نازل الجذور وايد عشان جذي ماحب اقعد بالبيت بدون مااسوي فيه حركه ولا يطلع شكله عادي
ولانه ما ينربط قصير كله اخليه مفلول مع سشوار واذا ماسشورت يصير ملفلف اخليه جذي هم يطلع مقبول

ملابس البيت اهي الي معقدتني الصراحه بسرعه يضيجون علي واضطر البسهم مرات بس شكلي يصير يضحك ههه يس يعني مسويتهم ستايل

احسن شي الدراريع القصار القطن باردين واحنا الحوامل مانحب الحر وانا الصراحه ماحب البس بنطرونات في البيت

كله نفانيف او قمصان تكون شوي طويله



اممم وبس سلامتكم

 

[ريماس--]

اااااااب

 

[sharoo_e5]

ااااااااااااااااااب

 

[tbola]

مشكوووره ليبرا على موضووعج بعنااايتج والله يسهل عليج حماالج

 

[:$ N o u r a]

تكفووووون شفآدتنآ فيه آلكشخة غير عيون آلنّآس حآمل وفآضية تكشخ
صرآحة بديت آتشآآآآآآئم من كل شي
خلجنوآ تسلمون من عيون آلنّآس
يمآل آلبط شفح

ههههههههههههههههههههههههههههههههههههه

ع الجررح:d