حامل بس بكيس فاضي مافي جنين

[ma7rooma]

شلونكم بنات انا حامل وكانت اخر دوره لي 23 /4/ 2011 واسبوع اللي طاف سويت سونار قالت لي الدكتوره ان جيس الحمل فاضي وقالت انتي الحين بأسبوع السادس ولازم ينزل الجيس بعد اسبوع بس شسوي الحين انطر ولا انزله ​

 

[تل السكر]

حبيبتي نطري اسبوعين الى ثلاث اسابيع ياله يبين النبض لاتستعيلين
واايد بنات صار معاهم نفسج ونطروا مع الاستغفار والصدقه وبعدها بين النبض
الله يرزقج بالذرية الصالحه وبرد على قلبج

 

[بدورة القمورة]

الله يرزقج بالذرية الصالحه

 

[ma7rooma]

ان شاء الله ويرزق كل محرومه يارب

 

[Q8_QT]

حبيبتي نطري بعد اسبوعين والله كريم اكثري من الإستغفار

 

[ma7rooma]

ان شاء الله انا قبل لا احمل كنت على طول استغفر والحمد الله على كل حال

 

[قــل مـا تـشـاء]

ان شاااء الله فيه جنين بس انتي نطري اسبوع و غيري الدكتورة وسوي تصوير وان شاااء الله يبين الجنين

 

[ma7rooma]

ان شاء الله يارب​

 

[سكـــرهـ]

الله يساعدك بس انتي لاتستعجلين

 

[فانتا ستروبري]

نطري حبيبتي ويارب يكون فيه نبض وجنين
​

 

[ma7rooma]

مشكورين حبايبي ان شاء الله ربي يرزق كل وحده فيكم يارب

 

[جنا القمر]

الله يتمم لك ولاتستعجلين عليك بالدعاء والرقيه والاستغفار

 

[ma7rooma]

أجمعين يارب ويرزق كل وحده ان شاء الله​

 

[AVE.NJ]

انتي سويتي تحليل هرموني وجم كان
امبيه خرعتيني

 

[زين ودلال]

حبيبتي نطري اسبوعين عالاسبوع ال8 شوفي لان توه

 

[ابدا يالغالي مانساك]

حبيبتي ربي يسر امورج
وان شالله مافيه الا الخير
نطري وكثري الاستغفار

 

[جديده 1]

مثل ما قالوا البنات نطري فتره و شوفي مو خسرانه شي .. الكيس الفاضي ( اظن ) ينزل بروحه من غير حبوب و غيره بس اللي يكون فيه جنين و موقف النمو اهو اللي لازم ينزل .. انصحج روحي للدكتور خالد في مستشفى العرف بالسرداب لانه شاطر بالسونار موفقه خير و يارب فيه جنين

 

[مظلومه ياناس]

أنا لي الاسبوع الثامن وهم يقولون كيس فاضي حتى قالولي تقطعي المثبت وماقطعته واستمريت عليه وسبحان الله بين الجنين والنبض بنهاية الاسبوع الثامن ولله الحمد ،،،،،، نصيحه ماعليج منهم وتصدقي واستغفري. وخلي أملج بالله كبير ،،،،،، ونصيحة بعد. للتسوية تحليل هرموني ولاتخسرين نفسح لأني سويته 4 او 5 مرات ومره يصعد ومره ينزل ولا مره ثبت والله أستخفيت لين عرفت ان التحليل الهرموني مو مقياس ،،،،، وعسى الله يفرحك بشوفته وتبشرينا

 

[ma7rooma]

مشكورين حبيابي والله يفرح قلوبكم يارب ويزرق كل وحده الذرية الصالحه يارب​

 

[&هند&]

الله يثبت الحمل وتسمعين نبضه ويتمم لج وقومج بالسلامه ،،،
انا مابين النبض بالاسابيع الاولى ​