حامل سويتي ربط لعنق الرحم وعندج التهابات !!

[CheeSeCaKe]

السلام عليكم ورحمة الله وبركاته ،،

شلونكم بنات ؟
ان شاءالله بخير وبيبياتكم بخير

آنا حامل بالشهر السادس وسويت ربط لعنق الرحم ما بين الأسبوع 12 وال 13 والحمد اله كل شي تمام .. العملية كانت سهالات ..

بعد ما سويت الربط بشهر خذت عينه مني علشان نتأكد خلوها من الالتهابات طلع عندي التهابات بكتيريه !! وصفتلي مضاد حيوي نيوجيل وتحاميل دالسين ..

وجني مو مترقعة بعد ما خلصت العلاج ياني بواسير من الأمساك ..!! قلت لها بوقف الحديد قالتلي لأ ووصفتلي نوع حديد ثاني وعطتني مسهل

اول مره جربت العلبة الحبوب الصفرا (ملين ) .... ما سوا شي ..!!
بعدين عطتني ازيلاكس ماما (شراب ) ... هم ما سوا شي !!

فحصي لنسبة الحديد مو نازل بالوسط يعني زين قلت لها بوقف لأني تعبت نفسيا .. وماكو فايدة إذا بواسير ويظل الأمساك !!

المهم قالتلي اخذي فوليك اسيد مع برجنا بلان لأن فيني فقر دم بس مو نقص حديد لأني حامل الثلاسيميا !! الهيموجلوبين عندي 9.3

وانا اعالج البواسير خفت ما قامت تعورني لكن بعدها يتني حكة بكل مكان تحت :/

وردت خذت عينه طلع بكتيريا وفطريات للعلم ما فيني افرازات ولا ريحة والحكة سطحية ..

استخدمت كريم للحكة والفطريات خفت الحمد الله

لكن ردت اوصفتلي مضادات حيوية وتحاميل ...


والموضوع وما فيه اني نشششششششششششششششششششفت ... بمعني الكلمة من كثر التحاميل !!

التحميله مو راضيه تدخل وتعورني اخاف اضغط اجرح نفسي ... !! لأن أساسا ماكو ممارسة مع زوجي والسبه الربط ...

شنو العلاج وهل في احد صادف هالالتهابات طول فترة حمله !! وظليتوا تاخذون المضادات والتحاميل ..!!؟؟

وفي مزلقات للحامل وما تظر من طقت كي واي وجذي !!

يا ريت اعرف تجاربكم وأكون شاكرة ..

 

[عبث طفله]

ليش ما تروحين لدكتور شاطر .. رفيجتي قعدت تعاني من الالتهابات اربع شهووور وهي حامل ودكتورتها ماجده اليتامى ,, اخر شي راحت لمحسن طلبه ,, تقول شهر واختفت الالتهابات

انا مسويه ربط الحين وشاكه انه فيني التهاب مع انه مافيه حكه بس تغير لون الافرااز !!


والملين احسن شي ماي دافي على الريج مع قفشتين عسسسسسسسل طبيعي يوميا راح ترتاحين .. واشربي عصير برتقال مرتين باليوم .. كثري الياف وخضرا ، الكيوي زييين ..


الله يتمم عليج بخير يارب

 

[جواهر2009]

انا سويت ربط بحملي بس تاذيت من الالتهابات ونفس الشي يعطوني تحاميل ودهان ما ارتحت لما ولدت من الالتهابات ابد جسمي ماتقبل الربط بس حاولي تحاافظين عالنظافة وداومي عالعلاج والتحاميل لاتدخلينها وايد ..وعسى الله يشفيج ويهون عليج

 

[ساشا]

كل ما اسمع عن وحدة مسوية ربط ... تقول تعبت من الالتهابات

الله يعينكم ... ماتضر الجنين ؟

 

[نور الدنيا 88]

الله يسهل عليج
انا شاكة فيني التهاب عندي موعد يوم الاثنين الدكتورة بتآخذ مسحة استغفر الله
مع اني لامسوية ربط و لا هم يحزنون

 

[CheeSeCaKe]

عبث طفله
----------

عاد تصدقين انا اراجع عندهم .. وشكلي بغير بس المشكلة الدكاترة الباجي مواعيدهم توهق وزحمة وأبي دكتوره ماني مرتاحه حق ريال !!

آنا نفسج أول مره لا حكة ولا ريحة والافراز حتى ما تغير وايد وكان شويه ..بس هم قلت اتأكد من المسحة وطلع فيني ..

خلي دكتورتج تاخذ منج مسحه يفحصونها مو خسرانه شي وان شاء الله ماكو الا العافيه

بالنسبة للأمساك الحين احسن لأني هديت حبوب الحديد وبدلته بفوليك اسيد ...

مشكلة الدكاترة تمشي وتوصفلج بهالفيتامينات ... انزين تاكدي من نسبتهم بالأول فيني .. لأن كل شي يزيد عن حده ينقلب ضده !!

مشكوره حبيبتي

جواهر2009
--------------

آنا هذا اول حمل لي .. وأول ربط .. الالتهابات مو مؤذيتني ولا احس فيها حتى بس الواحد لازم يعالجها علشان ما تزيد وتؤدي لولادة مبكرة مثل ما يقولون ..!!

أهو الربط عموما خيط سميك ويعتبر جسم غريب فكل وحدة جسمها ما راح يتقبله وهذا السبب في الالتهابات ..

آنا اتمنى من ربي اكمل لي التاسع علشان المره اليايه ما اسوي ربط ... آمين
موفقة

ساشا
-----

هذا اكره شي بالربط .. والا الوحده ما تحس فيه اصلا بس عيبه الالتهابات .. اهو عموما الحامل معرضه لهالشي لكن اللي مسويه ربط عرضه اكثر وبشكل متكرر ليما تولد على كثر ما سمعت البنات ...

أهو ما يضر البيبي .. إذا عالجتيه .. لكن إذا زاد وكان جايد أكيد بضر الحامل ويسبب تقلصات .. وإذا البيبي طلع طبيعي في احتمال تنقل له البكتيريا من الالتهاب ..

علشان جذي الواحد يتفادى هالشي ..

لكن السؤال .. لي متى مضادات !! وتحاميل ..!! وغسول !!

أنا سمعت ان كثرتها تقتل البكتيريا النافعة .. والبكتيريا بالجسم عكس الفطريات يعني اهيه اللي تحاربها .. !!

والدكتوره والصيدلي يقولون عادي لأن الغسول مو قلوي !! وأن الالتهاب لازم يعالج ودام انا بالسادس فعادي ..

والله اعلم !

نور الدنيا 88
-------------

أهلين نور

فحصي تأكدي لأن الحامل عرضه للالتهابات عموما حتى لو مو مسويه ربط .. الاحتياط واجب

 

[جديده 1]

والله اختي بخصوص الالتهابات نصيحه دكتوري شربي سوائل بمعدل قلاص ماي كل ساعه ..
و يقولون تاكلين روب معاه فصين ثوم مدقوقين عالريج ممتاز للإلتهابات

بخصوص الامساك انحاشي عن الكربوهيدرات .. و شربي برتقال فرش عالريج وايد زين ..

 

[CheeSeCaKe]

جديده 1
--------

مشكوره اختي وايد وايد على هالنصايح .. وان شاء الله بتبعها وبحاول اشرب ماي اكثر لأن هالحجي سمعته وايد ..

وبجرب الروب مع الثوم ..

والبرتقال اسويها وايد بس ما اشوف نتيجة كبيرة

تسلمين يا قلبي

 

[التحدى والاصرار]

انا متاذيه من الالتهاب البكتيري مزمن معاي وخايفه عالحمل يسبب لي ولاده مبكره

 

[التحدى والاصرار]

اب اب