حامل في الاسبوع الثامن بس ما بين البيبي منو مثلي و تم حملها

[أسيرة قلبه]

سلام بنات شلونكم. امس رحت سويت سونار لاول مره في الطبيب و الدكتوره ما شافت بيبي تقول المفروض انتي في الشهر الثاني يبين واضح و قالتلي تعالي بعد اسبوع اعيد لج السونار منو تعرف احد مرت بنفس هالتجربه و تم حملها على خير. و مشكورين

 

[بيت التوت]

وعليكم السلام ورحمةالله وبركاته

بنت عمي سار معاها نفس حالتج ولابين الجنين بالسونار وسبحان الله
حتي حركته بعدين كانت خفيفه لدرجة انها شكت ايكون ميت
والحمدلله الحين ولدها عمره سنه

لاتحاتين ياقلبي الله يطمنج عليه يارب
موفقه

 

[ice-moon]

حبيبتي لا تحاتين

اقري وسمي على بطنج

مالج الا رب العالمين ادعي ربج

انا صار معاي رحت بالاسبوع السابع

ماشافت البيبي بس الجيس

بس طمنتني

وقالت دام جيس موجود يعني الحمد الله حمل داخل الرحم اللهم لك الحمد والشكر

وقالت احتمال تبويض متاخر

لانه من حجم الجيس انتي بالاسبوع الخامس مو السابع


توكلت على ورحت عقب اسبوع

الحمد الله كل شي تمام بفضل الله

بس عطتني ابر تثبيت وحبوب تثبيت


الله يتمم علينا الحمل ٩ شهور بصحه وعافيه ويحفظ اجنتنا

ويقر عينه فيهم واهم بصحه وعافيه

 

[:: Diva ::]

يمكن يكون غلط بالحساب
انا صار جذي و نطرت بعد اسبوعين زياده عنج و بين الجنين فديته
ياربي يكتب لج الحمل و يثبته لج و يسهل عليج و يرزق كل محرومه يارب

 

[مظلومه ياناس]

أنا مابين بالأسبوع الثامن وبين بنهاية الاسبوع التاسع ولله الحمد والفال لج يارب تشوفينه

 

[أسيرة قلبه]

مشكورين بنات طمنتوني والله يكتب اللي فيه الخير

 

[تبطي عظم!]

ماعندي فكره بس الله يثبته وتقر عينج بشووفته

 

[أسيرة قلبه]

مشكوره حبوبه

 

[dlll3]

الله يثبته يارب ويثبت حملي لان هالدكاتره كل يوم مخرعينا

 

[أسيرة قلبه]

مشكوره حبيبتي و الله ينولج اللي في بالج

 

[really cat]

حبيبتى
الله يبلغج بالضنا الصالح يارب

 

[ليان]

الله يهون عليج ويجعل جميع عيالج وبناتج من الذريه الصالحه ​

 

[أسيرة قلبه]

مشكورين بنات و كل اللي دعولي

 

[كاكاووو]

أنا مثلج بالأسبوع الثامن بس أنا سويت سونار بالأسبوع السابع مابين الا بالغصب سوالي سونار داخلي واشوة بيين
وقالي لاتحاتين دام ان في جيس وداخل الرحم ان شاالله خير وعطاني حبوب تثبيت
ولان التبويض صار متأخر عشان جذي مايبين عدل
وموعد ولادتي ان شاالله 14/12/2011
الله يتمم علينا ان شاالله

 

[نـعـومـه]

دكاتره بس تخرع

الله يهونها

 

[أسيرة قلبه]

صاجه اختي الدكاتره جاهزين للتخرع عند ويهج لوووول

 

[اوليفيا]

روحي حق السونار وانتي حسرانه تكرمين عشان يبين

 

[أسيرة قلبه]

مشكورين بنات والله يعوضني خير الحمل ما تم و صار عندي اجهاض

 

[العز58]

انا جذية مابين وتالي بين وصار واضح ,,,,,,,,,مبررررررررروووووووووك والله يثبت حملج

 

[زين ودلال]

الله يعوضج ياااااااااااارب ويعوضنا معاج بالذريه الصالحه ان شاء الله