حامل في بنت او ولد تعالي شاركينا تجربتك

[نهى 2008]

السلام عليكم ورحمة الله وبركاته

اتمنى من الكل ان تطرح تجربتها السابقه او الحاليه في الحمل في البنت او الولد

من خلال تجربتي السابقه في بناتي لاحظت
1 من خلال تحليل الحمل المنزلي يطلع الخطين واضحه جدا
2 الوحام كان شديد وغثيان اول مااصحى من النوم
3 سمار غير طبيعي في جسمي
4 حركة البنت في البطن تكون اقوى من حركة الولد
5 من خلال السونار غالبا البنت تكون حاطه رجل على رجل او على جنب فما تكون واضحه الا متأخر
6 تحس الوحده بثقل في بطنها
7 وقت الولاده تطلع عيوووووووووني وماتطلع بنتي يعني طلق البنت بارد وولادتها تكون اصعب من الولد
8 تكون الام زايده حلاوة في بنتها يعني البشرة تكون صافيه وحلوة

هاذي ملاحظاتي على نفسي وشفتها في كذا منتدى وطلعت صحيحه الحمد لله
وفيه شيء اخر حبيت اقوله اللي هي الاحلام دائما احلامي تصدق في البنات والاولاد الحمد لله :


اما الولد فهي عكس اعراض البنت تمام وانتو شوفوا واحكموا


انتظر ردودكم يا امهات كل وحده وتجربتها _03ba:




تحياتي
اختكم نهى 2008

 

[ريـــانـــه]

انا بعيالي وحامي متعب وادخل المستشفى
وبناتي اخف بس لاحظت ان صدري سمر حيييييل
والولاده كلهم نفس الشي لان ماتجيني ولاده اهم يولدوني

 

[اشتياق]

انا اشهد

حملت بولدي ماتذكر اني تنسيت كثر ما تنسيت بحملي هذا وقالولي فيج بنت

فعلا نفس الشيء الا شيء واحد مختلف اني احلويت وصرت اشزيني بالولد اما الحين الله لايوريج ويهي مايترقع

وولادتي الاولى قيصريه والثانية توني بالسابع والله يسهل علي يارب واولد طبيعي

 

[نهى 2008]

ريانه

أشتياق

شكرا للمشاركه وطرح تجاربكم

بانتظار اخواتي الباقيات

 

[فراشة الوادي]

خوووووووووش موضوع

انا بنتي ثقل وبارحامي ثقل مو طبيعي وقي وغثيان ونوم


وبولدي سبحان الله عكس خفيفه حمالتي ومافيه نساة شويه
ننتظر ردود باجي البنات

 

[Hello_kitty]

انه نساتي كانت ترجيع ولووعه لين اخر حمالي وتعب مو طبيعي لأني كنت حامل بتوام

الحمدلله كلش كلش ما اسمريت ولا صار عندي سواد باي مكان

حلوووويت وايد بحمالي وبشرتي ماش الله صارت صافيه وتهبل

ثقل وتعب موطبيعي

مع اني كنت حامل بتوام ومع هذا تحليل المنزلي طلعلي سلبي يعني خط واحد بس!! وكنت محلله و الدوره متأخره علي

بالسونار صح مثل ما قلتي دايما كنت الاحظ البنت لافه ريولها او حاطه ريل على ريل وتكون مستحيه بالعافيه يالله عرفنا انها بنت

الحركه ما شالله فعلا كانت قويه مادري علشان توام او علشان بنات يعني لا اله الا الله كنت وانه قاعده بطني يتحرك طق مطاقق

لي درجه اغير وضعيتي او اوسع ملابسي علشان ما يلاحظون اللي يمي

بطني كان صغير كلش وعلى شكل كوره وكل من كان يشوفني يقولي اكيد فيج ولد

الأحلام ما حلمت بشي بس حلمت اني مسويه شعري عجفتين وعرفت ان فيني بنتين

 

[حشمه]

بحمالي بالولد نساتي كانت نوم ونفسيتي تعبانه خاصه اول جم شهر

ماكنت اشتهي اكل معين وكرهت العيش والغدا وكنت اتغصب اكل

وحللت يوم الدوره طلع لي كلمه حامل وشكل بطني كان مدور جنه كره


اما الحين ان شالله اذا الله سهل عليي حامل ببنت من قبل لا احلل

حاسه حامل كنت اشتري اكل ووايد ايوع ولما اكل احس بلوعه

قبل موعد دورتي ب4 ايام حللت بالبيت وكتب لي كلمه حامل

اللوعه مافارقتني لي الحين بالولد اول 3 شهور واخر شهرين

اما الحين مستمره معاي تروح وترد عليي والاكل الاهل يقولون لي

نفسيتي احسن واكلي احسن من ولدي وانتفخت اكثر من ولدي بمراحل

كل من يقولي شكل بطني ولد مو بنت وعرضانه من القسم التحتي من الجسم

اما السمار مادري بس احسن ان جسمي غمج شوي في اماكن معينه

وثقلت واااايد اسرع من ولدي وعوار الظهر وماقدر انام ابجر الولد

 

[hneen2]

اممممممممممم انا بالاولاد بطني يصير كبير وااايد اسمر اصير عبايه لوووول
اااا شهيتي تنفتح وااايد
وقت اللي احلل يطلعلي خطين غامجين
بسرعه يبين بسونار انه ولد ماشالله والطلق حامي حامي لان ايبهم وزنهم زين اسم الله علهم فا اتعب بالولاده

ببنتي لالالا لما حللت غصب بين الخط بطيئ يالله وضح
بطني صغير كلش ومكور
شهيتي زينه بس بالاولاد احسن
حركتها صح ترافس يمين ويسار
ماصرت سوده بالعكس احلويت وشعري صار وااايد حلو
الولاده تعبت وااايد وطلقها حااار معني يبتها نتفه عكس اخوانها تخرع من كثر ماهي نتفه خخخخخخخ وبس

 

[لمسة فنية]

انا بحملي الاولى بولد الوحام كان تاعبني للشهر الثالث تقريبا بعدين هون
بطني صار كبير وايد بالنسبه لجسمي
شكلي ماتغير وايد
الولاده تعبت وايد كان الطلق حار ومايوقف وكنت سانتي ومعاي طلق مال وحده بيطلع الياهل منها خخخخ


هذا الحمل وايد في اختلاف مع ان قالو لي اني حامل بولد بعد
من قبل ماادري اني حامل ومن قبل ماتجي موعد الدوره احس نفسي مرضانه وتعبانه ومالي حل
والوحام كان متعب من قلب كنت مااقدر اكل كنت مااستحمل اشم او اشوف شكل الدجاج ههههههههه
لدرجه اذ اشوف صور اعلانات كنتاكي بالشارع سيده افرغ خخخخخ
شكلي صار مأساه وجسمي صار فيه سواد وايد وتنفخ وجهي وريلي ولا الخشم حدث بلا حرج شوي وبينفجر
بطني بين من الشهر الثاني ومع بدايه الثالث تحرك الياهل حتى اني استغربت بس شكله بيطلع شيطون
الولاده انشاء الله باقي القليل ونخبركم عنها

 

[بدوره 22]

الصراحه ما جربت الحمال بالولد والله يرزقني ان شاء الله

ما اسمريت ولله الحمد

ونساتي اختلفت علي بهالثلاث حملات

اول حمال كنت ارجع بس مو وايد

ثاي حمل ما رجعت الا مره وحده بس مت مت مت من اللوعه

ثالث حمل مت من الترجييييييييييييييييييييييييع شي مو طبيعي

واسم الله عليهم الثلاث حملات بنات

اول حمل وثاني حمل كنت اموووووووت على الكاكاو طول 9 شهور وانا اكل كاكاو

هالمره ما اكلت كاكاو الا لمن دشيت الخامس

بطني كل مره شكل يعني باول حمل كان كبير ويحسبون ان فيني توأم وانتفخت شويه ... وثاني حمل الكل كان يقولي وين بطنج ؟؟؟

وهالمره ماكو شي غير البطن

 

[الفرفورةرفرف]

1\انا بالولد حمدالله نساتي نوم ولوعة قوية
بش ماستمرت وايد حمدالله واشتهي الموالح وايد
2\حركة البيبي مشالله واضحة وقوية وبين بالسونار ولد
3\طلع فيني حبوب ومشالله شعري كثر وطال بسرعة
4\ماانتفخت وايد وكان حلو علي الحمال حمدالله
5\امي حلمت فيني وانا حلمت بخواتم وسبحان الله صدق الحلم وطلع ولد ايقولون اللي تحلم بالخاتم يطلع ولدوالحين مادري انا بالاسبوع الخامس وفيني لوعة قوية الصبح وبعد ابي موالح ومايندرى؟.بس عندي احساس انها بنت_03ba:

 

[farah-q8]

مشكوووووووووره

 

[النوري]

أنا بالصبيان ...

مافي ترجيع كلش .. كلش و أحمب الحامض ... يعني أقعد على البصباره .. اللي علبتها زرقه

وأكل فيها حبه حبه .. لين اخلصها ..

وكل أكلي أحب أعصر ليمون .. أستهلك بالحماله الوحده مزرعه ليمون كامله .. خخخخخخ

بس بالبنات .. كله أبي شوكلت ..

وفيه لوعه وفي ترجيع ..

 

[الكشميريه]

السلام عليكم

بصراحه انا بجر والحين بالسابع

اول حمالي بشهرين كله نووم نووووم نووووووووم ما كنت احس اني عايشه

وبعدها حاله نفسيه اعصااب وادور اي احد يكلمني عشاان اتهاوش معااه

وبالخامس كنت بس ابجي على اي سبب

بس ما كنت احس بدووخه قليل

وحللت وتحليلي حق السونار الرباعي ولد ان شاء الله

وعقبال الباجي والله يرزقنا ويرزقكم اللهم

امين

 

[روب و خيار]

انا في بنتي الاولى كنت نفسك بالضبط وهالحملة ما تنسيت ولا حسيت اباي تعب و صرت جييييييييييييييييييييييييكرة و كل شي فيني غير الحملة الاولى بس السونار يقول بنت

 

[ام طلال]

انا كل عيالي نفس الاعراض مافيه فرق بين الولد والبنت

 

[ZajiL]

احس كاله علاقه عندي 3 اولاد كل واحد فنتق وكل واحد نساته شكل
وكلهم نفس الجنس

 

[أمواج البحر]

مثل زاجل

سبحااان الله كل واحد من عيالي غيييييييييييييييييييير حماله

اللي البطن مدور واللب البطن بالعرض

اللي نساته خفيفه واللي لوووووووووووووووووعه

اللي اجكر واللي احلو

كووكتيييييييييييييييل

وطلعوا صبيان

واخر حمله لي توه اشتهي السويت والشوكليت بشكل مووووووووطبيعي

والله اني كنت انام واقعد على الككاو كنت اكل الككاو بشراهه

وكانوا يقولون فيج بنت ويبت توأم صبيان تبارك الرحمن

يعني بالنسبه لي ابدا ماله علاقه ... اهي تفرق عليج انتي وبحملاتج

لكن يختلف من وحده لي وحده

 

[درة أهل الطولات]

اب اب
موضووووووووع شيق

 

[نونو نونوه]

انا حامل بولد انشالله
1)تحليل المنزلي خط غامج وخط فاتج
2)النساة اول الاشهر ثقيله بس بدون كرمكم الله ترجيع
3)بالنسبه للون البشره مافرق وايد سمار خفيف
4)حركة الولد وايد بس باوقات متفرقه

وبس