حامل والا مو حامل ؟؟؟ تكفون فيدوني هذا شنو ??

[ضي الدنيا]

السلام عليكم ..

شلونكم بنات تكفون ساعدوني انا محتاره..

هل انا حامل او لا ..؟*

بنات انا اخر موعد دوره كان 7 / 11


وكنت احس باعراض الحمل كانت تجيني دوخه احس ما اقدر اوقف چنه الارض تسحبني وساعات لوعه وصداع ..

صار لها رايحه 29 يوم .،

وما نزلت ؟ يعني طاف موعدها اسبوع تقريباً

امس سويت تحليل حمل " الدم " طلعت النتيجه سالبه .. ?

والدوره متاخره ؟ شنو هذا تكفون بنات ؟؟*

 

[bubble.gum]

سوي تحليل الهرموني يمكن تبويضج يكون متاخر ..

 

[موريا آدم]

اب للافادة

 

[حشمه]

الدوره مرات تتاثر بالنفسيه والتفكير

اذا عدت عليها متاخره 10 ايام سوي تحليل

دم هرموني عشان تطمنين

 

[زين ودلال]

نطري يومين وسوي هرموني

 

[مروووم]

نفس حالتي وانا الحين رايحه الطوارئ وبشوف شنو يقولون بالسلام

 

[M!SS.LOBY]

يمكن عندج تلاعب بالهرمونات بجسمج

 

[shak!shoka]

دام طاف 29 يوم و مابين بالتحليل ما اعتقد حامل


انا بعد صارلي شهرين ما شفتها و كل 5 ايام اشتري تحليل و احلل صج لاعت جبدييييي


الحمدالله يت اخيرا


انا اقول نطري جم يوم يمكن تنزل

بكل الاحوال ديري بالج ع نفسج و تدفي

والله يرزقج الي في بالج

 

[virgo88]

الله يرزقج يارب بالذريه الصالحه

 

[انجبر قلبي]

سوي هرموني العادي خواره

 

[ام الحلوااات]

اللـــــه يـــرزقــــج بــاالــحــمــــل عـــــاجـــلا يــااارب

 

[ام دندوونه]

يمكن لخبطة هرمونات الشهر اللي طاف تاخرت دورتي 13 يوم وهي العادة منتظمه وبعدين نزلت والنفسيه تلعب دور

 

[ضي الدنيا]

بنات الله يجزاكم خير ..

بس شنو الفرق بالتحليل الدم والهرموني ..

انا رحت سويت تحليل قالت لي جم لج متاخره الدوره قلت لها اخر موعد ٧ / ١١

قالت اوكيه ودخلت سويت التحليل ماقالت لي هرموني والا غيره ..

 

[مآيكبرني نك]

انتي مو تقولين 7 / 11 آخر موعد لهآ ؟

شلون تقولين متآخرة اسبوع ؟ بعدج شهر مآكملتي كيف بيبين !

الهرموني هو اللي يحدد لج نسبة هرمون الحمل فـ الدم

واذآ كآن 5 وفوق يعني حمل واذآ اقل مآفي ,

وربي يرزقج اللي ف خآطرج

 

[انجبر قلبي]

اي ماتقول انتي اللي تطلبين الهرموني



الهرموني دقيق يعطيج نسبة تحليل هرمون الحمل بالضبط اذا كان اكثر من رقم 5 في احتمالبه حمل كبيرة بس لازم تعيدينه بعد يومين و اذا تدبلت النسبة يعني حامل انشالله



اما العادي بس يقولج سلبي او ايجابي من غير اي تفاصيل لا نسبة ولا شي

 

[&هند&]

حللي تحليل دم هرموني وان شاء الله تكونين حامل لان في حريم يحملون من تاخر الدوره ،،،

 

[# غنوجة بيبي #]

يا رب حامل
سوي هرموني و بشرينا
الله يرزقج على قد نيتج

 

[عسل حدي]

بعد عطيها يومين تو الناس

 

[ضي الدنيا]

الله يجزاكم خير ..

انا اخر دوره ٧ / ١١ وهي العاده تجي كل ٢٢ يوم يعني صارلها اسبوع تاخير ..


اليوم صار لها شهر بضبط من راحت .. واحس صارلي جم يوم عوار الدوره وقام ينزل مني عزكم الله افرازات ..


بس مادري شنو حامل والا لا ..؟

بنات تحليل المنزلي متى يبين ؟ تنصحوني اجربه ؟

 

[ضي الدنيا]

الله يجزاكم خير ..

انا اخر دوره 7 / 11 وهي العاده تجي كل 22 يوم يعني صارلها اسبوع تاخير ..


اليوم صار لها شهر بضبط من راحت .. واحس صارلي جم يوم عوار الدوره وقام ينزل مني عزكم الله افرازات ..


بس مادري شنو حامل والا لا ..؟

بنات تحليل المنزلي متى يبين ؟ تنصحوني اجربه ؟