حامل والهيموجلوبين نازل

[om 7sony]

السلام عليكم
ارجوا انكم تفيدوني بنات
انا حامل باخر الثامن
سويت تحليل دم باول السابع كانت نسبة الهيموجلوبين عندي 9.5
وصفت لي الدكتوره حبوب trihemic 600 ,,,واستمريت اخذت حبه باليوم لمده شهر
ولم عدت التحليل لقيت ان نسبة الدم بالضبط نفس ماهي مازادت ولا قلت
فزادت لي الجرعه وصارت حبتين باليوم
وبعد اسبوعين قست ولا نسبة الدم 8.8
بنات منو فيكم صار معاها جذي
دمها ينزل وهي تاخذ حبوب حديد ( مع العلم ان اكلي زين ،،، مو بيرفكت بس زوين )
ابي اعرف هل ممكن تكون نسبة الدم نازله من شي ثاني غير الحديد

وهل ممكن يكون تكسر الدم هو السبب ،،، مع العلم اني ما كنت اعاني من تكسر الدم قبل الحمل

سوري طولت عليكم

 

[Noor_ilQ8]

السلام ،، انا كنت نفسك الدكتوره حطتلي درب حديد مرتين بالاسبوع لمده شهر

 

[om 7sony]

وارتفعت نسبة دمج بعد الدرب ؟

 

[حرم راشد الماجد]

غريبه ترايهمك احسن نوع تقريبا بس خل افيدج بشغله وقت ماكنتي تاخذين ترايهمك كنتي تشربين شاي او قهوه او بيبسي او نسكافيه لان هالاشياء تمنع امتصاص الحديد وبالتاليي جنج ماسويتي شي

 

[pinkish_85]

وصل دمي 9 بالحمل و كان اكلي ممتاز كتب لي الدكتور 5 ابر حديد بالوريد مدة الابره بالايدرب ثلث/نص ساعه و الحمدلله وصل دمي 12 بعد الابر

 

[الحلم اللطيف]

وانا بعد ابر حديد عطوني كانت نسبه دمي 7

 

[om 7sony]

طلعت نسبة دمي نازله من التكسر
والحديد عندي كان اوكي
وما احتجت اخذ الدرب

 

[om 7sony]

غريبه ترايهمك احسن نوع تقريبا بس خل افيدج بشغله وقت ماكنتي تاخذين ترايهمك كنتي تشربين شاي او قهوه او بيبسي او نسكافيه لان هالاشياء تمنع امتصاص الحديد وبالتاليي جنج ماسويتي شي

اي ادري حبيبتي
وكنت حاطة بالي على هالاشياء

لازم ما اخذ شي فيه كالسيوم مع الحديد
وفيتامين سي يزيد امتصاص الحديد