حامل وبالشهر التاسع

[amylee]

السلام عليكم أبلات شلونكم انا حامل وداخله شهري وما بقى شي على ولادتي داومت اول اسبوع من شهري بس بعدين حسيت بتعب وصراحة مو قادرة اشرح وخاصة أني ادرس مادة أساسية ولا بعد صبيان فحيل اتعب بالشرح فغبت عقبها والحين عادي اكملها واغيب لأني صج مو قادرة ادرس بس انا خايفة أني أطول وتكثر غياباتي ... شرياكم بنات اشتري صحتي ولا اتعب نفسي وأداوم ... وجزاها الله خير اللي ترد علي وتنصحني

 

[lolly]

داومي اذا تقدرين واذا ما تقدرين استأذني و اخذي باجي الاسبوع مرضي !!
الدوام احسن من قعدة البيت عالاقل تحركين و تمشين

الله يهون عليج ويسهل ولادتج

 

[amylee]

تسلمين لولي على الرد الحلو .. ودي أخذ مرضي لانهم حتى بالاستأذن يذلوني ذل عليه وكله يعطوني الحصة الاخيرة الله يسامح وكيلتنا

 

[Miss Cherry]

الله يسهل عليج


اللي انا اعرفه يعطون مجلس طبي بالاشهر الاخيرة

بس السالفه تطول وانتي بالتاسع الحين يعني بتولدين وانتي ليما الحين ماخلصتي اجراءات

 

[عذوق]

مس شيري

عادي يعطون اذا انا بالسابع بس اني تعبانه

اللي تعرف ياليت تفيدني

 

[بنت جنيف]

والله انا من الشهر الثامن لي التاسع كللله وانا شابكتهم مرضيات اهم شي راحتي وطبعا ماقصروا بالخصوصات لكن بطقاق اهم شي صحتي

 

[منور بنت الطنايا]

الله يعينج غيبي اذا تعبانه واذا ماتبين خصم استاذني

 

[amylee]

مشكورين حبايبي على الرد والله انا ما احب الغياب بس اهم يخلون الواحد غصب يغيب لا يعطونا استأذان وهالكيني بالمناوبات والاحتياط ....

 

[اللهم الجنة]

الله يعينج مالج الا الطبيات

 

[amylee]

يسلموعلى الردود الحلوه وان شاء الله أولد هالاسبوع وارتاح يارب*

 

[بنتmbc1]

شوفي سوي مثل أبله عربي عندنا
تداوم لحد أخرر شهر لها
و بعدها تأخذ فقط 40 يوم إجازه

 

[عيون سارة]

الله يعينج

 

[...الجوهرهـ...]

انا من دشيت شهري وانا كله طبيااااات
تعبت نفسيا وبدنيا ..ومو قادرة من امس بدا الخصم ..
كيفه الزم ماعلى الانسان راحته ..

 

[بك استجيررر]

أهم شيء صحتج محد يستاهل

 

[:: عائشه بقلبي ::]

غيبى وسعى صدرك

 

[amylee]

الحمدلله يا أبلات أبشركم ولدت يوم الاثنين وافتكيت من الدوام وخلاص ماكو طبيات الحمدلله 

 

[عذوق]

مبروووووك والحمد لله ع السلامه

عقبالي ياارب وانا بصحه وبخير انا والبيبي وكل حامل يارب

 

[amylee]

الله يسلمج عذوق والله يسهل ولادتج ان شاء الله ويهون عليج يارب 