حامل وعمرى 44

[ام المعلمات]

السلام عليكم بنات هذى اول مشاركة لى واحب اكون معاكم للاستفادة وقصتى انى عندى بنت وخمس اولاد وبعدين تقولى الدكتورة من 4سنوات تقريبا انى خلاص مافى مجال احمل لان التبويض ضعيف جدا وفعلا مااخذت مانع من هذاك اليوم لان فينى ضغط وقلت كبرت بعد ليش المانع ومن شهر حللت لان الدورة تاخرت والنتيجة حامل وكان الشعور فرحة من رزق رب العالمين وخوف من عين الناس الى ماترحم ​

:yaaaaaarb:وكان اليوم موعدى عند الكتورة نجلاء قالت لى افضل انك تسوين تحليل وسونار دقيق وراح يدزونة فرنسا علشان يشوفون اذا فيه اى تشوهات او مرض وانا مترددة اشرايكم اسويه ولاانطر وعلى الله ادرررررررررررررررر ى قرقت عليكم شسوى ماعندى الا انتوا الله يخليكم لهذا المنتدى

 

[مجنونة بس عاقلة]

والله الافضل انك ترسلين التحاليل لان لاسمح الله لو كان معاق او شئ ماعندك صحه اتدارينه وتهتمين فيه لانك مريضة ضغط ومحتاجه للراحه الذهنيه والنفسيه وان شاء الله مافيه شيء وتفرحين فيه ويكون اخر العنقود بصحة وعافيه يااااااااارب

 

[آهات الليل]

هلا حبيبتي الف الف الف مبروووووووووووووك الله يتمم عليج ويثبته لج ان شالله

خالتي ماشالله بالارعين وحملت عادي ولا راجعت ولا بطيخ والحمدالله بنتها مثل القمر لا تشوهات خلقيه ولا مغولين ولا في اي شي عادي

انتي شوفي ماشالله العيايز البدوو ماشالله يحملون ويولدون عادي هذي وحده جارتنا ماشالله عليها شكبرها وكاهي قعد تحمل وتولد وكل شي سليم لاتحاتين ولايخوفونج ياقلبي
ماله داعي هالتحاليل وبالنهايه استخيري ربج وشوفي اللي يريحج

 

[ام زاكي]

ولا تحاتين ولاتدزين تحاليل الي الله سواه اهو يتكفل فيه وانشالله مافي الا العافيه وياما حريم قبل حملو بعد اكبر منج

وعيالهم مافيهم الا العافيه هاذي حركات دكاتره المستشفيات الخاصه بس يبون الخساير

الله يتمم عليج وتفرحين بشوفته وانشالله تجيبين بنوته تفرح اختها

 

[G!RLooNa]

سوي تحاليل احسن تتطمنين

و مبروك الحمل

 

[passion.666]

حبيبتي انتي مو من كبرج
44 موكبيره
شالدكتوره اللي اتقول هالحجي اتخرع الواحد
اتكللي على الله

 

[عيش و مرق]

موخساره اتحللين واتاكيد اكثر عشان لاتتحسفين

 

[Om_Ksha]

والله اذكر جارتنا ماشاءلله عليها حامل واهيا يده .. وهم اتوقع بالاربعينات وكانت خايفه لا يطلع مغولي او شي بس الحمدالله الله رزقها بولد شحلاته ماشاءلله ومافيه الا العافيه انتى استخييري وشوفي نفسج ,,

 

[قلبي سلومي]

امي حملت وعمرها 47 وجابت احلى كتكوتة
والله ماشالله على اختي تينن ماعليج
توكلي على الله وما عليج من احد

 

[دآنة آلرشآيده]

الف الف الف مبروك
توج شبآب 44 توج صغيره
الله يكافيج شر عيون خلق الله

 

[amonaa_83]

الف مبروك والله يتتم عليج انشاء الله وسوي التحليل احسن عشان تتطمنين وربي يحفظه لج

 

[اميرة المحبة]

حبيبتي ألف مبرووووووووووووووك يارب يرزقج بالذرية الصالحة استخيري والحافظ الله سبحانه

 

[سارووونه22]

مبروك والف الف الف مبروك انا اقول دزي التحاليل بس عشان تتطمنين

 

[جِراحُ الغَرام]

الف الف مبروك حبيبتي الله يتمم عليج ويرزقج المولود السليم المعافى
واعرف ثلاثه حملوا بالاربعين ... يابوا بنات 2 منهم سليمين ووحده من البداره الدكاتره قالوا انها فيها خلل بس ماعرفوا شنوا اثناء الحمل
وبعد الولاده اللي يشوفها والله يقول انها طبيعيه ... بس بعدين بين كان عندها خلل في الكليه .. و عندها تخلف ( تصرفاتها ما تدل على عمرها ) وصرع ... والله كانت تهبل والكل يحبها بس ربي توفاها عمرها 9 سنوات الله يرحمها ... وانا اقولج امها كانت اخر الثلاثينات يوم حملت فيها بس كل امراض الدنيا فيها وبعدين نفسيتها ما كانت زينه ...
ديري بالج على روحج وسوي تحاليل وطمني روحج وان شاء الله ما كو الا كل عافيه
والثنتين اللي حملوا بالاربعين ما شاء الله بناتهم شحلوهم وحده عمرها 6 والثانيه 7 سنوات وما فيهم الا كل عافيه .. واللي عمرها 7 سنوات تلعب مع ولد اختها اللي اكبر منها بسنتين ونص هههههههههههههه

 

[NauGhty nuRse]

1000 مبروك والله يتتم عليج انشاء الله وسوي التحليل احسن عشان تتطمنين

 

[NauGhty nuRse]

1000 مبروك والله يتتم عليج انشاء الله وسوي التحليل احسن عشان تتطمنين :yaaaaaarb:

 

[AVE.NJ]

انه الحين حامل وعمري 40 انه مافي تحليل بالدنيا وماسويته
وتوكلي على الله وسوي التحليل والله المستعان
واسال الله ان يحفظ مافي بطنج من كل شر وبلاء

 

[ام المعلمات]

والله فرحت من ردودكم وطمنتونى وزوجى يقول سوي التحاليل وانشالله ماكوإلا العافية للاطمئنان وانشالله موعدى يوم 20/6 اسوى التحاليل والدكتورة تقول النتيجة بعد اسبوع انشالله ابلغكم بنتيجة ابى دعواتكم الله لايحرمنى منكم ولا من المنتدى

 

[فلافل وبطاط]

ألف ألف مبروكـ

ولا تحاتين وتوكلي على ربج ... توج صغيره مو من كبرج ترا ... بعز الشباب ..

وأمي وعمتي ومرت يدي كلهم حملوا بنفس عمرج وأكبر والحمدلله مافيهم الا العافيه ..

سوي تحاليلج اذا حابه تتطمنين ..

وانشالله نفرح بخبر ولادتج يارب ..

 

[mrs.perfect]

تر هالتحاليل وقائيه مو اكثر مافيها شي سويها احسن
وبعدين امي حملت بالربعين والفرق بيني وبين اختي الصغيره 16 سنه وبينها واخوي 18
والبيت غير بالياهل الله يتمم عليج ان شاء الله وسوي التحاليل