حامل وفيني فايرس بالمهبل

[زوزووووووووو]

السلام عليكم يا حوامل ويا امهات
عندي مشكله باختصار انا حامل بالشهر الثامن واكتشفنا ان انا وزوجي نعاني من فايرس بالمهبل يسبب ثآليل غير مؤلمه ولكن ممكن انها تتكاثر وتزيد وما تتعالج الا بالكوي
ابي اسألكم بنات منو مرت بهالحاله واهي حامل لان الاطبه قالولي الولاده الطبيعية موزينه على حالتي يخافون البيبي يتعادى من الثآليل اثناء الولاده وتتكون على عيونه واحباله الصوتية ولازم تروح بعملية جراحية بس ودي اعرف منو مثل حالتي وتعالجت بالكوي قبل الولاده وولدت ولاده طبيعية من غير مشاكل ومنو صار فيها مثلي وتشافت من هالمرض بشكل كامل ومارجعلها مرة ثانية
اللي عندها اي فكره عن الموضوع لا تبخل علي بليز بنات

 

[زوزووووووووو]

طبعا للتوضيح الثآليل هاذي ما تتكون الا على الاعضاء التناسلية وتنتقل اثناء الجماع بلمس الجلد المصاب وممكن تنتقل للطفل اثناء الولادة الطبيعية في مناطق من جسمه واهو فايرس جنسي يشبه الهربز وغيره من الفايروسات الا ان ما ينتقل بالدم والمصافحه والعطس وما ينتقل الا بالجنس

 

[M!SS.LOBY]

الله يشفيج

 

[Jana123]

لاتحاتين اعرف وحده كان فيها وولدت طبيعي بس كان فيها بره المهبل موداخل والحمدالله البيبي مافيه شي عالجي بالكوي او بالكريمات اذا مانفعت وصارت داخل اولدي قيصري ولاتحاتين سهالات ان شالله بس لاتلمسينهم بايدج لما تحطين كريم لبسي قفازات عشان مايتكاثرون زياده والله يسهل عليج

 

[زوزووووووووو]

مشكورين بنات على ردودكم والله يطمن قلوبكم
اليوم رحت الجلدية لان دكتور النسا قال علاجج مو عندنا ولما رحت الجلدية قالتلي هم علاجج مو عندنا مادري يعني اعالج نفسي ولا اكوي نفسي بروحي ولا شنو
المهم اللي بالجلدية سوت لي كوي خفيف من بالمنطقه اللي برا المهبل وما سوت شي بفتحة المهبل نفسها ولما اشوف لقيت حبوب وثآليل بالمكان ما تعالجت بعد مادري اهي شنو سوت وعطتني موعد عقب اسبوع تقول تعالي نشوفه طاب ولا لا بس سؤال بنات منو تعرف طبيب خاص يكون ممتاز او موقع طبي بالانترنت اقدر اشتري منه ادويه من برا الكويت او كريمات

 

[زهرة التولاي]

مشكورين بنات على ردودكم والله يطمن قلوبكم
اليوم رحت الجلدية لان دكتور النسا قال علاجج مو عندنا ولما رحت الجلدية قالتلي هم علاجج مو عندنا مادري يعني اعالج نفسي ولا اكوي نفسي بروحي ولا شنو
المهم اللي بالجلدية سوت لي كوي خفيف من بالمنطقه اللي برا المهبل وما سوت شي بفتحة المهبل نفسها ولما اشوف لقيت حبوب وثآليل بالمكان ما تعالجت بعد مادري اهي شنو سوت وعطتني موعد عقب اسبوع تقول تعالي نشوفه طاب ولا لا بس سؤال بنات منو تعرف طبيب خاص يكون ممتاز او موقع طبي بالانترنت اقدر اشتري منه ادويه من برا الكويت او كريمات

حبيبتي لاتخافين الله يهون عليج ان شاءالله انا صار فيني بس الله اراد اني اتعور وماكمل حمالي .. المهم تعالجت منه بشهر كان صج متعب وتعبت نفسيني خفت ان مايروح وقالولي لو كنت مكمله حمالي جان ولدوني قيصري مع ان الي فيني موداخلي بس خارجي انتقل لي من الحمامات العامه لان زوجي ماكان فيه هالمرض .. الي عالجتني من هالمرض الدكتوره رائده الفضلي تلقينها بالسيف ماتخيلين شنو الدواء الي شافاني من هالمرض تعرفين الدواء الابيض مال العنقز هو الي نشف هالثأليل وتشافيت منه هي الدكتوره اكتبتلي هالدواء وفاد حييل معاي وأنا حامل الحين وهذا صارلي بسنة 2011ماابي منج غير تدعيلي ان الله يهون علي ويتمم حملي على خير اذا قدرت افيدج والله معاج

 

[Jana123]

روحي رويال عند خالده او زينب المصريه اهم اصلا يسوولج مسحه عشان يشوفون في داخل المهبل ولا بره ويعطونج العلاج المناسب او يشووفون كوي ولا كريم لاتحاتين لحد يخرعج والله يسهل عليج