حايره افيدوني

[النظال]

لدي عدة صديقات متزوجات
لكن وحدة من الصديقات دائما تقول لي سلمي على رجلك
احس انها متعلقه به
واحيانا تقولي شأخباره
واحيان تتقول لي اعيالك طالعين على ابوهم يهبلون
شعر اعيالك رهيب -

ماذا تفسرون هذه التصرفات
حيث انها ملتزمه متزوجه رجل منعم عليها
عمرها فوق 30 ولديها 4 اطفال
اخاف اكلمها تزعل وهي عزيزه عليه

 

[..MaYaR]

نغزيها بضحك موب بعصبيه قولي لها لا والله يعني من صجج ولا تمصخرين وقوليلها حتى انتي سلمي على ريلج بعدين قولها لا من صجج لا تسلمين لا يقول عني خفيفه وريلي موب مالي عيني بتندقر ولا تسولفين عن زوجج جدامها تخوف هذي ..

 

[زينبو]

رد : رد: حايره افيدوني

حقريها وغيري السالفه كلما يابت سيرة ريلج لين تمل بعدين مو اي رفيجه رفيجه صراحه فديري بالج احتياط

 

[ضايعة بدنيتي]

رد : حايره افيدوني

حبوبة ديري بالك انتي لا تتكلمين عن زوجك ابدا ابدا ابدا جدامها حتى لو كانت طيبة وحبوبة . الواحد ما يضمن حتى نفسه الا هالدور الغريب. انتي لا تتكلمين عن امورك الخاصة فيك وبزوجك مهما كان .

الله يبعد عنكم شياطين الجن والانس ويسخر لك زوجك ويهنيكم العمر كله

 

[Deep FeeLing]

ردي عليها بنفس الكلام على ضحك خل تحس

 

[فوفو22]

هالتوعيه حاوريها بنفس اسلوبها بالضبط

واللبيب بالاشارة يفهمو


فوفو

 

[انت غلاي]

رد : حايره افيدوني

انا اقول حبوبه لاتجيبين سيره لزوجك عندها واذا قالت سلمي على زوجك قولي من صدقك
ولا تمزحين

 

[amoona89]

اخذي حذرج منهاا
اذا قالت لج سلمى على زوجج قولي لها وانتى بعد سلمى على زوجج
واذا قاالت عيالج يهبلوون طاعلين على ابوهم قولي شتقصدين؟يعنى امهم شينه
ردي عليهاا ردود تحرجها​

 

[اشتياق]

عادي لاتسيئين الظن!

 

[ابدا يالغالي مانساك]

رد : حايره افيدوني

انا ويا الغلا اشتياق
يعني لاتسين الضن دامه متزوجه لا يمكن انتي معودته
دايمن تسولفين مع زوجج عنده
الحين لاتتكلمين معااه جدامه
وانا قالت سلمي علي زوجك قوللي من صجج تسولفين اخذيه بامر الدعابه عشان ماتتحسس قوللي صارت واحد من الشباب
وانا قالت عيالج طالعيلله قوللي لا حبيبتي طالعين الي امهم
وبس
يعني كل ماتجيب طاري زوجج دقريه بالخفيف
واالبيب بالاشارة يفهموا

 

[النظال]

انا ما اجيب سيرته
لكن عندما ازورها او تاتي عندي وهي قايمه تقول سلمي عليه
احسن انها على نيه وليس لها قصد بس بعض الاحيان احس كل الحريم يقولون نفس اسلوبها

 

[زوجة عزيز]

رد : رد: حايره افيدوني

حقريها وغيري السالفه كلما يابت سيرة ريلج لين تمل بعدين مو اي رفيجه رفيجه صراحه فديري بالج احتياط

صح معاها

 

[يكفيني حنانك..]

طيب يمكن تقولها من زود الميانه ماقصدها شي

 

[جـــواهر]

يعني شتبي بزوجج ؟؟؟


بس ان ضايقج سلامها عادي ردي عليها وقولي :
ويازيني قايلتله يابو فلان تسلم عليك فلانه :eh_s(10):

ولا قوليلها وانتي بعد سلميلي ع ابو عيالج

 

[النظال]

مشكورين هي الان سافرت الى جدة وستقرت يعني اتصالات على خفيف

 

[النظال]

الله يحفظ الجميع

 

[Ghaderooo]

وخري عنها

 

[.حــنــان.]

نغزيها بضحك موب بعصبيه قولي لها لا والله يعني من صجج ولا تمصخرين وقوليلها حتى انتي سلمي على ريلج بعدين قولها لا من صجج لا تسلمين لا يقول عني خفيفه وريلي موب مالي عيني بتندقر ولا تسولفين عن زوجج جدامها تخوف هذي ..

صح صح

 

[انا فجر]

عاد أنا صديقاتي يقولون لي كيذا وقبل ما اتزوج ايذا اتصلت ع صديقتي اسالها شخبار فلان عادي وترد علي
وهو اصدقائه يسالون عني بس مب كلهم اللي بينهم ميانه
الوضع عادي

 

[Omhamood]

لاحول ولاقوة الا بالله

من صجج اختي ؟؟؟؟؟ارجوج احسني الظن المره لاهي يمه ولاهي صوبه ولاتعرف رقم تلفونه

وتقولين انتقلت راحت جده وحيرانه وتفكرين وشاغله نفسج عشان قالت سلمي على زرجج

وخير ان شاء الله شصار ......... انا والله عبالي شي جايد عبالي بتقولين جكيتيه يكلمها او حاسه

انها تلزق فيه او مطرشتله مسج كل هذا عشان السلام وعشان قالت عيالج حلوين مبينه علي نياتها

لو بقلبها شي مابينت لج بس ماقول الا الله يهديج والله يعين بعض الحريم على نفسهم