حبايبي ابي هدية لميلاد زوجي

[مششاااااعل]

السلام عليكم
حبايبي حدي محتاره يوم ميلاد زوجي قريب وابي اهديه شي غير عن كل مره وابي افكار حلوه وجديده

 

[Pinky -cat]

اتوقع سوي شي يديد بنفسج عشان يشوف تغيير فيج وغير شوية مكان الاثاث اعطي طابع يديد عليه .وسوي من ايدج شي يحبه ودلعي فراشج وغرفت نومج ويبي له شي بسيط مو غالي حيل لانج انتي هديته

 

[نوفاتي]

اب

اب

 

[غلآ نوآف]

شوفي شنو ناقصه من اساسيات لبس الرجال او احتياجاتهم
لو مثلا عنده شي بالي او قديم حابة تشترين له شي جديد وحلو وانيق بداله
مثلا بوك جديد تلفون جديد ساعة حلوة خاتم مسباح انيق نعال الله يكرمج نوعيته يمشي مع كل الالوان وصناعته عدله
او مثلا نظارة ماركة او قلم منحوت فيه اسمه او حرفه او قبيلته

وبجانب الشي الي تختاريه
ممكن تشتري عطر او بيجاما حلوة مريحة يلبسها بالبيت او بهذيك المناسبة
تكوني مجهزتها مبخرة ومعطرة ومغسولة من قبل ومكوية عدل

ترتبين نفسج والشقة او الغرفة حقتكم
كشخي وتعدلي ولبسي شي جديد وحلو
واهتمي بالاضاءة المناسبة للغرفة

 

[نـعـومـه]

لازم تشوفين شنو يحب وشنو ناقصه

مثلا ريلي غرامه ساعات بميلاده اللي طاف واللي قبله اخذتله ساعه

يحب البوك او ناقصه بوك اخذيله بوك ماركه

يحب المسابيح اخذيله مسباح

عطور بخور

لبس رياضي اي شيرت بنطلون


شوفي شنو يحب واخذيله

 

[*الجود*]

Up
up

 

[مششاااااعل]

تسسسلمون اللي ردوا كلهم عاد انا مشكلتي ساكنه مع حمولتي مااقدر افلها صح هههههههه عاد سالفه الساعات مكتفي احس مافيه شي ناقصه بس ادعولي اتوفق باختيار الهديه

 

[ملگه]

اشتریله جهاز حلو ایفون او جلگسي

 

[فراولة فووووشية]

حبيبتي كل شي على حسب الميزانية
مثلا تقدرين تشترين جماغ ماركة وخام دشداشة بما ان داخلين عالشتا
واذا يحب القمصان اللي تحت الدشداشة اشتري بزمة ماركة او تفصلينها باسم عايلته او ابو فلان في وحدة بالمنتدى تفصلهم
ومثل ماقالو البنات عندج البوك والمسباح والساعة وغيره
وفي عطر اسمه creed عجيييب بس غالي يمكن ٥٠ دينار
وعالجو اذا تقدرين حجزي فندق ليلة او اذا حابة بالبيت ييبي تفافيخ غاز لونين نفس لون قميصج وورد نثريه بالغرفة ورتبي الشموع عالارض وعطري الدار وبخريها وحطي طاولة بالغرفة نثري عليها ورد وشموع وحطي عصير بقلاصات حلوة يبيعونهم بالاسواق الشعبية وطلبي كيكة حطي عليها تاريخ زواجكم او صورة حلوة لزوجج يوم العرس او صورة دبلكم واذا تحبين تهدينه بوكيه ورد
بالنسبة للقميص اذا حابة لبسي قميصج يوم العرس او براحتج اشتري قميص يديد
وسوري اذا طولت عليج ​

 

[مسس سايلنت]

حبيبتي حتى لو مع حمولتج بس انتي اكييد غرفتج برووح ومعزوله تقدرين تسوين كل شي

انا قبل جم يوم كان عيد ميلاد زوجي طلعنا مع بعض تعشينا وصورنا مع بعض

بس لمن ردينا البيت كنت مزهبتلا بالونات و الهدايا وااايد واييييد استاانس

شريتله بوك ماركه وساعه وقميص منن لامارتينا بالافنيو وشريتله عطر منن dior واايدواييد استاانس سويله جذي وان شاء الله يعجبه

و الله يتمم عليكم

 

[بنك بااستا]

اب اب

 

[قوس قزح]

المهم انج ذكرتيه مو مهم قيمة الهدية وهذا الشي اعتقد بفرحة

 

[مششاااااعل]

فديتكم بنات ماقصرتوا الله يعطيكم العافيه استفدت واايد افكاركم الله لايحرمني منكم ويوفقكم

 

[Gifts&Occaions]

البنات كفو ووفو