حبايبي بسألكم ضروري بلييز النفاس

[Mi$sLe$s]

اللسلام عليكم
شلونكم حبيباتي؟
انا الحمدلله ولدت ويبت بنوته قمر وصارلي 25 يوم نفاس
بس ما ترددت لي الحين ومدحولي رداده اسمها ام عمر وثانيه اسمها ام علي
احد جربهم ؟؟ شلونهم وشلون اسعارهم لان ببجري ما ترددت فخايفه ومادري شلون ؟
اللي تجاوبني الله يسر لها امورها ويفتح عليها

 

[مناي]

اختي انشالله البنات يفيدونج

 

[Mi$sLe$s]

بليز ابي رد بسرعه

 

[dlll3]

يمدحون ام علي والله أعلم

 

[Mi$sLe$s]

مناي ودلع ما قصرتوا عالرد
ناطره باقي الردود

 

[aliah]

والله ماجربتهم
بس جربت وحده وكلش ماحبيتها والله يتني ربع ساعه وخرابيط وكانت قايلتلي 50دينار 3 ايام ماكملت بس اول يوم
بس انصحج ماله داعي اخر يومين قبل لاتطلعين شوفيلج وحده صينيه تسويلج مساج ابرك انا سويت جذي

 

[حرم حبيبي]

اب لعيونج
اب
اب

 

[ملوكـه]

الحمدلله مانعرف الترديد وامورنااااا
اووووووووووكي

 

[بسمه الم]

حبيبتي اناا ماترددت واموري عااال العاااال الف الحمدالله ,,
انشاءالله باااجي البنااات يفيدونج,,

 

[Mi$sLe$s]

انا جذي ما كنت ابي اردد بس بدا ظهري يعورني صوب اخر فقره وقالولي هذا لانج ما ترددتي
ولا انا ما احب هالسوالف والحين اتصلت على ام عمر قالت بييج الضحى وما شفتها لي الحين
عاليه وحرم حبيبي وملوكه وبسمه شكراعالردود ياجميلات* ؛**

 

[ToOoT"Q8]

والله أنا بجر وماعرف بهالسوالف,,, بس أمي وخالاتي مايمدحون الترديد كلش يمكن لاسمح الله تجيج وحده عليميه وتلعب فيج,,, سوي مسآج أحسن

 

[Mi$sLe$s]

توته حبيبتي شكرا عالرد
توه المره طلعت مني والله شغلها حلو بس احس غاليه شوي اليوم اب ٤٠
وماعندها احد يساعدها يعني اضطريت ادخل خدامتي فشله !
دهنتني وسوتلي كاسات هوا وبخرتني وبعدها عطتني خلطه تبييض اهي مسويتها وقالت لي تلحفي ونامي
يلا تصبحون على خير 

 

[فراوله زوجي]

انا رددتني ام علي خوووووووووش رداده والله اني ما كنت امشي من ظهري وسوتلي مساج ورددتني جزاها الله الف خير

 

[فراوله زوجي]

انا يتني ثلاث ايام وراا بعض واخذت منها بخور هواا حييل زين انصحج فيه واخذت مني ٥٥ دينار بس ها صراحه حلال عليها

 

[غالية22]

حمدلله عالسلامه