حبايبي سااعدوني بجدول للنمسا وزلامسي وفينا

[رنيم القلب]

مرحبااا حباايبي اشلووونكم
ابي مساعدتكم يا اهل الفزعه والله ماقصرتوا معااي بسفرتي لماليزيا واللحين ابي مساعدتكم لان ابخاطري اسافر لاوروباا)النمسا،فيينا،سالزبورغ،ميونخ)
وابي جدوول حلووو لمدة 10 ايام واحلى اقروب لان لازم اروح مع اقروب احسن واضمن وميزانيتي 3000 وشنو احسن طيران
عفييه بناات ابيكم اتساعدووني وتكتبون كل شي يفيدني ومشكوورين ماقصرتوا

 

[رنيم القلب]

شدعوووا بنااات 22 مشاهده ولا وحده ردت عالاقل رفعوا الموضووع

 

[am faisal]

حبيبتى من عيونى الطيران. التركى. وعن تجربة. كويت فيينا. ساعة. وتوصلين. تركيا. ساعة. ترانزيت. و٣ ساعات. وتوصلين. لا تقولين. قطرية. الاماراتية. لاااااااااابعدين. فيينا. الأوت. لت. واسكنى. بشارع. ماريا. هلف. ستراسة. شكثر. الفنادق. والسوق. والسوبر. ماركت. يمج. وشارع التسوق بلاتز. شارع. الماركات. مدينة. الألعاب. القصر الملكى. سالسبورغ. اسكنى . رمادا. [/sizeصوب. المجمع. وراك. مغسلة. ملابس. ومطعم صاحبة تونسى. قبال. المصبغة. اكله. خيال. وأسالية. على سائق أردنى. يوديكم رحلة. البحيرات. السبعةًً. هالشتاتً. وولف. قانقً. خياااااااالً. لااااااًًً. وعندىً. أحلى. من. زلمسى. جسرًًً. المدينة. القديمةًًً. رووووعةً. كلة. إقفال. معلقة. على. طول. الجسر. مكتوب. عليها. أسامى. الحبيبة. اسمها. واسمة. مئات. الأقفال لاًتنسينً. ودى. لج. قفلًً. هههههههههههً. أوت. لت. سالسبورغ. المتحف. الطبيعىًً. متحف. الحربى. وزلمسى طيارات.قديمة. والتزلج. والبحيرة. وتروحينً. وتردينً. بالسلامة. ]

 

[ام مهاوش]

ليش تروحين مع قروب انتو روحو بروحكم واجرو سياره بتسانسون
شوفي تقريري موجود بالتوقيع واي استفسار من عيوني

 

[am faisal]

[امعاج. حق. ام. مهاوش. هذى سفرة وناسة. مؤ رحلة. مدرسة. قروب. يودونىً. ويجيبونىً. على. كيفهم. لا. والمرشد. لا. صار. خرطىًًً. شلجً. تحملينً. الناس. ومزاجاتهم. ان. طعتينى كنسلىً. القروبً. روحوً. بروحكمً. لاااااااااااااً وفية. سلبيات. اخرى. للقروبً. ما أبى. أقولها. حلوة. السفرة. بدون. قيود. على. كيفجً. وتهنينً. مقدما.

 

[Alrem_q8]

انتي تقولين تبين احلى قروب اذا قروب مو انتي تحددين جم يوم بكل منطقه والمده القروب يلزمج بأشيا عدد الايام والمناطق وكل شي


اذا بروحكم ١٠ ايام
الافضل انها تكون فينا ٣ ايام وزلمسي اسبوع )) وطبعا وانتي بزلمسي تروحين سالزبورج بنفس اليوم وترجعين
او يومين فينا و٨ ايام زلمسي


لان المده تعتبر قصيره راح يصير ضغط اذا بتدخلين معاهم ميونخ
بس اذا بخاطرج ميونخ
خلي يومين فينا وخمس ايام زلمسي وطبعا من زلمسي تروحين سالزبورج و٣ ايام بميونخ

 

[zqertya]

حبيبتي قعدي 5 ايام بزلمسي و4 بفيينا عشان حق الرده

بالنسبه لي زلمسي عاديه بس فيينا فيها مولات ومطاعم ورحلات 10 ايام ماتكفي وزلمسي تقدرين تطلعين منها حق كابرون بينهم ربع ساعه طريج وهم مناطق ثانيه وشلالات

انشالله بنزل تقرير هالايام عن سفرتي النمسا وميونخ نزلته اكثر من مره هههه وكان يعلق

 

[جودي 130]

مرحبااا حباايبي اشلووونكم
ابي مساعدتكم يا اهل الفزعه والله ماقصرتوا معااي بسفرتي لماليزيا واللحين ابي مساعدتكم لان ابخاطري اسافر لاوروباا)النمسا،فيينا،سالزبورغ،ميونخ)
وابي جدوول حلووو لمدة 10 ايام واحلى اقروب لان لازم اروح مع اقروب احسن واضمن وميزانيتي 3000 وشنو احسن طيران
عفييه بناات ابيكم اتساعدووني وتكتبون كل شي يفيدني ومشكوورين ماقصرتوا

هلا فيك
شوفي خلي جدولك الكويت لفيينا ومن ميونخ الى الكويت
تجلسين اول 2 ايام بفيينا وراح اعطيك سكن رهييب قريب من المترو وقريب من نهر الدانوب بصراحه حيييل حلو Adagio Wien Zentrum
وبعدها تروحين بالقطار الى سالزبورغ وتجلسين فيها يومين رحنا منجم الملح والقلعه الاثريه وفي اماكن ماسعفنا الوقت مثل الجسر الخشبي وغيره والسكن الي راح اعطيك اياه تطلعين من محطه القطار تلقينه على طوول Ramada Hotel Salzburg City Centre سوينا التشيك ان ورحنا منطقه فريسلانق واجرنا سياره وهي منطقه المانيه تبعد اقل من 10 دقايق عن سالزبورغ من مكتب سكست وبعدها تروحين الى كابرون وتجلسين فيها 4 ايام وفي سكن بكوخ رهييب مره هو عباره عن عده اكواخ تملكها عائله طيبه كثيير Dorfchalets Kaprunوهي قريبه من قمه كابرون ومن الزحليقه الصيفيه الي على شكل قطار وكابرون تبعد عن زيل ام سي تقريبا 8 كيلو بالسياره ماراح تحسين من المناظر الحلو الي راح تشوفينها وبعد تروحين الى انسبروك عند مصنع الكريستال وتقدرين تروحين تشوفين القبه الذهبيه وبعدها الى ميونخ وتجلسين فيها يومين وتسلمين السياره وبكذا تكونين استلمتيها وسلمتيها بالمانيا وماراح تنحسب عليك ضريبه وتستخدمين المترو وتروحين حديقه الاولمبيات ومعرض بي ام دبليو وبالنسبه للسكن فيها انا سكنت Mercure München City Center بس بصراحه ماانصحك فيه ابدا لانه بوسط السوق موحلو نهائيا واذاحابه ادور لك سكن حلو وخريطه المتر لفينا وميونخ بالعربي من عيوني :eh_s(17):