حبوب ( أوندا) اللي توخر النساه او تخففها !!!

[معلمة الاجيال]

قوه يا حلويييييييين شلوووووووونكم شخباركم

بغيت اسال عن حبوب اوندا الي تخفف او تعدم النساه .. احد عنده فكرة عنها ؟؟ وهل فيها ضرر على الام او الجنين ؟؟

 

[المـــــها]

روووووووووعه انا خلصت يمكن ٣ كراتين منها
و سعرها ب ٢٨ تقريبا
روووعه انا نساتي قوية و نفعتني حيل آكل حبة باليوم
و عرضتها على كذا دكتور كل واحد يشوفهم يقول: اووووه سووو قود
و رفيجاتي نفس الشي
و دكتورتي بالمستوصف تبيهم هههه بتتشيطر الظاهر من وراي

 

[معلمة الاجيال]

صجج بس انا الحين بالسادس .. بس مو قادرة اتحمل الترجيع .. للحين اتنسى اذاكارهه شي من اشوفه ارجع .. متنسيه على بيت اهلي مو قادره اروح للحين

 

[*peace*]

ماجربتهم بس انا جربت نافيدوكسين صراحه يهبلون حيل خفت نساتي بسيطه صارت

واكو ناس راحت نساتهم بالمره بس بغيت امووووووت قبل لااكلهم جربيهم من اي صيدليه ورخاص

باقل من دينار

 

[قمورة الكويت]

رووووووووعه انا كنت كل اسبوع اخذ مغذي والله لما اوصفتلي هالحبوب ارتحت حيل صرت اطلع وارد ردت لي العافيه

والله زوجي المسكين تعب معاي بالنسات بس من خذيت هالحبوب هو يذكرني فيهم كل يوم يقول ها كليتي الحبه السحريه ؟؟ والله صج سحريه

 

[قمورة الكويت]

بس استشيري دكتورج افضل ؟؟؟

 

[c a t w o m a n]

روعة

أنا نساتي كانت جايدة نص حمالي نساة اللهم لك الحمد انهريت من اللوعة والترجيع تكرمين

النفادوكسين ما سوالي شي بس أوندا روعة حبة وحده الصبح يا قبل أو بعد الفطور ما أذكر تحديدا و بس أعيش يومي طبيعي

ما تأثر عالجنين هالحبوب يصرفونها للحوامل ومافي كثري بلعهم لولي

 

[cacaouette-qa]

استشيري دكتورتج

استقباااااااااااااااال ولاده مميز وخطير من cacaouette chocolate بالصور
http://www.q8yat.com/t922670.html

 

[ام توووفي]

اخذيهم وانتي مغمضه انا مانفع معاي غيرهم والله حسيتهم سحر وسألت دكتورتي وامدحتهم لي

 

[ناني سيكرتس]

خوش حبوب واصلا اهم زينين حق الحامل وما منها ضرر, انا دكتوري وصفهم لي بعد نيفوديكس, كنت اكل حبه باليوم, نص الصبح ونص قبل العشا, والله زينين, بس انا ليش نساتس جايدخ شويه خففت اللوعه علي, لكن الترجيع شغال الله وكيلج ..
الحين انا بنص الخامس وللحين اذا تذكرت شي تنسيت فيه ارجع على طول ...

 

[miss_whitemocha]

والله وايد يمدحونهم..بس انا كلش ما نفعوا وياي..
نساتي واااايد جايدة..
ماشية بالرابع وللحين أتنسى..​

 

[H&M love]

انا بدون حبوب onda ترجيع في ترجيع و انتو بكرامه
حياتي بدونها ولا شي
انا خلصت علبتين و الحين بالثالثة
و اذا يوم قلت راحت النساة و ما خذيتها
ارد ارجع مرة ثانية
لازم اخذها و الا ما اعيش يومي طبيعية
و الحمدلله على كل حال

 

[STILL G L A M ~]

الاوندا روعه بس مادري اذا لها ضرر ماااعرف عنها شي بس انا اخذها الحين من اخر الثاني وانا بالثالث

اما مالت المستوصف نافيدوكسين مادري شسمها المهم مرضتني وخلتني دايخه ومريضه ومااشتهي الاكل واللوعه ماخفت ..,

 

[girl_in_abottle]

حبوب الاوندا وايد تنفع و حيل حيل قوية

خلصت منها 3 علب

الحين ماآخذ و إذا يتني الحاله اخذ مال المستوصف نوفودكسين

بس ترة هي حبوب جدا قوية و تستخدم اساسا لعلاج الترجيع و الغثيان للي يعالجون بالكيماوي بعيد الشر للجميع

و هو غير مجرب علي الأمهات الحوامل

بس مجربينه علي الحيوانات الحوامل و ماطلع ضرر

 

[بشوشه]

اب اب اب

 

[نفول]

عجييييييييييبه تهبل
انا الحين بالعلبه الثالثه وسعرها بالطقاق اهم شي ارتاااااح
انا اول الاشهر كنت اخذ كل يوم حبه بليل علشان اقدر انام واقوم الصبح حق الدوام زينه
بس من دشيت الرابع جربت روحي ٥ ايام بدونها بس اعتفست كله ترجيع خذيت منها حبه كامله كل يوم لمده اسبوع بعدين قلت بجرب نص حبع باليوم والحين الحمدالله
بالويك اند مااخذها مرات
بس شي لايتعوض ولا تطوفينها واغلب الحوامل ياخذونها

 

[[[ عيون جابر ]]]

انا جربتهم ومفعولها سحري والله اكل حبه وحده واكسرها وحده الظهر وحده بليل وتروح اللوعه جني جذابه اصير مافيني شي
انصحج تاخذينهم سعرهم 28 دينار

 

[لامار الكويت]

افففففففف حيييييييييل ماشاللللللله راحت النساة كلها وانا نساتي احس محد نفسي

ما اقدر اقوم وامشي من التعب والدوخه تخيلي

لدرجة يوم دكتوري وصفهم لي

وجربتهم وارتحت قلتله اذا فيني بنت بسميها اوندا

هههههههههه

 

[ام ساره 4]

أنا جربتهم رووووعه وما منهم ضرر وخلصتهم وخذيت النافوكسيدين هم بعد يهبلون وسعرهم رخيص الكرتون فيه ١٠ حبات ب ٦٦٠ فلس أما أوندا سعرهم ٢٨ دينار فيهم ١٥ حبه

 

[يآكثر آحبك.~]

مافيهاااا ضرررر دكتورتي بالخاص صرفتها لي

ورحت سألت دكتوره بالحكومه وهم امدحتها

وهي عجييييبه تخفف اللوعه والترجيع اذا حسيتي بلوعه اكليهاا ع طووول


خلصت كرتونين والكرتون الثالث ماكملته خففف عني الترجيع واللوعه الحمدلله وقفتهم

بس للحين بجنطتي احتيااااط