حبوب المانع والتكيسات :(

[دلووعة أهلهاا]

السلام عليكم بنات ..
اشلونكم ؟
أسأل الله ان يرزقني ويرزقكم بالذريه الصالحه عاجلأ غير أجلا يارب العالمين



بدش بموضوعي اللي متعبني .. بعد ولادتي اكلت حبوب مانع مدة 10 شهور وقطيتهم بعدها تخربطت عندي الدوره يعني عادي تقعد شهر ونص بعدها تجيني وكل شهر تتاخر حيل مخربطهوسمعت ان اللي دورتها مومنتظمه ماتحمل ..رحت لدكتوري بعد ماقطعت حبوب ب8 شهور لاني سمعت ان حبوب المانع تعطي مناعه .. رحت لدكتورتي وسوت لي كل التحاليل والحمدلله طلعت سليمه وسوت لي سونار وقالت ان فيني تكيساات خفيفه ماتمنع الحمل عطتني كلوميد وابره تفجيريه والله ماكتب لي الحمل وجتني الدوره واول مره تنزل بموعدها بعدها رحت تمرخت وقالت لي المره ان تبويضي مونشيط قلتلها اخذت كلوميد قالت الكلوميد بس يكبر حجم البويضه بس ماينشطها وهم بعد التمريخ الله ماكتب لي الحمل وكالعاده تاخرت الدوره والحين قاعده افكر باخذ حبوب مانع لمدة شهر عشان ااتكيس يروح لان سمعت واجد ان علاج التكيس حبوب المانع .. بنات فيدوووني الله يجزاكم خير منو جربت حبوب المانع وشال التكيسات

 

[قلب طفـــله]

اللي اعرفه الكلوفاج يشيلها

ولازم تنزلين وزنج

بسج من المانع اذا ان شاء الله حملتي وولدتي حطي لج لولب أو مانع طبيبعي

الله يرزقج

 

[دلووعة أهلهاا]

قلب طفله وزني زين 60

يعني مااكلم حبوب مانع عشان التكيسات !

 

[هِتاف]

انا نحيفه و فيني تكيسات وصرفت لي الدكتوره كلوفاج
وغيرت الدكتوره وكمان اعطتني كلوفاج

لازم تاخذينها حبيبتي عشان يخف لكن التكيس مايروح على فكره

 

[يستفزني غلاك]

الرياضه زينه و 60 زين بس همن اضعفي كم كيلو بيجيب نتيجه
و شلون يعطيج كلوميد و فيج تكيسات
التكيسات تمنع الحمل
بس انا انصحج ب البقدونس نقعيه ب ماااي يغلي و اشششششربي ماشششاءالله حححيل يقوي البويضات والمبايض و يساعد ع الحمل

 

[ربيع_الروح]

حبيبتي علاج التكيسات لازم بمتابعة طبيه مو على كيفج

ولازم 3 شهور حبوب المانع مو شهر واحد


وفي ناس يعطونهم كلوكوفاج مو مانع لأن كل حاله غير عن الثانية ولكل نوع تكيس علاج غير

 

[كويتيه متعصبه]

حبيبتي اليوم انا مراجعه لي ٥ شهور قاطه حبوب المانع ورحت اراجع حق الحمال
لقيت عندي كيس ع المبيض وماعطتني ولا علاج ولا شي قالت بعد ٣ شهور تجيني تقول الكيس ينز بروحه عاد مدري

 

[Pink_Roses]

ترا في فرق بين التكيسات اللي في المبيض نفسة يعني البويضات ما تكبر وتطلع من المبيض تقعد تتجمع وهذا علاجه جلوكوفاج اما الكيس اللي بره المبيض يا يروح من نفسه يا يحتاج عملية

انا انصحج بالمرمية تنشط التبويض

 

[قاهره عذالي]

التكيس يختلف عن الكيس

الكيس ينزل بحبوب المانع

اما التكيس فهو متلازمه

انا حالتي pco متلازمة تكيس المبايض يكون ع المبيض كور صغار صغار مثل عقد اللولو

اعراضه تاخر وعدم انتظام بالدوره
دهنيه بالبشره
نفخه تحت السره بالبطن
مقدمة الراس الشعر خفيفه
هالمرض يسبب البشاعه وله تاثير ع الجلد والهرمونات والشعر

رحلتي معاه طويله

التزمت بالبردقوش ونفعني اشربيه 3 مرات باليوم تلقينه على شكل اكياس شاي عند العويد وبالجمعيات
بالنسبه للتكيس ما يمنع الحمل اذا كان بسيط ومافي شي يخففه غير الكولوفاج واقري تجارب العالم

الحين انا بديت فيه وبظل اكله لحد ما اشوف بعيني ان التكيس خف او راح لان اذا صار خفيف زال تاثيره على المبيض

 

[الجادل الخشف]

انا بعد من الكلوميد صار فيني تكيسات بالمبيض اليسار بس وصرفولي جلوكوفاج واستمريت شهرين او ثلاث شهور والحمدلله راحووو
حبوب المانع للتكيسات اول مره اسمع فيها الدكتوره افضل انج تستشيرينها

 

[انتيكا]

لاتاخذين شي بدون علم الدكتورة تابعي معاها وان شاء الله تروح وربي يرزقج ويشافيج