حبوب تأخير الدورة الشهرية

[انين السنين]

السلم عليكم ورحمة الله وبركاته

اخواتي

عندي استفسار عن حبوب تأخير الدورة الشهرية انا اخذتها عشان اصوم الست بعد رمضان وبعد ما تركتها تقريبا يومين او ثلاثة نزلت اعزكم الله الدورة وكان تقريبا يوم عشرة بالشهر مع ان دورتي الاساسية موعدها خمسة وعشرين فهل بترجع نفس الموعد الاساسي اللي هو خمسه وعشرين او تستمر حسب اخر شي بعد الحبوب

وجزاكم الله خير.

 

[اموول كوول]

حبيبتي ع حسب معلوماتي انها تتلخبط معك انا اكلها
ولحد لان مومضبوطه معي
بس يقولون اذا تزوجتي تنضبط ماادري صج ولا كذب

 

[Angel_store]

راح تيي بعد ٢٨ يوم من اول يوم دوره بس ما انصحك تاخذين حبوب الدوره ممكن تاثر عل الهرمونات و تسبب نزيف و الم دوره حاد

 

[انين السنين]

مشكورين اخواتي والله يجزاكم خير

 

[قطوة@@]

راحتحسبينها على موعدها اليديد
تيليج 10 بالشهر مجدمه يوم و متاخره يوم

 

[انين السنين]

راحتحسبينها على موعدها اليديد
تيليج 10 بالشهر مجدمه يوم و متاخره يوم

تسلمين يالغالية

اسعدتيني بافادتك

وربي يوفقك .

 

[تحت ظلك]

بتلخبط معاج تقدم أحيانا ايام وتأخر احيانا ايام
انا يبيلها اربع او خمس شهور لين تتعدل او اكثر

 

[بوسيcat]

انا خذتها برمضان ولما تركت الحبوب ياتني عقب 4 ايام والحين الشهر اللي بعده تاخرت 3 ايام وللحين ماياتلي
للي مجربتها ؟؟ بتظل تتلخبط جذي ولا بتضبط بعدين وشكثر تتاخر تقريباً