حبوب رائحة الفم؟

[توتاتوتا]

السلام عليكم

ذكرت لي حماتي ان معها زميتها في الكلية و كانت ريحة نفسها حلو و هي من النوع الحساس جدا للروائح و كل شوي تقول لها " الله ريحت نفسش حلوه" على نياتها المهم البنت من كثر ما تعيد عليها قالت اخذ حبوب بس ما قالت شسمها "نذاله" المهم دورناها و طلعنا ضنتينا بنفس الحبوب ...بس ما تسوي شي نهائي

فاتمنة وحده منكم تعرف و تعلمنا بليز

 

[GoLdeN~$~LaDy]

مو شرط حبوب يمكن اكلها زين

عموما الفواكه والجاي الأخضر وااااااايد روعه لأنه ينقي المعده من داخل

واذكر قريت بعدد من مجله اليقضه عن وحده كانت تعاني من هالمشكله لدرجه محد كان يقرب منها واعليه

فراحت لطبيب وقالها ان الريحه طالعه من معدتج

ووصف لها حبوب الفحم وتقول انتهت مشكلتي وودعت الرائحه الكريهه

اذا تبين الحبوب روحي الصيدليه قوليله ابي حبوب فحم واهي كرتونها اصفر ترى

انا كنت اخذها حق اضطراب الهضم والغازات والصراحه روعه وتحسين فيها نكهة النعناع قويه

وتوخر النفخه بس حاولي ماتكثرين منها واااايد

وانشالله تنتهي المشكله

 

[توتاتوتا]

مشكووره

 

[انونا]

ةالله ما ادري

ما عدي فكره وما حبيت اطلع من دون لا ارد

 

[الفراشة_البيضاء]

في حبوب من الصيدليه عباره عن زيت زيتون فقط وهي تحل المشكله اذا كانت من المعده
وتنفعج خصوصاً اذا كنت ما كله شي في ريحه مثل ثوم

 

[الفارسة]

حبوب زيت الزيتون من اي صيدلبة تحصلينها بس ترا مو زين للحوامل يستعملونها

 

[كيكه]

للــــــــــــــــــــــرفع

 

[الفرحه السجينه]

حبيبتي هالحبوب اسمها اير لفت تلقينها بالصيدليه

 

[اللاندكروز]

هلا خواتي لا حبوب ولا بطيخ
ريحه الفم لها اسباب اما من الاسنان مسوسه او اللثه ملتهبه او عندج المعدة تعبانه عالجيهم أول وشوفي ريحة النفس شلون تطلع وهم بعد فيه سبب ثاني بعض الأكل يسبب ريحه كريهه مثل الفلفل وبعض البهارات والمقليات بعد تطلع نفس موزين .

 

[sozeeta]

uppppppppppppp