حبوب سفن سليم ضروري

[ابله نعومه]

السلام عليكم


بنوتات انا دقيت على رقم مندوبة امانه كير وطلبت حبوب سفن سليم وحبوب الكريب فوت بس اصدمتني بالسعر الحبوب 27
والجريب فروت ب20


غالين هل هذا اهو سعرهم وياريت تكتبون تجاربكم وشنو كنتو تاكلون معاه

انا بس بنزل اربعه كيلو اسوي رجيم معاهم ولا بروحهم ؟

 

[الحسنـاء]

ياحبيبتي ابتعدي عن الحبوب

نصيحه لوجه الله

انا رحت لطبيبة رجيم وقلت لها ابي حبوب تضعف

قالت لي انتي عبالج المتان حيل حيل حيل ماكلوا

اكيد كلوا

انتي اذا كليتي هالحبوب راح تضعفين

وبعد فتره بتردين بس مو نفس متنج لا

اكثر حيل

يعني شعبولا بتصيرين

بصراحه انا خفت

والحمدلله ماكليت حبوب ولا شي

سكرت حلجي

مع فواكه وخضار وماااااااااي

في دوخه بس الحمدلله في نتيجه

ترا صج نصيحه من القلب

 

[ابله نعومه]

بس بالشتا الواحد مايقدر يسكر حلجه لوووول كله يوعانه ابي شي يسد شهيتي بوخر هالكرش وماعندي وقت حق رياضه

 

[الحسنـاء]

التفاااااااااااحة

والماي الماي الماي

انا كنت نفسج

والله العظم شريت لي بطل ماي واحد لتر

وفي اول الايام ماكنت اقدر اشربه كله

بس بعدين صرت اعبي البطل مرتين وثلاث مرات باليوم يعني لترين ماي باليوم

وصج صج صج مااااحس بالجوع ولا افكر بالاكل

اخربط بس احس مااقدر اكمل

 

[الحسنـاء]

قبل 6 ايام كان وزني 70 والحين 66

 

[فجر_الكويت]

ان شاء الله البنات يفيدونج ما عندي علم للأسف

 

[ابله نعومه]

يعني تنصحيني اكنسل للحبوب جني خفت

توني قريت عن جاي سكيم واحده كاتبه عنده وتمدحه بشتريه وبشرب ماي مثل مانصحتيني

وفي بعد مره قريت موضوع وحده كاتبه ان بمركز سلطان تنباع عشبه مثل الشوفان تحط ملعقه مع حليب كل يوم الصبح وتسد نفسها بس للاسف نسيت الاسم وقاعده ادور الموضوع انشاءالله القاه لانها تحلف يمين انها نزززلت وايد عليها