حبوب في وجهي

[هنــــادي]

ياهلا والله وغلا
حبايبي الموضوع واضح
عندي مناسبه تقريبا بعد اسبوع ووجهي فيه اثار حبوب بس مو كثير
بس في منطقه الجبهه واضح الاثار وفيه كم حبه صغيره في جيهتي
ياليت اللي تعرف طريقه لأزالت الاثار والكم حبه تكفووون طالبتكم وناخيتكم :0bee2e8d89:​

 

[غيمه ظميانه]

والله ماعندي فكره

بس استخدمي المره يمدحونها للحبوب وانا استخدمتها كذا مره تشد البشره وتعطي لمعة

روحي طبيب جلديه يمكن يصرف لج علاج واذا تبين سريع لازم فيه كرتيزون

 

[ام مذكر]

حبيبتي هنوده استخدمي حبوب كريوتان تخلي ويهج صافي لانها تنشف الدهون بالجسم ومدة استخدامها كورس 6شهور بس بعد ما تستشيرين دكتور لان هالحبوب تسبب تشوهات للجنين و لاتفكرين بالحمال لمدة سنة (6شهور علاج -6شهور راحه) واذا تبين حل سريع ما انصحج بكريمات الكرتزون لانها ترمم يومين وتهدم دهر انصحج بالتقشير بس قبل المناسبة ب3 اسابيع اما تقشير كيميائي او تقشير كرستال حسب حاجة بشرتج واتمنى اكون افدتج

 

[Noufawi]

أسبوع مده قصيره بس بفيدج باللي أعرفه

أول شي روحي أقرب صيدليه و اشتري صابونة Acne-Aid
هالصابونه حيييل مفيده للحبوب و تصفي الوجه و ما تنشفه

و اسكينول الخيار و ضيفي عليه قفشة ماي ورد و قفشة صغيره نشا و قفشة صغيرة حليب بودره
خلج دايما قبل لاتغسلين وجهج امسحيه باسكينول
والله ينظف و يشيل القشور و مع الأيام تلقين الحبوب خفت


و في ماسك قالت عنه بنت بالمنتدى الله يجزاها خير ماني ذاكره اسمها
الماسك حييييل حلو و دايما انصح فيه

م ص - حبة سودة مطحونه
نص م ص - مره مطحونه
نص م ص- روب
كم نقطه من عصير ليمون
شوية ملح
شويه زيت زيتون

اخلطيهم مع بعض و حطيه لمدة ساعة أو ساعه ونص
هالماسك يوميا

الشي الرابع ماي الورد
حطيه بعلبة بخاخ و قد ما تقدرين رشي منه


هالشغلات داومي عليهم و راح تشوفين بشرتج كل مالها و تصير أحسن


عشان ما انسى , في محلول دايم توصفه لي الدكتوره اسمه Zenirit
تستخدمينه الصبح على الحبوب و ينشفهم , و يقشر بس ع الخفيف


ان شالله أكون افدتج

 

[catwiti]

انا ماعندي علاج حق الاثار بس عني علاج انا جربته والحين انتهت مشكله الحبوب نهائياااااااا ماشالله والحمد لله وين كنت وييين صصصصصرت

انصحج تفتكيين من هالمشكله بس اذا انتي بالكويت ما ادري عنج اذا مو بالكويت بس انا رححت حق طبيب بالجلديه وصرفلي دوا الراكوتان وطبعا تتمين تتعالجين وتكونين تحت اشرافه كل شهر يجسك على تحليل دمج عشان مايأثر عليج
انا خذيت 6 شهور وخلصت العلاج ولحد الحين الحمد لله مرتاااااااااحه وماتطلعلي حبوب
وافتكييت نهائيا مشالله صج العلاج حلووو

 

[catwiti]

انا ماعندي علاج حق الاثار بس عني علاج انا جربته والحين انتهت مشكله الحبوب نهائياااااااا ماشالله والحمد لله وين كنت وييين صصصصصرت

انصحج تفتكيين من هالمشكله بس اذا انتي بالكويت ما ادري عنج اذا مو بالكويت بس انا رححت حق طبيب بالجلديه وصرفلي دوا الراكوتان وطبعا تتمين تتعالجين وتكونين تحت اشرافه كل شهر يجسك على تحليل دمج عشان مايأثر عليج
انا خذيت 6 شهور وخلصت العلاج ولحد الحين الحمد لله مرتاااااااااحه وماتطلعلي حبوب
وافتكييت نهائيا مشالله صج العلاج حلووو

 

[eva beach]

المره وااايد زينه حق الحبوب جربيها وبتشوفين النتيجه من اول يوم تستخدمينها

والاثار مافي حل حبيبتي لااازم علاج من الدكتور ويطووووووول

وبما انه عندج مناسبه قريبه فماراح يمدي هالاثار تروح لان يبيها صبر ماتروح بيوم وليله

بس عندي خلطه بصراااحه فادتني شووي انا اثاري شوويه ولونهم احمررر قمت استخدم

خلطه انا مسويه مكوناتها بنفسي بس فادتني بصرااحه حلوووة

جربيها منتي خسراانه شي وحيييل طبيعيه اذا مافادتج ماراح تضرج

الا وهي

فازلين + جلسرين سائل + زيت اللوز المر + زيت الليمون + ماي ورد

حطي من كل شي شووووي لما يصير عندج الفازلين شوي لين مو ثقيييل

وحطي شووووووووووووووووويه ماي ورد

وقبل لا تنامين دهني ويهج وناامي واذا قعدتي الصبح غسلييييه عددددددل وحطي مرطبج

وبتحسين انه ويهج منووور واشحلاته

 

[متجولة *]

شكرااااااااا

 

[الا يامطول صبري]

صابونه المره زييينه حق الحبوب

 

[ـوودي آبـكـي]

الموضوع قديم !!​

 

[om_dodo]

موفقة

 

[3aBe6a-q8]

خيتو اكو صابوون غار عند العطار يبيعهم حق حب الشباب يزيل حب الشباب واثااره .. الله يوفقج خيتو

 

[dla3_princess]

اب

اب